مقهوووووووره مرا

[اسومه القموره]

السلام عليكم ورحمة الله وبركاته
اخواتي بنتديات حوامل والله ماكتبت موضوعي الا من حيرتي
بطرح لكم موضوعي وابي حلول منكم جزاكم الله الجنــــــــــه
بنات انا حامل بالشهر الثامن ومحتاره بعد مااولد وين اروووووووح بنفاستي
طبعا ودي اروح اولد عند اهلي واجلس عندهم لاني بكريه بسسسسسسسس>>اهلي عايشين بعيد عني وبعد المنطقه اللي عايشين فيها مافيها غير 2 مستشفيات للولاده واحد سيء للغايه ***والثاني خاص والولاده الطبيعيه فيه ب5000 ريال وزوجي ماوافق يعطيني فلوس
فقررت اولد بالمدينه اللي عايشه انا فيها وراح اولد بمستشفى العسكري والحمدلله المستشفى زين وكل من ولد فيه مدحه والحمدلله وامي تقول انشاء الله اذا وافق ابوك اجيك كم اسبوع وارجع ((((((((المشكله )))))) اهل زوجي عايشين بنفس المدينه اللي انا عايشه فيها وناشبين اقضي فترة النفاس عندهم وصارو يضغطون على زوجي يوديني عندهم بس يابنات جرحوني اكثر من مره يعني ام زوجي تقول لي
افضل تروحين عند امك تولدين
والمره الثانيه قالت لي بنتي لو حملت مره ثالثه لاتجي عندي تجلس ببيتها انا تعبت مااقدر الكلام موجه لي ,,,, طبعا جلست فتره متغيره عليه مرره ولما عرفو ان معايه ولد تغيرووو صارو يحبوني ويقولون تعالي عندنا سبحان اللــــــــه >>واخر شيء حماتي الصغيره فضحت امها قالت امي راح تغصبك تجين عندنا لما تكوني نفاس ..
المهم صارت ام زوجي تقول تعالي تعالي وانا اقول لها ياخالتي ياحبيبتي انا ماارتاح الا في بيتي
وانا عندي اسباب اول شيء ولادتي برمضان وصعب اجلس اكل قدامها هيه والبنات
حماماتهم عربي <<<<
استحي ارضع النونو من صدري وهما موجودين
والبيت فيه 2 اخوان زوجي ماتزوجو شباب
وكذا مره زوجي تكلمه امه ويجي يفاتحني بالموضوع ويعصب مني ونتهاوش ومانوصل لقرار غير الزعل تكفووووووووووووون دلوني وين اروح واش اسوي بحالي اخاف يوم اولد يشيلوني ويودوني ببيتهم وانا ماابغي غير بيتي

[خيوط ملونه..]

تفاهمي ويا زووجك قولي له الاسباب عجبه زين ما عجبه قولي له بروح عند امي ..
وانتي اولدي بالمدينه اللي انتي ساكنه فيها ويوم تطلعين من المشفى روحي عند امك . .
واقعدي عند امك اسبوع ولا كم يوم وارجعي بيتك وقولي لهم ماارتحت
ماعندي حل غيره ^,^

[اسومه القموره]

خيوط ملونه راح يطلعني عند امي بعد شهر من ولادتي يقول ابيك تطيبين وبعدين اوديك وفرحت لانه بيوديني واجلس شهر او اكثررر كمان بس ابي انفس ببيتي

[خيوط ملونه..]

طيب قولي له استحي من اهلك وانتي حاولي ما تتقربين من اهله هالفتره عشاان يخفون وما يحنون اكثر حسسيهم انك ما تبين وقولي له ما برتااح وحاولي تفهميين ان نفسيتك مهمه هالفتره يعني لازم تكونين مرتاحه بالمكان اللي انتي فيه وقولي له استحي ارضع ابني قدامهم واستحي ادخل الحمام اكرمتي واستحي اسبح واستحي واستحي واستحي وابكي شوي ولا اكذبي عليه شي كذبه << طلعت شريره البنت ههههههههه
حياتي انتي والله كسرتي خااطري الله يكون في عونك ..

[خيوط ملونه..]

انتي مثلي انا بعد ابي انفس في بيتي ان شاء الله يوم اولد بس انا اسكن فبيت اهل زووجي يعني صاله بداخلها صاله وداخله بيتي <؛< صار فلم هندي والحمدلله مرتاحه معاهم ماشي احسن عنهم شايليني بعيونهم وما يغصبوني على شي مخلييني ع راحتي . .

[اسومه القموره]

فديتك ياخيوط ملونه والله قلت له وبكيت عنده وهويعرف انو النفسيه زفت يقول على راحتك ... ويسكت وبعدين يرجعون اهله يكلمونه ..ويرجع يغير كلامه بحجة مين يهتم فيك<<<

[خيوط ملونه..]

المشاركة الأصلية كتبت بواسطة اسومه القموره

فديتك ياخيوط ملونه والله قلت له وبكيت عنده وهويعرف انو النفسيه زفت يقول على راحتك ... ويسكت وبعدين يرجعون اهله يكلمونه ..ويرجع يغير كلامه بحجة مين يهتم فيك<<<

حبوبه قولي له انا اعرف كل شي ماعليك مني وبعديين لا تفتحيين الموضوع لين موعد الولاده واذا احد من اهل زوجك قالك شي قولي لهم ما ارتااح الا فبيتي وسكري الموضوع وافتحي موضوع ثااني عشان ينسونه لاجا وقت الولاده وربي يسهل ولادتك ياااااااارب وجا النفااس ردي بيتك واذا علقو ولا اضايقو قولي لهم مابي وخلاص وحسسيهم ان الموضوع مش غصب باي حركه منك ماردهم ينسسسسسسون وبكرى يكبر ولدك وينسون الموضوع بس حاولي ما تفتحيين الموضوع هالفتره ولا قالك زوجك شي قولي له من اليوم لذاك اليوم يحلها الف حلاال ما اضمن عمري عايشه ولا ميته ربي يطول بعمرك ان شاء الله ..احين ادري تقولين بخااطرك ما في حد غيرك يرد يعني خخخخخخخ بس وش اسوي لصقه انا

[خيوط ملونه..]

انتي باي شهر الحين؟؟

[اسومه القموره]

هههههههههههههههههه لاوالله فديتك بالعكس فرحانه بردك الله يوفقك دنيا واخره وجزاك االله الجنه
انا ثاني اسبوع من الثامن الله يسهل علي وعلى كل الحوامل يارب العالمين

[أم جهآد]

ترى مافي شي غصب بهذي الحياة

فهمي زوجك موقفك لو وافق تمام ماوافق تنفسي فبيتك ولو قدرت امك او احد من اخواتك يجيك يكون احسن برضو ..

دمتي بخير