الحماة والمقعد الأمامي

[نغم]

مشاكل المقعد الأمامي للسيارة بين الحماة و الزوجة
موضوع لا يخلو من الطرافه لكن......
مشاكل المقعد الأمامي للسيارة
لا تستغربي من موضوعي هذا فقد حصلت بالفعل مشاكل كثيره بين الأزواج بسبب أن أم الزوج ( الحماه ) تجلس بالمقعد الأمامي للسياره أثناء أصطحاب إبنها لها مع زوجته في مشوار ما .

فالزوجه ترى أنها الأولى أن تجلس بالمقعد الأمامي بجانب زوجها و تجلس حماتها بالمقعد الخلفي .
والحماة كونها الأم ترى أن لها الأحقيه كونها الأم أعرف أحدى معارفي كانت رايحه مشوار ولما شافت أم زوجها قدام تقول جن جنوني وصعدت شقتها ركض وسوت حنقه كبيره موت مع زوجها المسكين
طيب بنات قولوا الصدق مين أحق أنت ولا أم زوجك برأيك الشخصي
أتمنى تفاعل وأتمنى أن موضوعي مو مكرر

[أم الشيخ خلودي]

ام الزوج والله حرمه كبيره وتستحق التقدير انا اطلب منها تركب قدام وهي ياحوبي لها ترفض طقاق عند الباب اذا عاد مره اصرت ركبت قدام ..*_^ ولاهي دايم معنا مب ضارني

[بيسان]

طبعا احتراما لها تجلس قدام لأنها الأكبر وهي أم ورح يجي يوم وأنا كون أم وألقى نفس الأحترام ان شالله

[همس الكلام]

ام الزوج بما انها حركه كبيرة تركب قدام وكله في الاخر دين
وعشان اكبر في نظر زوجي طبعاااا

[*أم سلطان*]

أم الزوج تجلس قدام ،،أحترام لها ،،
والصراحه الجلسه ورى أحلى وخاصه لاجلستي ورى زوجك ،،
ويحط المرايه عليك أجلسي غمزي له ،، وخاصه لاصرتي لابسه لثام ولابرقع،
هههه بس انتبهي يجيب العيد،،
كني شطحت شوي ،،

[قطرات ندى]

طبعا ام الزوج

[قطعة سُكر]

أكيد أم الزوج بغض النظر أنها إمرأه كبيره
هي قبل كل شي أمه وهذا أعتبره حق من حقوقها
الحين هي تخلف وتسهر وتتعب وتجي وتجي الزوجه بكل سهوله تركب قدام
الزوجه بدالها زوجه لكن الام مااحد يحل محلها

..موضوع يستحق الطرح اشكرك نغم
وتقبلي مروري

[™ روحــي فــــدٱٱٱهـ« ||]

صرااحه المفروض ام الزوج مافيها جدال آولا لانها أم زوجي ثانيآ إحترام لها ولعمرها..
خالة سلطان ذكرتيني بسالفه مره رحنا مشوار انا وامي وزوجي وطبعآ أمي ركبت قدام وانا ركبت وراء زوجي وطالعت بالمرايه وشوفت زوجي قلت خلوني اسوي حركات ووسعت النقاب شوي >>مسويه إغراء الاخت بخخخخ
وجلست اطااااااااالع فيه ماشلت عيوني وهو يطالع ويغمز ويضحك وبعدين طالع بالطريق ورجع يطالع وانا لسى اطالع فيه ومااضحك المهم طوووولت لين صار وجهه احمر من الحياء وقالي خلاص لأصدم هههههههههههه....|~

[جويل جو]

طبعا ام الزوج احتراما وتقديرا لها
بعدين هيه في مقام امي والي ماارضاه على امي ماارضاه لها
وشكرا على طرح هالموضوع الرائع

[فوق مستواااك]

طبعا ام الزوج .. احق واحترام لها ..
انا اجي وراء مقعد زوجي.. وانواع الغمز والحركات من المرايه >>هههههههه وناااااااسه

تحياااااااااااااااتي