الاوزي على طريقة اهل نابلس وقراها

[إحساس إمرأة]

الاوزي على طريقة اهل نابلس وقراها والاوزي عنه اكلة بتنعمل دايما بالعزايم خصوصا عزايم شعبان طبعا الاوزي بنعمل على دجاج وفي ناس بتعمله على لحمه بس اكيد على دجاج اطيب خصوصا انه احنا بنحط لخمة مفرومة كمان المقادير دجاجة مقطعة ومنضفة بصلة وبهارات صحيحة هال ورق غار وعيدان قرفة بنسلق الدجاجة بعد ما نقليها شوي مع البصلة على نار هادية وبعدين بنضعطها على نار هادية لمدة نص ساعة مش اكتر وبننقع الرز وطبعا متل كل مرة بهيك طبخات بخلط رز مصري مع رز طويل بس مش كتير تلت كمية الرز وانا هون صورت الرز الطويل اللي بستخدمه وهو نوعه تايلندي وكتير ممتاز وسعره مناسب هلأ بنيجي للخطوة المهمة بهاي الاكلة واللي هي قلي الشعيرية مع سن تومة مفروم ناعم وبعد ما تحمر الشعيرية بنحط الرز عليها وبنخليه يتحمص تقريبا نص ساعة وكل فترة وفترة حركيه عشان ما ينحرق وحاولي تخلي النار كتير هادية هلا بنيجي للخضار اللي بتنحط للاوزي انا بستخدم بازيلا وجزر بس انا هون استخدمت بازيلا مع جزر مفرزة غسلتها وبعدين قليتها بشوية زيت لحد ما استوت وازا حسيتي انه حبتها يابسة شوي حطي عليها من مرقة اللحمة واللحمة المفرومة برضه قليتها لحد ما استوت (عصجتها ) وحطست عليها بهارات مشكلة هي والبازيلا وملح والرز طبعا بهرته وحطيت عليه فلفل اسود وزنجبيل وقرفة مطحونة وشوية عصفر وشوية بهار مخلط وسلقته بميه الدجاج ولما استوى الرز حطيته بالصحن وحطيت عليه الحشوة وفرمت بقدونس وقليت لوز وحطيت على وجهه والدجاج حطيت عليه بابريكا وقليته بشوية زيت هاد صحن اولادي حطيتلهم اياه لانهم ما بقدروا يستنوا ابوهم بالعافية على قلوبكم منقووووول

[إحساس إمرأة]

[إحساس إمرأة]

[jojo 123456]

يسلموووووو حبيبتي على الطبخة كتيييير شهية

[أسيرة زوجي]

[ام ارجواااااان]

[إحساس إمرأة]

[إحساس إمرأة]

[ريوماتي]

تسلم ايديكي وصفة روعة

[إحساس إمرأة]

كل الشكر لكـِ ولهذا المرور الجميل
الله يعطيكـِ العافيه يارب
خالص مودتى لكـِ