معلومه اول شي انا ولدت الحمد الله في نفس التاريخ الي قالتلي عنه الدكتوره 27\7
يوم الخميس ليلة الجمعه
اول ماجلست يوم الخميس كنت مصحصحه ومافيني ولا الم ولا شي كان هاالوقت الصباح الساعه 9 جلست فطرت وغسلت ملابسي وملابس زوجي ورتبت شقتي ولاجالي الم ولا شي مع ان من دخلت التاسع وانا يجيلي الالم في رحمي المهم لدرجة ان من دخلت الثامن وانا مانع زوجي يقرب مني وفي هااليوم طلب ومامنعته وكان هاالوقت 11 يوم تروشت وخلصت تغدينا وجلسنا شوي جنب الوالد والوالده وبعدين صعدنا شقتنا المهم جالي الم في ظهري وكان هاالوقت تقريبا الساعه 1 الظهر ظليت استحمل وكل مايجيني احس اني ابي اروح دورة المياه الله يعزكم وكنت اضغط نفسي ابي بس ارتاح اول مره دخلت مانزل شي ثاني مره الحمد الله فرغت شوي ورتحت ويوم طلعت قعدت استشور شعري (خبله فيني الم واستشور شعري) المهم وكنت اروح وارجع من دورة المياه لين خلصت شعري ودقيت على اختي لان امي كانت مسفره المدينه وبتروح مكه وقلت لها السالفه وقالتلي روحي الاسعاف وخليهم يفحصونك قلت لزوجي ولبس وانا لبست واهو بسرعه نزل علشان يشغل السياره المهم واحنا في الطريق كل مايجيلي الالم انا اصيح واهو يضحك (يسوي روحه بيطلعني من الجو الي انا فيه وانا ودي اخذه واطلع حرتي فيه ههههه)
وصلنا الاسعاف وعلى طول دخلت على الدكتوره وكشفت علي وقالتلي انه مفتوح 4ونص ولازم نوديك مستشفى النساء قلت لها خلاص انا بروح مع زوجي بس مارضت قالتلي خطر عليك لازم نوديك باالاسعاف ورحت وقلت لزوجي لان جوالي كان عنده المهم ركبولي مغذي على ماتجهز سيارة الاسعاف ويوم جهزت كشفت علي وكان مفتوح 6ونص وانا كل مايجيلي الالم اقرا سورة الزلزله وادعي وركبوني سياره الاسعاف وقالتلي السستر اذا جالك الم لاتدفعين بس تنفسي بقوم وانا اسوي نفس الي تقول كل مايجيلي الالم وانا في الطريق دقيت على امي وكانت توها راجعه من مكه وكنت وانا اكلمها اصيح تقولي صيري قويه ولاتصيحين لانك كذا تتعبين نفسك وسكرت منها وصلنا المستشفى تقريبا 6 وربع ودخلوني غرفة الملاحظه وكشفوا علي ومابرح مفتوح 6 ونص وقالتلي الدكتوره شكلك ماراح تولدين الا بكره وانا من سمعت كذا قعدت اصيح واقرا سورة الزلزله وادعي اني اولد (معلومه ترى انا من دخلت شهري مامشيت الا تقريبا مرتين او ثلاث علشان كذا خفت ان صحيح ماولد الابكره)المهم وقالتلي كل ماجاك الالم دفعي وضليت كذا وكانوا حاطين على بطني جهاز لقلب الطفل وتضايقت منه وقلت لها شيلي وشالتي وضليت كذا كل مايجيلي الم ادفع قلت لها ابي اروج دورة المياه قالتلي ممنوع قلت لها ابي ماي قالتلي اذا خلصتي ولاده المهم ضليت ودقيت على امي وقلت لها دعواتك احسس اني بموت قالتلي صلي على محمد وصيري قويه وادعي لنفسك وحق الي في بطنك وضليت اشوي وكشفت علي وقالتلي مفوح 9ونص وشوي مدام وفيه ولاده وقلت الحمد الله وضليت كل مايجيلي الالم ادفع بس طبعا بدون صراخ ولاشي كنت بس اصلي على محمد واقرا سورة الزلزله وبعدين قلت لها دكتوره مااقدر لدرجه ان الله يعزكم تبولت ونزل الماي والدم ودخلتي غرفة الولاده ونظفتني وقالتلي كل مايجيك الم دفعي وانا اطبق(مطيعه)
وضليت ادفع مره مرتين وبعدين قالتي البيبي بين راسه بعد شوي وجابت المقص وقلت لها لاتسوين جراحه قالتلي لازم لانك بكر لاني حسيت باالمقص صرخت بس بسرعه مسكت نفسي ودفعت مرتين بعد وقالتلي الحمد الله جبتي بنت وروتني اياها وانا من شفتها حسيت ان كل الم الولاده راحت وكان هاالوقت 8 الاربع الليل وحطتها ولاني نسيت الم الولاده قعدت اصور فيها (فاضيه) ودقيت على زوجي وبشرته ودقيت على امي وابوي وضلت شوي وجات شالت البشيمه ونزلت مني الدم وكل ماينزل الدم ارتاح وبعدين نظفت الجرح وعطتني مخدر وخيطته اول مره ماحسيت في الثانيه قلت لها تالمني عطتني مخدر ثاني وفي الثالثه رشت علي مخدر بخاخ والحمد الله خلصت ووداني غرفه مابعد الولاده ودقيت على زوجي وقلت له اني بنام وبطفي الجوال وطفيت الجوال ونمت وجلست تقريا 10 ونص والساعه 11 ودوني الغرفه ونمت لين الصباح واليوم الثاني طلعت وامي وصلت باالسلامه
والحمد الله ولدت باالسلامه وانشا ءالله كلكم تولدون مثلي هههههههههههه
الله يساعد الي ماولدت ويرزق الي ماعند وحمدالله على سلامة الي ولدت
07-14-2011, 06:07 PM
قصة ولادتي ببنتي فاطمه
شموخي عذبني 
.gif "hwaml13")
جديد منتدى إستفسارات مرحلة الولادة
العرض العادي
