دخوول الزوج لغرفة الولادة و نمط شخصيته

[noora88]

السلام عليكم ورحمة الله وبركاته

دخول الزوج معاج غرفة الولاده
صح هالموضوع وايد يتكرر ولين الحين الاراء مابين الموافقه والمعارضه

بس انا حابه استشيركم بشيء

يعني اذا انتي شفتي ريلج قلبه رهيف مايتحمل مناظر الدم وشي فيه الم للانسان هل تفكرين تدخلينه وياج لغرفة الولاده ؟

يعني اذكر شفت ويا ريلي فيلم فيه شوي لقطات عنف تقطيع ودم و وايد تضايق وتأثر لانه يكره هالسوالف

ف يالسه اتخيل اذا دخلته وياي غرفة الولاده بيتحمل ؟!




وعندي اخوي ماشاءالله قلبه قوي ويحب يشوف مناظر عنف ما يتأثر وهو دخل مع حرمته كل ولاداتها



انا اقارن لانه سبحان الله فعلاً كل ريال غير عن الثاني ومازلت محتاره بخصوص ادخله وياي غرفة الولاده ولا لا

امي حبيبتي احسها بتصيح وتوتر ما افكر اخبرها الا عقب ما اربي بالسلامه ان شاء الله لانها كانت تصيح يوم اختي تطلق وتربي وتعبت نفسياً ف اشوف من البر اني اريحها وما اخبرها

ف يمكن راح احتاج ريلي يكون وياي بدال امي
بس احاتي انه ما بيتحمل بعد

وكان فيني فضول اعرف اكثر عن رأي الرياييل في دخولهم مع حريمهم غرفة الولاده

وشفت الاراء من الرياييل نفسهم مابين المعارض و الموافق بعد في احد المنتديات

اللي يقول انه مايتحمل يشوف هالمناظر
واللي يقول عادي وهو دخل مع حرمته بولادة عياله
واللي يقول انا اساندها باحساسي لمعاناتها ومساندتها نفسياً ومعنوياً عقب الولاده ومب وجودي لحظة الولاده دليل على اهتمامي


وعقب ماقريت هذه الاراء و قارنت بين اختلاف الرياييل وارائهم وشخصياتهم



بسألكم

اذا ريلج كان وياج طوول الوقت ويساندج
لين خلاص اللحظة اللي بيولدونج فيها هو يطلع

ظنكم مابيحس فيها ؟ يعني لازم يكون حاضر حتى حزة خروج الياهل ؟؟؟

اريد اللي جربت ريلها وياها من الالف الى الياء

واللي ما دخل وياها الغرفة بس كان يترياها برع

فعلاً حسيتوا بالفرق ؟؟ يعني من ناحية الاهتمام والخوف وغيره

لانه قبل يومين وحده نصحتني قالت نصييييحه خليه يدخل وياج ويحس بألآمج
وحرمة اخوي تقول نصيحه لا تدخلين حد وياج لا امج ولا ريلج
هي الحمدلله بعيالهم الاربع جي سووت وربت بسهاله بدون توتر وغيره


وبس حبيت اسمع مشاركاتكم
بس تحددون شو نمط رياييلكم
عشان نقدر نربط بين نوعية ريلج وردة فعله واكيد كل ريال يختلف عن الثاني

[ريحانة الجنة]

وعليكم السلام ورحمة الله وبركاته
اللي عندي يدوخ من منظر الدم لو ذبح شاه
ف مايناسبه ابد يحضر

موفقة

[أم ولاء]

يكوون معها وقت الطلق والالم ع الاقل يسليها ويخفف عنها بس وقت الولاده احسن يطلع
وقت الالم والطلق الوحده تبي من يحس فيها ويخفف عنها
ۆ اللَّہ يسهل على الجميع

[Future Mommy]

انا ماجربت بس لما ولد باذن الله مابحب زوجي يكون معي لانو مابعرف كيف راح تكون ردة فعله تماما وبصراحة بخاف يشمئز ولهيك بفضل كون لحالي مع الدكتورة او القابلة وبسس وبعد ما اولد ع طوول بيفوت ويكون معانا مابظن راح يزيد او ينقص شي اذا رافقني وقت الطلق

[noora88]

تسلمون حبيباتي عالافاده والمشاركة


و انتظر المزيد من الآراء

[هاجر كندا]

افضل يكون وياي شاء ام ابا
لان بغربه واخاف اكون لوحدي واجبه كزوج
يساند مرته بالحلوة والمرة
وعلى كل حال من بوقف يم راسك
مراح يشوف الدماء ولااي شي اخر

[شوق العين]

ربي يتمم علينا جميعا ,
والله موضوع جد جميل و شي اظنه يتكرر يوميا في كل العالم

بالنسبة لي اول ولادة زوجي ما كان معاي لانه كان مسافر مع اهله لضرورة العلاج و كونه الابن الاكبر فنجبر يروح
وفي كل الاحوال انا ما خليت حتى امي تدخل معاي في غرفة الولادة لاني خفت اتدلع وما اقدر اشد حيلي واربي بسرعه فقلت لا ماما لا تزعلين مني بس انتظريني لين اولد
اعتقد ما راح اخلي احد معاي هالمرة بعد

[noora88]

سبحان الله كل وحده و تجربتها

شكرا عالمشاركه حبيباتي

[أم حمودي وعبودي]

أنا شايفه إن ريلج ما يصلح يدخل غرفة الولادة

ويمكن لو يدخل تتعسر ولادتج لأنه بيكون خايف وانتي بتخافين أكثر

[فطمطم 77]

حلو السوال اختي هههههههه اتخيل شكله بس
شوفي بطبع مستشفياتنا الحكوميه في الخليج ما يدخلون الزوج في غرفة الولاده بس اذا يصير انا ما بين مع وضد يعني
يدش في اول فترات الولاده لما تكون الزوجه في مرحلة الخوف والالم البسيط لكن اول ما يصير الدفع والطلق والالم القوي افضل ان يطلع من الغرفه لان عادي تعضه وتبكس فيه وتقول له كله منك هههههههههههههه