ولادتي باسطون بالخبر

[غلا الرووح]

بسم الله الرحمن الرحيم

ابدا موضوعي بشكر ربي اللي تمم حملي علا خير
ورزقت بمولودي الاول بسلامه

بالبدايه كنت متردده بالمستشفيات ومحتاره وين اروح وتلاقون هالشي بموضوعاتي

المهم بالاخير استقريت علا دكتورة دعاء عبد البصير بمستشفى اسطون
وكنت حابه هالمستشفى بالذات لان تقدرين تتفقين ان وقت ولادتك تولدك دكتورتك الي متابعه عندها مو انتي وحظك والدكتوره المناوبه تولدك
طبعا الدكتوره مرره عسوله ومريحه بالتعامل اتفقت معها خياطتي تكون تجميلي

المهم خلصت التاسع بالظبط وبتاريخ الدورة ولدت
جاني طلق ورا بعض زي المغص وشوي صار بالظهر زي الشد
واروح المستشفى وصراحه كان طاقم الممرضات مرره متعاون
وخصوصا اني بكريه فاهتموا بزياده
طبعا ممنوع يدخل الزوج وانا داخله القسم اودع زوجي وابكي
والممرضه تهون علي وماسكتني لين وصلتني الغرفه
المهم لما فتح عشره سانتي نادوا الدكتوره
ويله بوش يله يله الممرضات احس صراخهم وصوتهم ماعطاني فرصه اصارخ الا كم صرخه وجتني وحده منهم تقولي لااا لاتصرخين يرجع داخل البيبي
ووحده ثانيه تعلمني كيف اتنفس كل ماجاني الالم ماغير تنفخ بوجهي
بس والله سوت خير لان مع الالم ماتعرفين شتسوين

المهم بعدها ولدت الحمدالله
وجلست تخيطني حول النص ساعه يعني وفت بكلامها واهتمت بالخياطه


طبعا تنومت بغرفه خاصه صحيح المبنى موجديد والحمام عادي
لاكن نظافه واهتمام متا مابغيت شي يجون علا طول صحيح مايحبون الدلع انا صراحه اول يوم كنت ماقدر اتحرك تخبرون خياطه وكذا يالله امسك شي
فكنت احتاجهم يجهزون لي طشت التنقيع وتخلط لي الغسول الي عطتني اياه الدكتوره وكذا. بس يفضل تاخذين لك ملحف خاص فيك لان فرشاتهم يعني وتحسيها مغبره حتى ملابس النونو حقتهم مكروفه وتلوع الكبد بس عاادي اهم شي ولدت باهتمام وعنايه هالثانويات ماتهمني
وبس هذاني اكتب الموضوع وحموودي نايم عندي الله يحفظه
ويرزق هالنعمه لكل محروم

والحمدالله اولا واخيرا
اني ماتحسفت علا اختياري للمستشفا والدكتوره

[Όм чαяα ♡♥]

مافهمت شي يالغلا :) ؟؟؟؟؟؟؟؟؟

[غلا الرووح]

ام سالم سووري بالبدايه كتبت البسمله. ولاني داخله بالجوال
ضغطت علا اعتماد الموضوع قبل اكتبه

[ملكة المشاعر]

الف مبروكـ ..

الحمدالله على سلامتكـ وسلامة البيبي ..

يتربابعزكمـ ويحميه وتشوفيه عريس ..

[فليك]

ماشاءالله ، الف الحمدلله على سلامتك و سلامة مولودك .
اجر و عافيه يااارب ....

[اميرة الخيال]

مبرووووووووووووووووووووووك

[غلا الرووح]

ملكه
فلاكا

اميرة الخيال

اسعدني مروركم
والله يبارك فيكم يارب
تسلموووون

[زهرة الموسم]

الف مليون مبرووووووووووك لك حمودي الله يحميه ويهديه ياااارب

[دلع سارة]

الف الحمدالله على سلامتك
وسلامة النونو

مشكورة على عرض تجربتك

[حبي]

الف الف الف مبرووووووووووووووك
ويتربى بعزكم وعقبالنا ياااااااااااااااارب