هل الفقع يضر الحامل

[جالكسي و الدنيا عكسي]

مرحبا
السلام عليكم ورحمة الله وبركاته
كيفكم ياحلوات عندي استفسار بسيط واضح من العنوان
لان تعرفون هذا موسمه ومتخوفه منه ...لاني ماعرف وأول مره بنجربه
ياليت تردون على والله يجزاكم خير

[υм вtℓαα]

وعليكم السلاام
بالعكس لايضر ولاشي وزين للعيون هو بس نظفيه زين
وابعدي الاتربه زين عنه بطبخه ثم ثلجيه وحطيه مع الطبخه اللي تبينها والذ شي مع الشوربه والكبسسه

[نوني الحلوة]

مدري احس كله تراب مايناسب الحامل

لازم يكون نظيف مره

[جالكسي و الدنيا عكسي]

جزاكم الله خيرا

[ربي رحيم]

اسفة لكن ماهو الفقع لنستفيد منكم المهم الله يكمل حملك على خير او تفرحين بشوفة ضناك سليم معافى باذن الله

[جالكسي و الدنيا عكسي]

الفقع يستخرجونه من الارض يشبه البطاطس وهذا موسمه بعد الامطار
وطعمه قريب للفطر المشروم ..يارب فهمتيني ..
ولو سويتي بحث بالنت حتتعرفي عليه اكثر

[ربي رحيم]

المشاركة الأصلية كتبت بواسطة جالكسي و الدنيا عكسي

الفقع يستخرجونه من الارض يشبه البطاطس وهذا موسمه بعد الامطار
وطعمه قريب للفطر المشروم ..يارب فهمتيني ..
ولو سويتي بحث بالنت حتتعرفي عليه اكثر

تسلمي على الشرح انا بحث بالنت طلع لي شي بصراحة اول مرة اشوفه مافهمت هو شو او سبحان الله الانسان في الدنيا هذه يتعلم اشياء جديدة

[ام ياسمين*]

ههههه وانا مثل اختي ربي رحيم ماكنت اعرفه او ما سمعت عنه بحياتي يمكن لأن مو عنا في المغرب شكرا حبيبتي على شرح بفضلك تعرفنا على شي جديد
الله يتميملك على خيير وان شاء الله البنات يفيدوكي اكتر

[جالكسي و الدنيا عكسي]

اهلين اختي ام يسمين الا موجود بالمغرب وتسمونه* الترفاس *
على ماتوقع نحن بالخليج نسميه فقع. ..

[ديسمبرية]

المشاركة الأصلية كتبت بواسطة ام يسمين

ههههه وانا مثل اختي ربي رحيم ماكنت اعرفه او ما سمعت عنه بحياتي يمكن لأن مو عنا في المغرب شكرا حبيبتي على شرح بفضلك تعرفنا على شي جديد
الله يتميملك على خيير وان شاء الله البنات يفيدوكي اكتر

موجود بالمغرب كل سنة توصل لنا شاحنات فقع مغربي يعني أنتم كمان تصدرونه للخارج لأنه موجود عندكم بكثره

الرسول عليه الصلاة والسلام يسميه الكمأة وفي حديث «الكمأة من المن وماؤها شفاء للعين»

وبخصوص الحامل لو تتجنبي الفقع أفضل احنا عندنا معروف الفقع ضار للحامل والنافس عندنا تاكل فقع وتشرب مويته عشانه ينظف الرحم