قربوا القهوه والحلا جايتكم بقصة ولادتي < تتربع ..$

[نسيم الصبا]

السلام عليكم .. يامرحباً ب احلى كروشات ونفوسات وبنوتات

اسعد الله اوقاتكم بكل خير

الحمدلله لقيت وقت فراغ مسروق من بين زحمة الاطفال والبيت والبيبي والضيوف
وقلت اجي اكتب لكم قصة ولادتي
.. في الاول كنت اشكي الم شد اسفل بطني وعادي كنت امشي بشهري التاسع واكل تمر وادهن بطني بزيت زيتون مقري عليه
وطوفت عن شهري التاسع باسبوع تقريبا
ويوم جا الالم اللي اعرفه لاني سبق وولدت يعني مو بكريه اعرف افرق بين الم الولاده والالم اللي يكون مجرد تقاديم واول ماحسيت بالالم والحراره حول الحوض الساعه 6 الفجر قلت اروح اجلس في موية دافيه اذا راح الالم يعني انه مجرد طلق كاذب وخصوصا انا ماتنزل لي المويات في البيت ابد ولا دم ولا شي بس مجرد الم طلق
المهم
لمى جلست وخليت المويه على مستوى بطني واسفل ظهري ارتحت في الاول بعدين رجع الالم وقتها عرفت انها ولاده خلاص << فرحت وقتها وخفت ومشاعر مختلطه مااعرف ايش هيا بالضبط
وخصوصا وقتها زوجي في العمل وبنتي تدق علي باب الحمام وانتوا بكرامه تقول ماما طولتي ابي فطور ههههههه وولدي واقف ينادي ماما ماما ماما < قمة التوتر ههههههه
واطلع اروح للمطبخ اسوي لي قرفه واكل تمر واطفالي طايحين اسأله ماما ليش تتوجعي ماما نروح اليوم الملاهي <<<<< هنا صرخت فيهم يالله روحوووو عني حلوووو عن سماي دعوني وشأني
ومااشوف الا غبارهم هههههه يسابقون الريح
وبعدها ارسل لابو الشباب رساله اقوله خليك منتبه لجوالك ولادتي اليوم بس ابي الالم يشتد << هنا كانت الساعه 7 وربع تقريبا وماكنت ادري انو راح يزيد بسرعه
وجلست عشر دقايق الا ارجع اتصل عليه تعااااااااااااااااااااال بسرعه خلاص الالم زاد
واقوم ابدل بجايم اولادي والبسهم وشويه اوقف اصرخ وارجع اكمل لبسهم واقوم اصرخ وهكذا هههههههه
واذا صرخت صرخو معي واذا سكت تشوفون انواع الابتسامات على وجيههم < منظر يضحك

وجا ابوهم وقت مازاد الالم وصلت حدي الساعه 7 ونص واركض البس عباتي
وادعي يارب هونها واقرا سورة الزلزله ويفتح الباب وانزل ركض بدون جزمات وانتوا بكرامه ماعاد فيني حيل ولا افكر ولا شي وزوجي واولادي وراي يركضون بالجزمات وشنطة النونو والحمدلله وقتها مافي احد من الجيران في الشارع كان فاضي ولا صارت سيرتي على كل لسان ههههههه
وصلت للسياره والعبايه وراي ترفرف < بات مان على غفله
وبسرعه نمشي وكنا مخططين نمر عمتهم نخليهم عندها ونروح المستشفى بس خلاص وقتها احس بالم فضيع مع دفع
وزوجي قال خلاص بوديك المستشفى في الاول واخليهم في السياره وارجع لهم
وانا اقوله اسسسسسسكت ولا ابغى اسمع صوت ويسرع وانواع الجروح شفتها بيده بعد الولاده اثاريني اخمشه واعضه في السياره واولادي يبكون

اول ماوصلت للمستشفى كشفت علي الدكتوره قالت خلاص ولاده بس الغريب قالت لي خمس سانتي
واتصلت على الفلبينيه تجي تاخذني وتكلمها بالانجلش يمكن على بالها مو فاهمه الانجلش المهم قالت لها بسرعه عندي حاله ولاده خالصه الرحم مفتوح 7 سانتي الا 8
وجت واخذتني على الكرسي وجالسه اقولها بسسسسرعه يلااا اخاف اصرخ قدام الرجال
وجا الالم واصرخ تقول خذي نفس خذي نفس
واخذ نفس بقوه وحالتي حاله وجينا على غرفة الولاده ماامداهم يحطون التخطيط ويسألوني كم سؤال الا وانا ادفع لا شعوريا ورمت الدكتوره الملف على طرف السرير وقالت اشوف وتفاجأت تقول راس البيبي وتنادي السستر وتجي تحط على بطني الشرشف الازرق
وتقول الدكتوره يلا ادفعي هاي راس البيبي طلع هانت وانا اصرخ صرخة طرزان ههههههه ماني قادره اركز معها جت عند راسي قالت ركزي معي الصراخ مامنه فايده بتتاخري في الولاده وبعدها كتمت الصرخه وسبحان الله ولدت الساعه 45 : 8

طبعا مااخذت معي الولاده ساعه وصلت للمستشفى الساعه 45: 7 وولدت مثل ماقلت لكم قبل وشرفت الشيخه ريما ربي يحفظها لي ولابوها ويجعلها من الصالحات يارب
وحطوها على صدري واجلس ابوسها وضمها وهي ساكته توزع نظرات قلت للدكتوره ليش مابكت قالت بكت شي خفيف اول مانزلت وخلاص هي بصحه شوفيها كيف بتناظر لك بتطمنك انها بخير هههههههه واضحك واضمها حبيبة مامتها
وبعدها اعلنت الخبر للكل يارب لك الحمد كما ينبغي لجلال وجهك وعظيم سلطانك
عقبالكم حبيباتي يارب ...

[دلوعة وطيوبة]

الف مبررررررررررررررروك والحمدالله ع سلامتك

[انت لي وبس]

الف الف الف مبرووووووووك ماشاء الله تبارك الله
والحمد لله على سلامتك
تتربى البنوته بعزك

[مناير999]

الف مبروووك قدوم الشيخه ريما
عقبال ماتشوفيها عروس
والله يحفظها لكم من كل شر

[بشورة فيصل]

الف الف الف مبروووووووووك
وتتربى بعزكم ان شاء الله
والحمد لله على سلامتك

وعقبالي يارب وعقبال الكروشات

[SoooSoo]

ماشاء الله الف مبرووووك والحمد لله على سلامتك.

[sama7douce]

مبروك العروسة و الحمد لله على سلامتك...

[اروي يقيني]

ههههههههههههههههههههههههه

اهم شي بات مان

ههههههههههههههههههههه

الحمدلله على السلامه حبيبتي وتتربى في عزج وعز ابوها

[استغفرالله(مي)]

الحمدلله على سلامتك
وقصتك مره حلوووه ههه
ههههه

[زاوية في دائرة]

الحمد لله عالسلامة ياعسولا <3

بسألك دحين الشد اللي أسفل البطن والضغط اللي على المنطقة من تحت يعني قررب الولادة ولا شوو ؟؟!