ابي رايكم يا طيبين

[حامل نعومه]

السلام عليكم
انا حامل بالشهر الاول وبدخل الثاني وبيتي فيه درج
يعني باليوم اصعد وانزل اكثر من مره
واحس بتعب
واابني ما يرضى يصعد لازم احمله وانزل واصعد به
الشي ذا عادي؟
ساعدوني مره خااايفه
ايش اسوي

[احبك ماما]

لالالا مو عادي
وخصوصاا انك بالاشهر الاولى ...انتبهي على نفسك ...وعلمي ولدك تنا انتي تبانه ولازم يعتمد على نفسه
لانه دلع لعيال مايخلص ...

[بنت الريف]

ألف مبروووك أختي والله يثبت حملك ان شاءالله وتقومي بالسلامة ويفرحك بمولودك

تجنبى صعود الدرج (السلم) اكثر من مرتين باليوم
انتي ريحي نفسك عالآآآآآآآآخر ثلاثة شهور بس .. ولاتهملي تناول حمض الفوليك

اتغذي كويس ركزي على البروتين والخضار والفاكهة

[حامل نعومه]

مشكورين حبايبي على النصيحه
يسعدني مروركم

[أشواق]

والله حبيبتي حامل نعومه انا اشوف ان صعود الدرج اذا كان حملك طبيعي يعني ماعند نزول
مافيه مشكله بس المشكله انك اتشيلي ولدك او اي شي ثقيل ونصيحه لك اختي انك تنتبهي على
نفسك من تشيلي اي شي لان ا لفتره هذي مره حساسه

[**سماسم**]

مبروك الحمل وربي يتممه عليج وتقومين أنتي ونونو بالسلامه ..

[راجيه ربها]

الله يتمم لك حملكـ

[حامل نعومه]

تسلمووووووووون حبايبي على النصايح
ربي يجعله بميزان اعمالك

[كوثرية]

صعود الدرج يحتاج لشد عضلات البطن، وفي الأشهر الأولى الجنين ما يكون ثابت

أنا بيتي فيه درج، وعلمت عيالي اللي يبي شيء يصعد بنفسه والا يتحمل
حتى إذا جينا نطلع أقول الهم اصعدوا اخذوا الكم ملابس واللي ما يبي يصعد مالازم يروح انا

بعد هم مساكين ما يقصرون ولا يصرون على عدم الصعدة لذلك أنا اصعد وقت النوم وبس، ومن أنزل الصباح خلاص ما أصعد إلا وقت النوم .

[عزتي ماهي غرور]

مراحب اختي حامل نعومه .ز مبروك على البيبي الجديد والله يتمم لك على خير ويرزقك ساعة السلامه .. أنا أشوف إنك تخلين بالك من نفسك أكثر وولدك عوديه يطلع الدرج بروحه لأنك بالشهور الأولى وباقي الحمل ماثبت .. اما بالنسبه لكوثريه فمبروك عليك التوأم ياعمري والله يحفظهم لك من كل شر .. وإدعو لي المولى يرزقني الحمل السليم عما قريب