أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات،
بالضغط هنا.
كما يشرفنا أن تقوم بالتسجيل بالضغط هنا
حابة احكي لكم قصة ولادتي اللي جات قبل وقتها ,, وفاجاتني او بالاصح صدمتني ,,
انا بالاساس من اهل الطايف ,, ولكن شائت الاقدار اني اروح زيارة لاهلي بالعيد بمكة ,, ولكم ان تتصوروا وضع مكة في عيد الحج تحديدا يوم 13 الحجة
للاسف كل تجهيزاتي وتخطيطاتي تلاشت ’’ شنطة المستشفى و وحتى غير المستشفى ماجبت معي ولا شي غير الملابس اللي علي سبحان الله ماكان عندي شك واحد بالمية انو بتجيني الولادة يومها
كنت بداية شهري وكل من شافني قال بطنك طالعه شكلك مطولة والسونار عطاني تاريخ بعيد , فما كان في مجال للشك
كانت زيارة عادية يوم واحد وارجع بيتي ,,
يومها ماحسيت اي الم فجأة نزلت علي موية بشكل غريب ,, كاني فاتحة حنفية ’’ من غير الم ولا طلق ولا شي
طبعا صارت حاله هستيرية بكل اللي حولي فجأة كل الموجودين صاروا يدوروا حولي << تقول كعبة الله يكرم بيت الله
وماحد عارف يسوي لي شي
يقولوا ولادة وانا مو مقتنعه لا مو وقت ولادتي مستحيل قولوا كلام غير ده
كنت انا مخططه اولد بمستشفى خاص بالطايف ومتفقه مع دكتورتي ولا اخترت المستشفى والدكتورة غير بعد جهد جهيد ماخليت وحده ما سالتها ماخليت موقع مادخلته وعملية تحري كاملة ,, بس سبحان الله كل شي تغير بلحظه مهما خططنا امر الله نافذ
زوجي مسكين مادري شالي جاه ماصار يشوف قدامه ومو عارف يتصرف ,, حسيت بيغمى عليه من الفجعه ,, لولا زوج اختي ربي يسعده يارب هو صار يهديه واخذنا بسيارته مدري شالي كان ممكن يصير
طبعا انا ماعندي اي فكرة عن مستشفيات مكة فاختي كلمت وحده من قريباتنا وقالت افضل شي مستشفى النور ,, قصدهم الظلام وربي
وانطلقنا للمستشفى
وصلنا الساعه 6 الفجر ودخلت الطواريء ’’ انا بكريه وخايفه ومو عارفه شيء كنت ابغي امي تكون معي ,, مسكينه سحبوها بطريقة بايخه انا اسحبها من جهه وهم من جهه ماقالوا حرمة كبيرة عيب الي نسويه ,, جاتني وحده هنديه كشفت و راحت اسالها كم سانتي تطالعني و تلف وجهها , حماره كاني اشحت منها
بعد ماكررت سؤالي كذا مره قالت اربعه سانتي
قالت انزلي على الكرسي وطلعتني برا وقفتني وسط الممر وخلتني وراحت ,, وربي ما انسى منظري والناس تمر من جنبي رايحين وجايين وانا تقول شحاته على باب مسجد
بالصدفه طلع زوجي من غرفة الانتظار وشافني وسحبني على طول
وطبعا كل هذا وانا مو حاسه شي ,و مافي اي الم
شوي جات ممرضه وطلعتني للكشك طبعا انا هالمرة مسكت في امي من قلب ومارضيت افكها خلتها تطلع معي لباب الكشك بعدين جو ثنتين سحبوها بالقوة وانا اصيح
خلتني افسخ ملابسي طبعا كانت ملابسي معدومة مايحتاج اقول لكم ,, حطتها بكيس لا تنسوا هالكيس راجعين له
المهم جلست بالكشك للساعه 9 دوبي بديت احس بالطلق الساعه 10 صار الالم جامد طلبت منها مخدر بنج اي شي يهديه حط ت لي اكسجين ,, وكذابه مو مخدر طلع طلق صناعي
الالم صار جبار مايحتمل وصراخي شق المستشفى شق
صراحة سويت الي مايتسوا شديت شعري وعضيت شفايفي لين قطعتها ونزل الدم وضربت الممرضة المسكينه
وسبيت كل وحده قالت لي الولادة هينه
الساعه 1 تماما طلعت بنتي ربي يحفظها لي يارب
طبعا ماحكي لكم عن الدكتوره ربي ينتقم منها ,, ربي يجعلها تولد من خاصرتها ويعذبها مثل ماعذبتني ,, على قد ماصرخت وتالمت وربي لو الحجر حس كانت هي حست , مو طايقه نفسها و مهما كلمتها وترجيتها ماترد علي ولا تكلمني
تصوروا حتى بعد مانزلت البنت قامت تخيط من غير بنج ولا شي تخيلواا وربي جباره من قوة الالم ومن كثر ماصرخت قاامت وربي بكل برووود وجابت البنج وبخت بقرف متخيلين قساوة هالقلب ,, يعني مافيها حيل تقوم ولو ماصدعت راسها من الصراخ ماكانت ناويه تحط البنج نهائي بنت الـ ,,,
وزي ماقلت لكم ولدت الساعه 1 للساعه 7 المغرب وانا مرمية بالكشك باللباس حقهم المفتوح والمكيف يجلد فيني اصحى وانام من التعب كل ماصحيت انادي على امي ولا احد معبرني وارجع ابكي وانام ليش رموني هالرمية مادري
الساعه 7 جاتني ممرضه بكيس الملابس الي دخلت فيه فاكرينه
قالت البسي عشان ننزلك ,, قلت وش البس هالملابس وسخه كلمي اهلي برا يجيبوا لي ملابس ,, قالت مافي البس هذا ولا مافي اطلع من هنا
طبعا حكم القوي ,, ولبست ملابسي المقرفه اللي بالكيس وحطتني على الكرسي ونفس الحركة الي بالطواريء بالكربون
رمتني بالممر قدام الرايح والجاي بعدين جابت البنت ورمتها بحظني وودتني للغرفة ,, واي غرفه الله لايوريكم
الحمدلله بس على كل حال ,, قمة القرف والاهمال عشر سرر بغرفه وحده وحمام واحد واتحدااااكي تنامي خمس دقايق
وحده تصيح والثانية تسولف بالجوال والي ولدها يبكي والي طاق فيها عرق القافه تدور تفتح في الستاير على خلق الله
المهم ماصدقت ادخل الغرفه اروح اتروش واغير ملابسي
جلست هذاك اليوم وطلعوني من البكره بعد ماكرهت حياتي
وربي كل مافتكر المعاملة والاهمال والقرف احس بغصة
بس مانقول غير
الحمدلله على كل حاال ,, و الله يعز الحكومة
الله المستعان ...
ربي اراد وصار لي حادث وانا حامل بالشهر الثامن واقرب مشتشفى كانت مشتشفى الظلام " النور " وكان وقت حج بعد قسم بالله اني نفسيا للان تعبانة من اللي سووه فيه دخلت الطوارئ اترجى الدكتورة تشيك على الجنين لان الصدمة كانت على بطني غير زجاج السيارة الامامي وزوجي كانوا فوق بطني يعني وضعي كان مزري وهيا راسها والف سيف اولا يشيكو بره عليه بعدين يحولوني قسم النساء للكشف يا بكيت بكى ربي العالم فيه لكن مالي غير حسبي الله عليهم ونعم الوكيل رموني في غرفة كلها ولادات قيصري طول الليل ون والم اعصابي صارت تالفة غير رفضهم احد يرافق معايه يعني شي ماينوصف .. ربي ستر عليك وولدتي وبنتك طيبة هذي نعمة ... الله يصلحها لك ... ادري طولت بس من جد اللي مريتي ومريت فيه شي فوق الخيال
لاحول ولاقوه الا بالله خياطه من غير بنج والله قويه انا لوو منك كان عطيتها رفسه برجلي على وجهها عاد رجلي بتكون معلقه عندها وياحلوها وهي منقلبه على ظهرهها شنو راتب ووظيفه على ايش انا لو منك ارفع شكوى على الاهمال هاذا لان بدل ماتجين وتطلعين سليمه تطلعين بجراثيم من العفن على العموم الحمد لله على سلامتك والله يكتب لنا ساعه طيبه نولد فيها.........