كيفكم شخباركم ..طيبين .. ادخلوا

[نسيم الصبا]

السلام عليكم ياحلوات بستشيركم بما انكم اخواتي وحبيباتي

وكنت متابعه معكم ايام حملي وانشغلت بعد الولاده والحين ماشاء الله عمر بنتي سنتين

قررنا انا وزوجي باذن الله سبحانه هالفتره اترك الموانع بس جلست بيني وبين نفسي افكر قلت بنتي صغيره الحين احس بدري وساعات اقول لا على ماجيب اللي بعدها باذن الله تكون في سن ثلاث سنوات ان شاء الله ايش رايكم انتوا

[معانده]

وعليكم السلام هلا حبيبتي
المفروض هذا الشي يرجع لك انتي وزوجك وماتشاورين احد فيه لان انتم اللي بتربون وتتعبون مو حنا
لكن بما انك طلبتي نصيحه فانتظري توها صغيره وبتتعبين واطفال الجيل هذا غير عن اول الله يصلحهم
انتظري لين تجي ثلاث سنوات وفكري في الحمل وقتها
واذا ربي كتب لك حمل بتكون 4 سنوات قد شالت عمرها وعرفت الحمام وكذا
وبالتوفيق يااارب

[الله أملي ورجائي]

انا اقول عمر مناسب
اذا حملتي الحين
بيكون عمر بنتج وقت الولاده ثلاث

وهالعمر كافي انه يفهم عدل

الله يرزقج حبيبتي

[ليمآإآ]

و انا مع الاخت أملي لو حملتي الحين لين ما تربين ان شاءالله بتنك تكون فاهمة و معتمدة على نفسها ان شاءالله و في النهاية بكيفكم عزيزتي

[ندى الوردة]

الله ييسرلك في الي فيه الخير

[نسيم الصبا]

مشكورات يالغاليات على الرد .. صحيح الموضوع بيني وبين زوجي بس برضو محتاجه تشجيع او نصيحه مايمنع ،
وافكر الحين اجيب لان الحمل بعدين راح يتعبني .. فالان افضل طالما اقدر وفيني شده وكلهم صغار مع بعض اتحملهم
المشكله لو كبرت بعمري ماعاد اقدر عليهم .. الله يطرح فيهم البركه

[دلوعة بالحيل]

انا نصيحتي احملي الحين
و الله يكتب لك الخير و يرزقك أضعاف ما تتمني
شوفيني ليا سنه و شهر فكيت اللولب
و للحين انتظر رحمه رب العباد
الحمدلله ع كل حال

[إيـمـان]

انا اشوف ان الوقت مناسب
موفففقه

[ام مرايم]

انا بعد تفكيري مثلك قررت افطم بنتي عن الرضاع وبعدها اترك نفسي للحمل لان اشوف بنتي تحب الاطفال حتى الرضع قلت اونسها باخ او اخت ويكون الفرق بينهم ثلاث سنوات وابتديت اعلمها ع الحمام عشان ع ولادتي تكون مريحتني مع ان احس ع 3 بيكونوا مريحين وبروحهم يبغون يتركونها ،،،