تعالي قولي اغرب واغبى هديه جاتك بنفاس وهديه عجبتك

[سحاب]

السلام عليكم امهات كيفكم
باختصار كل وحده والده الحمدلله على السلامه ومبارك ماجاك
قولي لي ايش اغرب او اغبى هديه جاتك بنفاس يعني شيء ماله دخل بالولاده ولا للمولود او هديه حسيتي صاحبتها اسمها جابت هديه وبس بدون ماتشوف تصلح او لا
انا جاتني هديه مفرش سفره حسيت ماله دخل لا وشكله ابد موحلو>>> الظاهر صاحبته متوهقه فيه
وهديه ثانيه ماادري شتبي وحده جايبه صندوق صغير خشبي ماادري شسوي فيه >>>اي وحده تبيه تقول لي ارسله مجانا
اما الي عجبني مفرش السرير لثنين حلو التغير بعد النفاس..
وحده من الي تجيب هدايا وبس بدون ماتهتم تقول لي مره جاتني هديه علبه فيها ملابس وتفشل مرره ومتوهقه فيها ومره كنت بروح لوحده والد تذكرت العلبه قلت اوديها معاي اسم اني جبت شيء تقول خذيتها ولا كتبت عليها اسمي فشله واول مادخلت حطيتها مع مجموعه الهدايا اهم شيء ان صاحبة البيت شافت بيدي هديه
طبعا انا صرت كذا ماتوقعت في احد كذا..
على العموم انا شاكره لكل وحده تجيب لي هديه ومااقول كذا الا من باب السوالف... عجبني الموضوع ونقلته لكم من منتدى ثاني للنتاقش فيه
با النسبه لي انا جاني مرش شوي من وحده وحنا بعز الصييييييف
وهديه ثانيه من وحده مقربه جدا لزوجي عباره عن كرسي تعليم الحمام لا يتعدي 30 ريال .......... لو ما جابت كان افضل
يا الله شاركونا يا حوامل

[rose]

اغرب هدية جاتني بصراحة
قميص نوم بنفس اللون والمحل اللي شريته قبل الولادة
بس عجبني صراحة ذوق اللي جابته(بنت خالتي) طلعت اذواقنا وحدة

اغبى هدية صراحة ماصادفتني بس موضوع حلو يعطيك العافية

[فديت حبيبي A]

انا لسه في الشهر الخامس اذا ولدت بأذن الله اشوف هداياهم واقولك

[#عيــ الجوريه ــون#]

موضوع حلو بس فيه نوع من تقليل القدر من ناحية نوع الهديه،،وصاحبتها،،

أول شي يمكن صاحبة الهديه ماعندها شي تجيبه ومالقت قدامها غير الي جابته ،،

ولحلو أنها تذكرتك وجابت هديه وتبارك وتهني بسلامتكم ،،

فالمفروض الوحده ماتناضر لثمن الهديه ولانوعها ،،المهم أن صاحبتها جات تسلم عليها ويدها موب فاضيه ،،وحتى لوجات بدون هديه ،،جيتها لي وتهنيتها لي بالسلامه في حد ذاتها هديه ،،

هاذا رأي الشخصي ،، تقبلو مروري ،،

[شمايل بنت الدمام]

والله لو من بريالين اهم شي احد ذكرني

[أمونه*]

المشكله زي ماانذكر قبل شويه ...إن الوحده لو تكلمت وعلقت على الهديه المقدمه ليها ...قالت الناس لا المهم انهم افتكروكي ماهو مهم قيمة الهديه

انا برأي عامل الناس كما تحب ان يعاملوك ...والرسول صلى الله عليه وسلم قال تهادوا تحابوا ...شلون يكون قصدي المحبه والخير واروح واجيب اي شي شلون احس ان هذا الشخص له قيمه واجيب شي ماله قيمه وماله اي فايده بس عشان اخلص من الهم

معليش ..انا لما ولدت من قبل في وحده جابت بقايا من ملابس بناتها
ووحده ثانيه انا انجبت ولد تجبلي ملابس بنات ... ووحده ماتجيب اي شي
مع انها الحمد لله موظفه وربي رازقها ... والمشكله انهم جميع من اقرب الناس لزوجي وعيالي ..انا اعتبر هذا الشي قلة ادب وعدم مراعات للأصول
وذول الأشخاص جتهم مني هدايا راقيه من غير مناسبه ...لأني لما فكرت بالهديه فكرت بقيمتي وشكلي قدام نفسي ..بعدها اخترت الهديه

[خواطر روحي]

::لاحول ولاقوه الى بالله ::
اهم شي انها جت وتطمنت علي
على قولتهم مدرجلك على قد لحافك
يمكن انها مالقيت اوحبت تفتكرك بشي
ولايمكن ماحبت تجي ويدها فاااااااااضيه
لكي مني جزيل الشكر

[أمونه*]

طيب بسألك سؤال عزيزتي املي في مولاي ... بس جاوبيني من غير مجامله ..لو اخوك صبر وصبر وبعدها ربي رزقه الضنا بعد فتره
بتروحين ويدك فاضيه وتقولين المهم إني جيت ..او تاخذي شي مايناسب
وتحسسين اخوك إنك ماانتي قادره وإن هو مثقل عليك
او تاخذي اجمل واحسن شي ..حتى ولو بتجي على نفسك شويه ..هذا لو قلنا إن خلاص مافي قدره ماديه ابداً (مع ان هذا مستحيل) لكن نفترض
وزياده على الهديه بتقومين وتستقبلين وتشيلين البيبي وتساعدين امه
يعني بتشاركين وتتحمدينلها بالسلامه ...

[سحاب]

يا اخوات الهديه صح بمعناها مو عن قيمتها بس تتخيلون الوضع انك ها الاشخاص تقدرينهم جدا وتهدينهم اضل ما عندك ويقبلونك با اسم انها هديه مع انهم مقتدرين جدا احسن من ظروفك الف مره
بصريحه العباره مو هامتهم انا الشخص الي يجيني ويسلم علي ويتحمد لي با السلامه ولا زم يهدني له عندي قدر ومعزه بس يبادلني با الحقران وقله القيمه هذا ما قصدته من الموضوع ليس الا

[أمونه*]

سحاب انا معاك في الرأي ...وترى الشي معروف بين الناس

يلي يغليك والله يدور مشاركتك فرحك ويسعى ليواصلك ويهديك هديه تليق فيه وفيك ..انا اعرف ناس كثير كذه ..ودوده ومؤدبه بشكل ماتتوقعينه