غاية في الاهميه

[استغفرك ياربي]

السلام عليكم ورحمة الله وبركاته
كل عام وانتم بخير وصحه وسلامه
حبيباتي ابقولك على شي انا نفسي مدري هذا القسم الصحيح اولا لكن والله ثم والله ثم والله مدري اكتب لمين او طلب من مين خواتي هذي بنت جيراننا توفى زوجها قبل رمضان وعليه ديون مره فيه بعضهم الله يجزاه الجنه ويكثر من امثاله تنازل وفيه بعضهم تنازل عن النص بس فيه واحد يبي عشرة الالاف منه وهم حالتهم الماديه تعبانه اساسا من حياة زوجها الله يرحمه وهذا الرجال الله يهديه رافض يصبر لانه يقول بتنسون مع الوقت او بتصروفني مثل ماتصرفوني الحين والله الله يهديه ناشب لهم نشبه ياعيني ويرسل عليهم ناس يعني شبه مفضوحه بالحاره وهي ماعندها اخوان بس خوات واهل زوجها الحمدالله يارب الله يعافيهم ولا يبلانا كلن بواديه والله مايعرفون بعض ويوم راحت لهم تقول ساعدوني قالو حنا كنا نمنعه من السلف وهو يتسلف يعني الله يهديهم كل واحد مايعرف الثاني مع انهم ربي مغنيهم بعض اخوانه وهي للحين مالقت احد يساعدهاحتى انا والله اني متضايقه مره عشانها والله انها مثل اختي واكثر انا قدرت ادبر الفين لها بس الباقي كثير مره ولا ادري وين اروح وقلتلها عن الضمان قالت ما اقدر اروح له رجال واستحي ادخل رافضه خواتي الله يخليكم اذا تعرفون احد يساعدها ومكان تروح له تقولي تكسب اجر الايتام اللي عندها هي تقول ماهمني لا اكل ولاشرب بس ابي اسدد هالدين اللي فضحني بكل مكان خواتي اللي تقدر تساعدني لو بنص المبلغ تقول او تعرف احد لاتبخل عليها يمكن تدعيلك دعوه بنص الليل وتستجاب لانه تفريج لكربة مسلم ويفرج الله يوم القيامه له وانا ابحاول لو ارسل اخواني للضمان يشوفون وش يقولون بوضعها مع اني اخواني صغار اخاف مايصدقونهم ياعسولات تكفون لاتهملون موضوعي عطوني حل وين اروح او وش اسوي والله يجزاكل خير ويوفق من يسعى في موضوعها

[الحياه حلوة#]

الله يكون بعونها يارب ويفرج همها

[ام جوري&&]

خليها تكتب معروض(خطاب) لاحد الامراء يمكن في امل ...

[حياتي توأمي]

الله يفررج همها ياااارب

[إحساس إمرأة]

الله يفررج همها
و ييسر امورها يااا رب

[إحساس إمرأة]

الله يعطيك العافية يالغلااا

[سوسهs]

الله يفرج همها يارب واسال الله ان يقضي عنها دينها يارب

ما النا الا الدعاء بان الله يقضي دينها ويفرج همها ويعينها على مبتلاها

يضل احنا مجتمعين بعالم النت والمنتديات وما يربطنا بها الا اسماء مستعاره

فما باليد حيله والله يجزاكي الف خير يارب والله يكتبه في ميزان حسناتك يارب

[بحــ العيون ــــــــر]

الله يفررج همها
و ييسر امورها يااا رب
والله يجزاكي الف خير يارب

[استغفرك ياربي]

الله يعيطكم العافيه ومشكورين والله يستجيب دعواتكم لها تراه بحاجة الدعوه والله يجزاكم الجنه

[υм вtℓαα]

الله يفرج همها ويسسر امورها يارب