تجربتي مع الخياطة التجميلية

[أسميه]

السلام عليكم ورحمة الله وبركاته
مسااااء الخيرر على الجميع

قبل سنه كنت ادور في المنتديات عن تجربة مقنعه ومشجعه للخياطة التجميلية
لكن في تجارب قليلة وفي بنات مادري وش يبغووون بس شغالين تحطيم كلام بدون علم هذي خياطة ماتصلح الا بعد خامس ولادة ... ماتقدرين تولدين بعدها الا قيصري .. اصلا مالها فايدة بترجعين متوسعه بعد كم شهررر ... بصراحه الي تتكلم بدون علم ولا تجربه ياليت تسكت وللابد بعد


عني انا بعد حملين واجهاض وكانت ولادتي الاخيرة بدون توسيع ولا خياطة كان الوضع شوي صعب وكنت احس بالهواء واحس بتوسع فقررت اتشجع اروح للدكتورة / احلام بمركز آسرة المجد
رحت لها بعد اسبوعين من الولادة وقالت هذا افضل وقت يكون خف الدم واعطتني اقرب موعد بعد يومين جيت الموعد ودخلت وحطت لي الممرضة مغذية وانتظرت الدكتورة شوي جات وحطت لي ابرة بنج موضعي وبدت بالخياطة وحسيت بالم محتمل وقلت لها في الم زادت شوي بنج ورجعت تكمل بسرعه وخلصت وحطت كومة شاش فيه معقم وقالت ترتاحين في الغرفة الثانية ساعه كاملة علشان اتاكد مافي نزيف او مضاعفات
ورحت للغرفة الثانية وبدأ الالم بعد ماخف البنج وجلست ادوووور من حرارة الخياطة ومن الشاش ولما كشفت وشالت الشاش قالت ليش تتحركين في شوية نزف
رحت البيت ومن السيارة للبيت يزيد الالم ماتحملت احس نااااار ( لاتخافون كل شي يستاهل ) وجلست اقلب في النت على شي يهدي لقيت تحاميل فولتارين (تحاميل شرجية) اخذتها وكانت مرررره مريحة سكنت الالم استخدمت غسول طبي (بيتادين) وكنت بس اطبطب ع الخياطة بعد عشر ايام بديت استخدم المر غسول وقبل النوم امسح بقطنه الخوجوا ( تحطين شوي منه مع زيت زيتون على نار خفيفه واذا برد احفظيه بعلبة ) مهم جدا يمنع من التهابات الخياطة ويعقم الجرح
رحت الموعد عند الدكتووورة قال ماشاء الله مافي اي التهاب والمنطقة ملتئمه والخيوط كلها طاحت باقي واحد تحبين اسحبه قلت اسحبيه
اول لقاء مع زوجي كان بعد شهرين لاني كملت الاربعين وطهرت يومين وشرفت اخت النفاس اكثر من اسبوعين
اما النتيجة واااااو روعه تحسين بثقة (عرووووسة) في الم اول شهور والدكتور وصفت لي جل يعني تعيدين ايامكم من اول ... الان لي سنه وشهرين وكل شي تمااااام


اما بالنسبه للمحطمات
فعادي جدا اي وحدة تعمل الخياطة وتقدرين تحملين وتولدين طبيعي بس الافضل تحللين الخياطة وتجلسين كم سنه بعدين تفكرين بالحمل
والي يقولون كلها كم شهر وترجعين متوسعه العذر منكم الحين لي سنه وشهرين ولسى المنطقة ضيقة وتماااام وهذا مع الاهتمام بالمنطقة تجفيف وغسول طبي لان الافرازات تسبب توسع للمنطقة حتى لوكنتي لسى عروسه

اما دكتوره احلام فهي كويسه و شااااطره من ناحية الخياطة بس لو تطول بالها شوي لان اخلاقه شوووي ...
الي ماتتحمل الالم انصحها تدور مستشفى يعطيها بنج اقوى او كامل ـوالتحاميل مررره كويسة تخفف الالم مره
الي تقدر تولد بمستشفى خاص وتسويها وقت الولادة اقضل وتكون ارتاحت مره وحده ؛ الي ماعندها القدرة الله يعينها تروح تسويها بعد اسبوعين قبل نهاية النفاس علشان تهتم بخياطتها وتغذيتها مع بعض اما الي يقولون لازم بعد سته اشهر من الولاده سالت الدكتور وقالت لا وقت النفاس افضل وانا اشوف ان جرح الولادة لسى جديد احسن من انه يلتئم وترجعين تقصين وتخيطين هذا رآي انا

ان شاء الله اني افدت احد يدور تجربة

[ام جوري&&]

شكرا على الافااااااااااده لك ودي ...

[ريحانة الجنة]

جزاااااااااك الله خير ع االافادة

[υм вtℓαα]

يعطيك العافيه

[بحــ العيون ــــــــر]

جزاااااااااك الله خير على االافادة

[أم ريومه]

شكرا ع الموضوع المفيد


انا ما اصدق ع ربي افتك من الولاده والامها وبعد اروح اسوي لي خياطه لا والله خليني كذا كل الطرق تؤدي الى روما الحمدلله ☺️

[Um sara1]

ياناسسسسسسسسسسسسس يعجبوني الواثقين والي مايهتمون بكلام احد

فعلا لو نطاوع الناس تاخرنا بخطوات مهمة وتصنع فارق وكثير مثل ماقلتي تتكلم بدون تجربة حقيقة

انا ماني مقتنعه ان عظلة توسعت بالشق والترقيع ترجع تنلم بغسول قشر الرمان والخلطات الطبيعية والخرابيط الي لاتودي ولا تجيب مجرد اوهام

ممكن اقتنع بالرياضه وكمان نتيجتها ماهي دائمة تستمر فتره بسيطة وترجع تتوسع وهذا السبب الي خلا البنات الان متفتحات وتختار القيصرية من اول ولادة عشان تحافظ على نفسها والي تقول ليش تهتمون بالرجال وليش مكبرين الموضوع احب اقولها ناظري حولك وبتلاحظين ان كثير جميلات خلوقات وعلى مستوى عالي من الثقافة مع مرور السنين والولاده المتعدده خسرت حب زوجها والعكس كثير والدين عملية ورغم سوء اخلاقهم ومشاكل المستمره مع الزوج الا انه متمسك فيه ولاتقولي هذي نظرة سطحية لان الرجل بطبيعة سطحي ويميل للمظهر والاشياء الملموسة اكثر من الصفات الشخصية الا ماندر

لكن الخياطة وخصوصا الليزر من اسمها تلم العظلة بشكل فعلي وملموس

ان شاء الله دايم عروس وحياة زوجية سعيده

[sendrellaa]

انا بالنسبه لي ولدت قبل 3 شهور والدكتوره حسبي الله عليها خيطت غلط
ورحت كشفت قالوا خيطت غلط ولازم نعدل لك وبالمره نعمل لك تجميلي ولولب
وافضل وقت بعد الولاده بشهرين او ثلاث يكون الرحم رجع لوضعه الطبيعي والعضلات مشدوده
والتجميلي يقطعوا جزء من المهبل لتضييقه مرره وخياطه داخليه وخارجيه
ولازم بنج كامل لكن الله واعلم اللي انتي عملتيه شكله خياطه تجميليه مو عمليه
والان منتظره الدوره تجي واتوكل ع الله واسويها والله يعين