الكريب دايت

[υм вtℓαα]

هذي الوصفه لأمي الله يرحمها ، خفيفه ولذيذه ومقرمشه وهي اخف كريب ( خاليه من الدهون).



والكريب على قد ماهو سهل الا ان اتقانه صعب <=== لغز




والشيف ماياخذ لقب شيف الا لما يتقن الكريب ، فاتقانك لهالعجين هي اللي تحدد مدى اتقانك للطبخ.



وإذا تبين يكون عندك كريب ناجح ومقرمش وذهبي لازم تتبعين القواعد الأساسيه.



اهمها ان الصاج اللي تصلحين فيه كريب لازم يكون من نوعيه جيده ولا راح تتعبين ويلزق معك ، شخصيا افضل مقلاة التيفال ، بس اختاري التيفال السميك .


وايضا الخلط وترييح العجين يساعد على نجاح الكريب .



وراح تكتشفون الطريقه السليمه مع سردي للوصفه.



المقادير:






كأس حليب بودره

3 كاسات دقيق ابيض

بيضه
ذرة ملح

قليل من حبة البركه (اختياري)

6كاسات ماء فاتر او حسب الطلب

قليل من الزيت لدهن الحبات لمنع التصاقها



للحشوه:


عسل

موز

سكر بودره


الطريقه:


ميزة هالكريب انه مايعجن بزبده ولا يقلى بزبده يعني oil free.







تخلط المواد الجافه ( الدقيق، الملح، حبة البركه،والحليب البودره)


تحفره حفره بالوسط ونضيف البيضه









نضيف نصف كمية الماء ونخلط بالمضرب اليدوي بخفه ونحاول تنعيم العجين ، ضروري تخلطون بخفه لان الضرب بقوه راح يخلي العجين مثل الجلده وغير هش يعني راح يفسده.



ثم نضيف باقي الماء الفاتر ونخلط حتى يصبح القوام خفيف مثل اللبن الرائب السائل يعني العجينه راح تكون سائله للغايه .ونغطي العجين ونخليه يرتاح ساعه.

.




الحين نضع قليل من الزيت في التيفال ونمسح بالمنديل يعني الزيت يادوب بغلف ، هالخطوه نصلحها مره وحده بس يعني ماراح نستخدم زيت بالحبات التاليه.



ناخذ بالمغرفه او مقدار بيالة شاي ، حسب مقاس الصاج ، اللي عندي اكبر مقاس تقريبا قطره 25سم . فاخذ تقريبا مقدار بياله ، لاني احبها رقيقه للغايه.



ولازم تكون عجينة الكريب رقيقه للغايه مثل الورقه .










الحين نصب العجين واثناء صبك للعجين حاولي تدورين التيفال بيدك عشان تغطين السطح بتساوي ونعومه .








ونخليها عالنار لين ماتصير اطرافها ذهبيه وتبدأ تنفصل عن الاطراف








لاحظوا شلون ذهبيه ورقيقه مقرمشه <= كنها معجبه بشغلها.



تقلب على جهه الثانيه حتى تحمر








تخرج من على النار وويدهن سطح الكريب بقليل من الزيت لمنع التصاق الحبه الثانيه . ونرص حبه حبه بالتتالي









نجي لطريقة التقديم

ممكن تنزلينها من على النار وتحشينها بالوسط باللي تبينه ، قشطه ، موز، فراوله ... الخ . وتلفينها مثل الرول وتقدمينها إذا حابه مع صوص أو عسل أو ترش بالسكر البودره.


او ترصينها طبقات فوق بعض وتخلينها مثل الجاتو وبدل ماتحطين بين كل حبه وحبه زيت ممكن تضيفين صوص او حشوه تحبينها, شخصياً ماحب هالطريقه لان العجين يطرى .




الطريقه اللي عرضتها لكم ، تاخين حبه وتطبقينها على شكل ربع دائره ، قدمي ثلاث او اربع حبات للشخص الواحد









زينيها بالفاكهه اللي تبين







وأخيرا صبي شوية عسل

[إحساس إمرأة]

[إحساس إمرأة]

[إحساس إمرأة]

[حياتي توأمي]

امممممممممممم

روووعه

يسلمووووو

[بحــ العيون ــــــــر]

[υм вtℓαα]

يعطيكم العافيه على المرور العطر

[ام ارجواااااان]

ٱنﭤڦـٱء مـمـﯾ̃ژ
شًڪږَٱ ڵـڪ
ۅﮂْۅمـ ﭜَٱنﭤٍظٱآږڪ
ٱمـ ٱږچۅٱن