قصتي مع تأخر الحمل الجزء الثاني .......ونجاح الحمل

[rawza]

سلام صباياحكيتلكم المرة الماضية قضتي بالتفصيل هلأ حبيت احكيلكم عن الرحلة العلاجية حتى تستفيدوا
ضليت 4 سنين من دكتور لدكتور كالعاده منشطات منشطات من الدورة وبعدها ابرة تفجير وبعد ما افحص بعد اسبوعين نيجاتيف كالعادة بعدها زهقت من الكلوميد والمنشطات
لاول مرة فكرت اعمل حقن كان بعد سنتين ونص من زواجنا عملتوحقن وفشلت الحقن هو بياخدوا حيوانات منوية من الرجل بيغسلوها وبيختارو احسن شي وبيحطوا برحم المرأة انا عملتها لكن فشلت اساسا عمليات الحقن نسبة النجاح مو عالية متل الحقن المجهري المهم بعدها ضليت اخد بريموليوت حتى انظم الدورة اخدتهم 6 شهور متواصلات واول شهر وقفت الدورة ما نزلت
واخدت جلوكوفاج لمدة 9 شهور كمان عالفاضي ما في اي بوادر حمل بعدها اخدنا قرار نعمل طفل انابيب بشهر 3 عملية الزراعه
العملية الاولى..............
طبعا بدا العلاج من تاني يوم الدورة اخدت ابر تقريبا 23 ابرة في 12 يوم نسيت اسمهم الابر اتوقع فوستيمون لحد يوم 12 من الدورة بعدها حكالي الدكتور انو بليل اخد ابرة تفجير واليوم اللي بعدو اروح لعملية السحب بالمشفى والحمد لله اخدتها وكل شي تمام لقيت الدكتور بالمشفى سحبو بويضات طبعا عملية السحب عملية كامله فيها بنج كامل وبس تصحي بيتاكدوا انو البنج راح من الجسم الحمد لله سحبو بويضات وزوجي اعطى العينة وخبرنا الدكتور انو عدد البويضات ممتازة المهم بعد يوم اتصل الدكتور وخبرنا انو تلقحو 13 جنين ماشالله وكلهم بحالة ممتازة الحمد لله رب العالمين هلأ تاني يوم ارجعت وعملت ارجاع رجعت 3 اجنه
فترة الانتظار ،...........
ضليت متسطحة طول الوقت كل يوم كنت اشرب حليب لتر او 2 حسب وعصير ضليت الفترة هاي عند اهلي اعطاني الدكتور مثبتات اخدت تحاميل مثبته واستروفيم ما كان عندي اي نوع اعراض ولا كأني زارعه ابدا والحمد لله فحصت بيوم 14 والنتيجه كانت فاشلة نيجاتيف

العملية التانية
عدد الاجنه الي بحالة منتازة 9 اجنة الحمد لله زرعت بالمرة الاولى 3 وما ثبتو
المرة هاي قررت ازرع 2 رحت على طول بعد فشل العملية الاولى نزلت الدورة رحت يوم 12 فحصني الظكتور حكالي بطانه الرحم ممتازة ارجعي بعد يومين رجعت وكان يومها الارجاع
رجعتهم انا بالمرة الاولى والتانية وقت الارجاع اخدت بنج لانو كان عندي عنق الرحم ضيق كتييبببر لهيك اخدت بنج ورجعت لبيتي اخدت مثبتات ديفاستون واستروفيم وفولك اسيد واسبرين بيبي وارتحت كتير وكنت اشرب عصائر وكنت متفائلة فحصت في اليوم 13 طلع نيجاتيف
الحمد لله رب العالمين
العملية الثالثة
طبعا يئست انا لهيك حبيت استنزف اخر محاولة بما انو ضل 4 اجنه لاني ما اقتنعت انو ممكن تزبط باجنة فرش لهيك حكيت بمشي على حكيو واخر السنه انشاللله بعمل العملية من جديد
رحت لدكتور تاني يوم اعطانني استروفيم وديفاستون وضليت عليهم حبة الصبح وحبة المسا مرتين باليوم ويوم 13 حكالي الدكتور انو بطانه الرحم ممتازة انا بالنسبة االي مش فارقة معي ابدا وااللله العظيم اني رحت وما في امل ابدا لاني بدي اعيدها بشهر 12 لهيك مو فارقة معي المهم حكالي الدكتور كل شي ممتاز ههههههه عادي كل مرة بيحكي هيك قبل الارجاع رحت لممرخة مرختني وحكتللي رحمي طالع لفوق وحكتلي عندي خوفة قطعتلي الخوفة وعملتلي الرحم على مدى 3 ايام متتالية وشربت وقت الدورة قرفة وميرامية ونزل كل شي وشربت بردقوش ليوم الارجاع ووقفت بعدين وكنت كل يوم اكل ملعقة حبة سودا حكيت بدي اخد كل شي واتوكل على الله وفعلا عملت ارجاع وما اخدت معي الا اختي لانو اساسا رايحه ومش سائلة والمرة هاي ضغطت على روحي وما اخدت بنج وتحملت شوي وقرات ادعية وتثبيت الاجنه لما حطهم بالرحم حسيت شي متل النغزات ضلت معي ليوم 12 من الانتظار بعدها رحت للكافتيريا انا واختي ضليت تقريبا ساعتين انا وهي بستنى بزوجي اجا اخدنا روحت عملت فطور مرتب واكلت
الاشياء اللي كترت منها بعد الارجاع
الخيار كتيييير كتيييييير ...... والحليب كوبين باليوم صبح ومسا......... فواكه ....... كنت اشرب كل يوم كاسة نشا وماء ......كنت اشرب باليوم مية كتير
قرات القران بنية الحمل تاني يوم الارجاع عملت محشي باتنجان ورابع يوم محشي كوسا وكل الطبخات الصعبة هههههه بسلي بحالي ههه
يوم 11 رحت فحصت حتى رحت شريت كعك وبسكويت واستنيت النتيجه بالمختبروانا باكل وانو عادي يعني عارفة النتيجه مسبقا فجأة لانو من اليوم السابع وانا ما خليت حدا ما زرتو بلبيت كل يوم طالعه والفضول ما قتلني كتير مثل كل مرة
طلعت النتيجه بوساتيف انصدمت ضليت يومين مو مستوعبة الموضوع انا بكتب هلا وانا الدمعه بعيني وقلبي بيدق ومو مصدقة لحتى شوفو بعيني واحملو بايدي هلا انا الي حامل شهر ونص وبكرا عندي اول موعد مع الدكتور وبتمنى من ربي يكون توم
الاعراض اللي اجتني
1.كل الايام نغزات باليمين واليسار
2.مغص اول اسبوع من الزراعه واحيانا يكون حاد شوي
3.حسيت صدري بيوجعني وانا قرات بالنت انو في عروق لونها اخضر بتطلع انا شفتها باليوم السادس كان كتير يوجعني ولحد للان
4. الم بالظهر
5. وانا كان عندي نفس اعراض الدورة بس اكتر شوي وبتحسي حالك انو خلص رح تنزل الدورة
6.انا تاني يوم ارجاع نزل نقطه بني خفيفة كتير حكيت شكيت انها رح تزبط لانو هاد نقطة تعشيش بالاجنه الفرش بتنزل باليوم الخامس او السادس بالمجمد اليوم التاني
7.الركب وعظام الجسم بوجعوني
8. كانت حرارتي ترتفع وكنت احس بهالشي وكنت افكر انو الحرارة مو منيحه للاجنه لما سالت طلع انو لازم وهي من اعراض انغراس الاجنه
هاي اهم الاعراض اللي حسيت فيها وكنت متابعتها اول باول
اللي عندها اي استفسار تبعتلي والحمد لله رب العالمين انا كتبتلكم لاني كنت اتمنى اقرا اي وحده كاتبة اعراضها بالتفصيل الممل حتى الواحد يستفسد
وبالنهاية ربنا سبحانه وتعالى الرزاق ويهب من يشاء من عنده والحمد لله يا رب تكملها معي يا رب

[Areej-moon]

الف مبرووووووك ياعمري الله يتمم لك حملك ويفرحك بشوفته بين يديك سليم معافى ويارب يكتب لك توووم

[nour karim]

تووووووووم ان شاء الله اختي ربي يتمم حملك على خير ولا تنسي تخبرينا نتيجة فحص الطبيب

[A..N]

حبيبه قلبي الله يثبته ويتمم لج ع خير وان شاءالله تشوفي ابنج بعد ٩ شهور بايدج

[إم إيلين]

الف مبارك الله يتمملك ع خير يارب

[عازفة الغيتار]

حبيبتي الله يسهل حملك ويتممه عليكي بالخير وان شاءالله تشوفيه وتحضنيهبين ايديكي وانتي بتدمعي من الفرح

حبيبتي ابغى منك استفسار انا صار لي سنه ونص متزوجه وماصار حمل للحين والشهر اللي فات اخذت من تاني يوم الدوره كلوميد ومنشطات المهم ومن اول هالشهر عطتني ابره تفجيريه وبعده بيومين استخدمت تحاميل سايكلوجيست من وقت م اخذت الابره كان تاريخ 1 واليوم صار 20 يوم من الابره وبحس بالام زي الام الدوره واكثر بكثيرلدرجة اني احيانا ابكي اول مره يصير فيني كذا وعندي انتفاخ وليونه ف الصدر مع الم الحلمات وافرازاتي مو كثيره والحمام وانتي بكرامه احيانا ادخل كثير قبل 3 ايام سويت تحليل منزلي وطلع سالب بستنى لين يوم 21 لانو الشهر اللي فات نزل عندي الدوره يوم 21 مع انو دورتي مش منتظمه والدكتوره قالت بعد15 يوم من الابره تعالي عشان تسوي لي تحليل حمل وانا قولت لين م اتاكد من حملي ف البيت م بروح لاني تحطمت بما فيه الكفايه .......... اتمنى احد يكون عنده خبره

[rawza]

اهلين عزيزتي انا رايي اذا مستعجلة روحي افحصي بالمختبر هرمون حمل حساس بيعطيك النسبة كم بالضبط روحي اذا مانت فوق الخمسة بيكون في بداية حمل بس اعراضك اعراض التصاق بويضة تعشيش يعني بس روحي

[smile girl]

حبيبتي الحمدلله والشكر على حملج
وربي يتممة الج بخير
وتكومين بالسلامة

[مريم الجزائرية]

الحمد لله الحمد لله الحمد لله
مبروك عليك اختي ألف ألف مبروك يويويوي يويويويوي ربنا يتمملك على خير و تفرحي بشوفت ضناك اللهم اميييييييين
ربي لا تذرني فردا و أنت خير الوارثين و أرزق كل متمنية الحمل السليم المعافي اللهم اميييييييين عاجلا غير اجلا اللهم اميييييييين