أجهضت وقررت أبيكم تساعدوني

نوني الحلوة · 08-21-2014, 09:33 PM

مساء الخير

انا عندي كيس الحمل صغير عندي ونزل هرمون الحمل

وما ابي أسوي عملية تنظيف ليش اجازف وأتعب نفسي

يكفي العذاب النفسي

فقلت اترك المثبتات واستخدم أعشاب تنظف الرحم

لانه عملية التنظيف سمعت انها تاخر الحمل

قررت استخدم قرفة وقشر قهوة ورشاد وعشبة المدينة

اللي عندها تجربة واستخدمت أعشاب قبل تقول لي عنها

Om d7omy · 08-21-2014, 09:40 PM

أول مرة أسمع إن التنظيف يأخر الحمل

أمي ٤ عمليات تنظيف وماشاء الله هذا جابتنا ورا بعض كمان :)

مانصحك بالأعشاب خوفًا من إنها تسبب لك نزيف أو مشكلة ثانية

وإذا مصرة استشيري الدكتورة

مو كل وحدة صلح لها شي ممكن يصلح لك

الله يعوضك خير ويرزقك بالذرية الصالحة المصلحة

الله أملي ورجائي · 08-21-2014, 09:41 PM

اذا الحمل عمره صغير مااتوقع تحتاجين عمليه تنظيف

اما بالنسبه للاعشاب والله ماعندي علم بهالموضوع

معانده · 08-21-2014, 10:03 PM

عشبه المدينه روعه وتنظفك
اشربي منها افضل لك من تنظيف المستشفيات
لان تنظيفهم باجهزه تحك بطانه الرحم وفعلا تاخر الحمل اذا ماكانوا شاطرين في استخدام الاجهزه
والله يوفقك

نوني الحلوة · 08-21-2014, 10:31 PM

آيه عشان كذا مترددة ما ابي أسوي تنظيف لآني مااعرف دكتور شاطر في التنظيف وما أضمن التنظيف
بالأجهزة ويصير ضرر في بطانة الرحم

وعمر الحمر صغير ما يتعدى سبع أسابيع ومافيه غير كيس حمل وصار صغير مع نزول الدم

لآني شفته بالسونار المهبلي مره صغير نقطة سوداء

قلت ليش اجازف وأتعب نفسي

حوريه السعوديه · 08-22-2014, 02:42 AM

الله يعوض عليج حبيبتي واستشيري دكتورتج احسن

افنان الحربي · 08-22-2014, 03:00 AM

انا مع كلام ام دحومي وانا اختي اجهضت وخلت تنظيف المستشفى واستخدمت اعشاب
استخدمت عشبة المدينة

سوسو العبداللة · 08-22-2014, 06:27 AM

اختي الله يعوضك خير
سبق واجهظت نفس الاسبوع وكتبتلي دكتور اعشاب اشربها وهي كف مريم ورشاد وقشرة القهوة تاخذي من كل عشبه مقدار يكون متساوي وتغسليها وتحطيها بمويه مغليه وبعد مايدفي تشربيها بدون غلي والحمدالله كنت استخدمها وكانت تريحني مرة من مغص وبعد مانزل الكيس رحت عملت سونار والحمدالله نظف الرحم احبيت افيدك بتجربتي

A1393 · 08-22-2014, 12:36 PM

هلا اختي نوني الحلوة
الله يعوض عليك ويرزقك الذرية الصالحه
انا مجهضة من اسبوع والحمدلله والشكر على ماقدر وكتب
وبقولك نصيحتي من تجربة طااااازجه
انا اجهضت على حمل 9 اسابيع بعد ماتوقف نمو الجنين
كل الاعشاب اللي بالدنيا اخذتها عشبة المدينه اقرفه وقشر قهوة
وكف مريم اقسم بالله ماحرك فيني ساكن
كنت اخذ مثبت دافستون وهو اللي اخر نزول الحمل وبعد ماكملت 9 ايام
من تركت المثبت ويبداء ينزل علي افرازات بسيطه بني
ومنها ابداء اخذ حلبه اشربها مثل الشاهي ويارب لك الحمد يومين ونزل الجنين والكيس
ولاتبهذلت ولا رحت سويت عمليه
احسبي من متى تركتي المثبت وبعدها من اسبوع لعشر ايام بمشيئة الله بينزل لاتستعجلين

ويارب يعوضنا بحملنا اللي راح بالحمل السليم المعافى حنا وكل محتاجه الذرية مثلنا

وطمنيني عليك نوني

noora88 · 08-22-2014, 01:07 PM

الله يعوضج حبيبتي ويعوض كل وحده يارب

استخيري وشوفي المناسب لج

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
في ورم ليفي وقررت عمليه ربي يسعدك اللي ترد	امل1	منتدى علاج العقم و تأخر الحمل	21	06-17-2014 06:18 PM
عملت اشعة الصبغة وقررت	(M.H)	منتدى علاج العقم و تأخر الحمل	7	06-27-2012 11:34 AM
دايم فرحتي ناقصه وقررت مااخرج من البيت مهما كان	بنت مكه20	منتدى الحياة الأسرية والزوجية	15	04-09-2012 10:26 PM
محتارة وقررت .... ادخلوا لتساعدوني	بنت مكه20	منتدى أعراض الحمل والوحام	26	06-13-2011 02:13 AM
مرحبآآ بناات أبيكم يأستشاره أذاا تفهموو فيهآآ و قدرتوو تساعدوني	محبهـ قلب	منتدى علاج العقم و تأخر الحمل	10	01-30-2011 08:27 AM