ياااربي مررره متضائقة...استغفرالله العظيم

[نوووشا]

السلام عليكم ورحمة الله وبركاتة
كيفكم اخواتي ؟؟ان شاءالله كلكم بخيير

انا مررره تعبت وقسم بالله تعبت تعبت كثيييير كل شهر استنى الحمل ومالله كتب بنات قولوا لي ايش اسوي كيف ابعد هالتفكير افكككر فيه كثييير لدرجة اني استخدم التحليل المنزلي بعد الدورة على طول وبعد التبويض على طول وقبل الدوره استغفرالله العظيم نفسسسسي اشوف الخطين الواضحين بمووووت من الوحده والتفكيير كثير بنات اصغر مني اتزوجوا بعدي وخلفوا وانا باقي على حالي زوجة اخو زوجي اتزوجت شهر 3 والحين شهر ولادتها 12 وتعايرني قدام ام زوجي ومسميه نفسها ام سعد وتقول انا اللي بجيب سعد واخوانه وخواته وام زوجي طايرره فيها وكل كلامها اذا جبت ولدك واذا ولدتي علماً اني انا اقرب لها و5 سنين شايلتها بعيوني ومااناديها الا يمه وهذيك تتدلع بكرشها ياربي سامحني صرت ادعي عليها وغيرها من الناس كثير كلامهم مسكينة ضعيفة الى الحين ماخلفت طيب انتو كلكم عارفين انو بيد ربنا ليش ماتحترمون انفسكم والسنتكم وباقي معارفي يخبون علي انهم حوامل خايفين اعطيهم عين والا احسدهم حتى اختي اتزوجت بعدي وحملت وماقالت لي ومحذرة اهلي محد يقولي خايفه من الحسد ياللللللله يارب وبقولكم هرجه معليش انا اسفه على ذي الكلمة بس احس هالمنتدى زادني تفكير وسواس اعذورني يمكن اسجل خروج واغيب لفترة وبفصل النت عشان ماعاد ادخل واسال وادور وابحث 5 سنين مو هينه يابنات انا اعرف انو فيه غيري اكثر واكثر بس هم صبروا انا ماعاد فيني ذرة صبر قولوا لي انا كنت شايلة فكرة الانابيب من بالي بس الحين شغل بالي اكثر بحجة اني الى متى انتظر اسسفه طولت عليكم بس والله مقدر اقول هالكلام لغيركم حتى زوجي نفسه مقدر احكيه عشان مابي اضايقه بنات حتى الطلاق قسم بالله فكرة فيه اذا هو اللي فه العيب انا مافيني ولاشيء ليش انتظر وارحم نفسي من الاطفال وكثثثير اشياء فكرة فيها مو معقولة ولامنطقيه بس الحمدلله على كل حال...اللهم اني لااسالك رد القضاء ولكني اسالك اللطف فيه

معليش انا اسفه سامحوني طولت عليكم بس انصحوني فهموني عقلووني وش اسوي بنفسي انا خايفة على نفسي اصير نفسية وانهبل ؟؟؟

[ناعسة العين]

حبيبتي صلي على النبي واذكري الله ...
طيب زوجك عنده مشكله ولا سليمين ..

بعدين اختك خبأت عليك ترى ماتبغى تجرحك لانها حاسه فيك فلا تفكري انك تحسديها بالعكس اختك وبتفرحي لها .

شوفي انا انقطعت عن المنتدى والفتره اللي انقطعت حملت تعرفين ليش

لاني ادخل وافكر واحلل وووو الخ فنصيحتي مثل نصيحة اختنا وردة شيلي التفكير بالحمل وان شاء الله تحملي .


بقولك قصة صديقتي

لها ست سنوات ونص ماحملت لانها تعالج وتهتم وتفكر
وبالاول ربي مااراد لها .
وبعدين ظلت سنه ماتفكر وحملت وصارت بالشهر الثاني وعرفت انها حامل
وحملت وعندها 5 تكيسات فوق المبيض ..

ترى التفكير بالحمل يلخبط الهورمونات فيسوي لك لخبطه ..


وسلفتك طنشيه مااحب هالسفاهات كاننا بزران ماكاننا كبار وفاهمين
لاعاد تقابليهم كثير

والدعاء والاستغفار والصلاة هي مفتاح لكل رزق وخير
الله يبشرك الشهر الجااي يارب

[الله أملي ورجائي]

اذكري الله

واذا ربي كاتب لك جذي

لازم تحمدين ربي كثير

لان هو قاعد يختبرك

وان شاءالله تنجحين بالامتحان

واذا برايك انكً تتركين المنتدى لفترى

وتركك للمنتدى يريحيك اتركيه

انا اختك انتظر الحمل من ٥ سنوات

والله زوجه حماي جابت ٣ ورى بعض

وماتنادي حالها الا ام البنين

طولي بالك

واكثري من الاستغفار

فالاستغفار مفتاح الفرج

[jojo 123456]

لا حول ولا قوة الا بالله الله يصبرك ع لي عم يصير معك والله عيوني دمعو صعب الجرح خااصة من اقرب النااس حماتك واختي لي عم تخبي حمل عنك وين الاخوة وين ريحة الدم لي تجمعكن لا حول ولا قوة الا بالله نحن مسلمين بس اخلاقنا وعلاقتنا الانسانية بعيدة كل البعد عن الاسلام الي رزق اختي ورزق زوجة اخو زوجك قااااادر يرزقك بس صبرااا صبرااا صبرااا
انصحك اختي تعبي وقتك ادرسي اشتغلي سجلي بنادي رياضي او نادي نسوي اشغال يدوية ا\ا انتي فااااضية
فوضي امرك لله ولا تدعي على حدا والله رح يجازيك ويرزقك الحمل بادن الله موفقة

[إحساس إمرأة]

حبيبتي هونيها وتهون ان شاءالله
واصبري والله مع الصابرين
والله يعوض صبرك خير يارب
ويفرحك قريبا يا رب
وكل شي قسمه ونصيب
ولاتعجزي من رحمة الله ومنه وعطائه
واحمدي الله على كل حال....
الله يرزقك بالذرية الصالحة عاجلا غير اجل
وانصحك بقراءة سورة البقرة
والاستغفار والدعاء والصدقة
الله يرزق جميع المنتظرات بذريه الصالحه يارب العالمين
لا تياسو من رحمة الله
الله يوفق الجمييييع

[إحساس إمرأة]

[إحساس إمرأة]

[إحساس إمرأة]

[إحساس إمرأة]

[راجيه لله]

حبيبتي نوششا والله انا مثلك تعبت كثير كل اللي تزوجوا قبلي و بعدي حملوا و انا لا ساعات انقهر اقول ليه كيذا طيب الى متى استغفر الله هذا امر ربي واحاول ابهد التفكير هذا انا متزوجه مع زوجة حماي .. حماي يعني اخو زوجي و حملت قبلي والحين لها اربع شهور هي حملت الشهر الثاني من الزواج وانا لا لين الان
و الحمدلله رب العالمين ربي اللي كاتبه بيصير هي حملت هنا وانا صابتني القرحه هنا
الحمدلله اللهم لا اعتراض على حكمتك يارب متى ما صار حمل و ربي كتب لي كتب وله حكمته ربي
و ربي عطاها لان الحمدلله رب العالمين زوجها ماهو متحمل مسؤوليه و ناسيها عطاها ربي يمكن لجل زوجها يتحمل مسؤوليتها و لجل يتذكر انه متزوج و ماينساها ويلهى عنها ..
انا تعبت بالحيل مثلك لكن كل حاجه بيد الله الحمدلله ع كل حال
ربي عالم ب حالنا و حنا ننتظر كتبته و الصبر مفتاح الفرج حبيبتي
اصبري و راح تنولي الله يكتب لنا و لك يارب