السلام عليكم ورحمة الله وبركاته
كيفكم ياجميلات ..
انا عضوه جديده معكم لكن زائره قديمه
حبيت اقولكم قصتي مع تآخر الحمل وابي تجاربكم ونصائحكم
انا عندي طفلين اصغر واحد عمره 7 سنوات ومن اربع سنوات احاول الحمل ولم يحدث والحمدلله على كل حال
آول دكتوره رحت عندها سوت لي تحاليل وقالت عندك ضعف في التبويض وعطتني كلوميد
واخذته من خامس يوم الدوره حبتين في اليوم
وبعده بيومين عطتني موعد حتى تسوي اشعة مهبليه تشوف المبايض ولقت اكبر بويضه حجمها 9
قالت ماينفع هالشهر اعطيك ابرة تفجير المهم استمريت على الكلوميد ثلاث شهور بدون فايده وبعدها عطتني ابر وبدون فايده اكبر بويضه تكون 11
ريحت ثلاث شهور وبعدها رحت لدكنوره ثانيه وعملت لي تحاليل وقالت عندك ضعف تبويض بنسبة بسيطه وقالت بعطيك كورس كلوميد ثلاث شهور
عطتني كلوميد نفس نظام الدكتوره الاولى
وبعد الاشعه قالت فيه بويضتين حجمها 22 و 20 ونازله في قناة فالوب مايحتاج ابرة تفجير
ويصير الجماع بكره لمدة ثلاث ايام وللاسف لم يحدث الحمل
واسمريت لنهاية الكورس وكل مره يصير نفس الاولى احيانا في المبيض اليمين واحيانا اليسار ولم يحدث حمل
قالت لازم نسوي اشعة صبغه وتوكلت على الله وسويتها وكان عندي انبوب مسدود والثاني سليم وقالت عادي ممكن يصير حمل بانبوب واحد
وريحت شهرين ورجعت للكلوميد بس اخذته شهرين ونفس النتيجه بويضتين وماتحتاج ابرة تفجير
بعدها تعبت نفسيتي قلت ارتاح كم شهر واروح لدكتوره ثالثه وبعد كم شهر رحت لدكتوره ثالثه وعملت لي تحاليل وكانت جميعها سليمه حتى التبويض
استغربت كل دكتوره تقول كلام ... وحده قالت ضعف تبويض ومانفع الكلوميد والابر
ووحده قالت ضعف تبويض بنسبه بسيطه وكان يطلع مع بويضتين بحجم مناسب ومايصير حمل
وهذي تقول كل شي سليم التبويض وجميع الهرمونات وقالت لازم يسوي زوجك تحليل وفعلا سوا تحليل بنفس المستوصف
وكانت النتيجه حيوانات منويه ميته بنسبة 60 في الميه وضعف حركه وسماكة في السائل المنوي وكان السبب لانه يآخذ ادوية للصرع وفيها نسبة للاكتئاب
والصرع جاه بعد ماجبت ولدي الاخير بسنه وكنت ملاحظه هالشي حتى الجماع صار نادر ومع كل سنه يقل حتى صار شبه معدوم
ومايصير جماع حتى اطلبه بآمر من الدكتوره في وقت التبويض يعني صار له ضعف جنسي ( اعتذر منكم على ذا الكلمه بس عشان تفهمون )
يعني الزبده كل ذا القروشه والتعب لمدة اربع سنوات طلع السبب من زوجي مو مني المهم اعطاه فيتامينات لمدة ثلاث شهور
وبعدها طلب تحليل للسائل المنوي وكان فيه تحسن بسيط وقال استمر كمان شهر
وبعدها سوا تحليل وكان الحمدلله فيه تحسن ولكن بنسبه بسيطه
وقال الدكتور يجي منك ان شاء الله حمل اخذت التحاليل ووديتها للدكتوره قالت راح اتابع معك التبويض
واعطيك ابرة تفجير حتى تساعد الحيوان المنوي على التلقيح
المهم اكتبت لي جلوكوفاج ومعه فيتامين قالت هالادويه راح تساعدك على الاخصاب بدون كلوميد
واللهم لك الحمد ثلاث شهور يطلع عندي بويضه اول شهر كانت 20 وعطتني ابرة تفجير وماحصل حمل والشهر الثاني 22 ورفضت تعطيني ابرة خايفه يتحول لكيس
وثالث شهر اللي هو شهر 8 كان عندي بويضه حجمها 17 ونص في اليوم العاشر من الدوره واعطتني ابرة تفجير
وقالت حللي في اليوم العاشر من الابره وفعلا حللت وطلع خط ثاني خفيف جدا جدا وصورته وارسلته لها على الواتس اب قالت هذا حمل صعيف وللاسف راح ينزل :(
بعد يومين اللي هو امس بالليل وبعد الامتناع عن التبول وانتم بكرامه لمدة اربع ساعات سويت تحليل
وطلع خط ثاني اوضح من الاول لكن بشكل رفيع مو عريض نفس الخط الاساسي
وكان التحليل فيه نفس الحبر الاحمر السائل مممره خفيييف لكن الخطين واضحه وكنت مو مرتاحه من النتيجه واعدت التحليل مره ثانيه بعد الفجر
وكنت قبلها شربت مويه كثيره ورحت للحمام قبل نص ساعه من التحليل
وطلعت النتيجه سالب مدري اذا جد مافيه حمل او لاني مامتنعت عن التبول قبل التحليل مع العلم ان اليوم 14 بعد الابره وقوة الابره اللي اخذتها 5000
هذي صورة التحليلين مع العلم ان كل التحليلين تطلع النتيجه بأول دقيقه
ولا تبخلون علي بتجاربكم ونصايحكم اهم شي تكون صحيحه ومايكون فيها جبر خاطر لاني ولله الحمد راضيه بما كتبه الله لي
واعتذر منكم على الاطاله *.*
^
تحليلي اليوم العاشر من الابره التفجيريه ..
اليوم 14 من الابره التفجيريه
..
05-29-2017, 06:19 PM
قصتي مع تآخر الحمل :(
المهاا 
جديد منتدى منتدى علاج العقم و تأخر الحمل
العرض العادي
