منتديات حوامل النسائية - الاوزي على طريقة اهل نابلس وقراها

http://forum.hwaml.com/imgcache2/hwa...170944_594.gif

الاوزي على طريقة اهل نابلس وقراها

والاوزي عنه اكلة بتنعمل دايما بالعزايم خصوصا عزايم شعبان

طبعا الاوزي بنعمل على دجاج وفي ناس بتعمله على لحمه
بس اكيد على دجاج اطيب خصوصا انه احنا بنحط لخمة مفرومة كمان
المقادير
دجاجة مقطعة ومنضفة
بصلة
وبهارات صحيحة هال ورق غار وعيدان قرفة
بنسلق الدجاجة بعد ما نقليها شوي مع البصلة على نار هادية
وبعدين بنضعطها على نار هادية لمدة نص ساعة مش اكتر

http://forum.hwaml.com/imgcache2/hwa...170943_221.jpg

وبننقع الرز وطبعا متل كل مرة بهيك طبخات بخلط رز مصري مع رز طويل بس مش كتير تلت كمية الرز وانا هون صورت الرز الطويل اللي بستخدمه وهو نوعه تايلندي وكتير ممتاز وسعره مناسب

http://forum.hwaml.com/imgcache2/hwa...170944_902.jpg

هلأ بنيجي للخطوة المهمة بهاي الاكلة واللي هي
قلي الشعيرية مع سن تومة مفروم ناعم
وبعد ما تحمر الشعيرية بنحط الرز عليها وبنخليه يتحمص
تقريبا نص ساعة وكل فترة وفترة حركيه عشان ما ينحرق
وحاولي تخلي النار كتير هادية

http://forum.hwaml.com/imgcache2/hwa...170942_453.jpg

هلا بنيجي للخضار اللي بتنحط للاوزي
انا بستخدم بازيلا وجزر بس
انا هون استخدمت بازيلا مع جزر مفرزة غسلتها

http://forum.hwaml.com/imgcache2/hwa...170946_499.jpg

وبعدين قليتها بشوية زيت لحد ما استوت
وازا حسيتي انه حبتها يابسة شوي حطي عليها من مرقة اللحمة

واللحمة المفرومة برضه قليتها لحد ما استوت (عصجتها )
وحطست عليها بهارات مشكلة هي والبازيلا وملح

والرز طبعا بهرته وحطيت عليه فلفل اسود وزنجبيل وقرفة مطحونة
وشوية عصفر وشوية بهار مخلط وسلقته بميه الدجاج

ولما استوى الرز حطيته بالصحن وحطيت عليه الحشوة
وفرمت بقدونس وقليت لوز وحطيت على وجهه
والدجاج حطيت عليه بابريكا وقليته بشوية زيت

http://forum.hwaml.com/imgcache2/hwa...170945_404.jpg

http://forum.hwaml.com/imgcache2/hwa...170945_882.jpg

هاد صحن اولادي حطيتلهم اياه لانهم ما بقدروا يستنوا ابوهم

http://forum.hwaml.com/imgcache2/hwa...170942_704.jpg

بالعافية على قلوبكم

http://forum.hwaml.com/imgcache2/hwa...170943_560.gif

منقووووول