ام ل معاقتين واحلم بطفل سليم ربي لك الحمد

[× عَينَاءُ مَرضِيةُ ×]

السلام عليكم رحمة الله وبركاتة


انا عضوة جديده بينكم والله يجزاكم كل خير على هالمنتدى الرائع

ابحكيلكم قصتي انا ولله الحمد متزوجه من 6 سنوات تقريباً وعندي بنتين جبتهم ورا بعض 5 و4 سنين وكان حملهم تعب ومرض كل 9 شهور في المستشفى مغذيات لان الترجيع كان مستمر لدرجة اطلع دم من كثر الترجيع وكنت سمينه ومع الحمل نزل اكثر من نص وزني وماكنت اخذ فيتامينات ولا حامض الفوليك مع ان الدكتوره كتبته لي بس مع التعب ما قدرت وكنت اشم فقس وابو فاس عشان ارتاح ومدري ان كان هالشئ يضر الجنين او لا كنت مهمله الجنين وقتها واهم شئ راحت نفسي فكنت اشرب واكل اي شي اهم شئ يريحني هذا بغض النظر عن الأدوية والإبر اللي عطوني اياها لمى اتنوم وبالأخير في الحمل الثاني اكتشفت ان سبب هالتعب ان عندي جرثومة المعدة وتنشط مع الحمل تضاعفلي الترجيع والوحام وايضا قالو سبب نفسي الضيقه والنكد اللي كنت فيه
و نتيجة هالتعب بنتين
الكبيره عندها اعاقه سمعية وماتتكلم بسببها
والصغيره برضو عندها اعاقة سمعيه وما تتكلم + ضعف نظر + ضعف نمو + توحد

والحمد لله على كل حال راضيه

جلست 3 سنوات مسويه لولب وبعد ماكبروا وبعد الثلاث السنوات طحت وطاح اللولب و رحت ابسوي غيره قالتلي الدكتوره ان عندي التهابات وقرحه ماينفع لازم اتعالج منها عشان اسوي لولب جديد
بصراحه طنشت الأدويه قلت يمكن خيره راح تمنعني الإلتهابات والقرحه من الحمل و مولازم لولب
وجلست فتره استخدم عازل احتياط وبعدها وقفت وما استخدمت شي قلت القرحه معي ماراح يحدث حمل بإذن الله ...

كبروا بناتي شوي وصرت اشوف اختلاف بينهم وبين اللي في نفس اعمارهم طبعاً في الكلام
بنتي الكبيرى تقول ماما احيان قليله اما الصغيرة ماتتكلم ابد ....

صرت اغار من لمن اشوف قريباتي عيالهم يسولفون معهم وبدوا يجهزوهم للروضه وكذا وانا بناتي كنهم لسى اعمارهم شهور مايتكلمون ...

ابكي احيان واقول ماعاد ابي عيال يطلعون نفس الشئ ولأني ماقدر اسوي طفل انابيب او شئ من هالكلام وبعد شوي اهدأ واقول سبحان الله يمكن لو حملت هالمره يجيني ولد سليم معافى ...
صح نفسيتي تتعب لا طلعت وشفت مناظر الناس مع عيالهم وكذا بس لمى اهدأ احمد الله واقول انا راضيه وهذا ابتلاء واختبار لي

لاني زمان كنت مهمله نفسي ومهمله جنيني وقبل كل شئ مهمله صلاتي وصيامي وعلاقتي بربي بس اللي صارلي قربني من ربي كثير ولله الحمد ورضيت واقتنعت باللي عطاني ربي بالعكس ربي ما يبتلي الا العبد اللي يحبه والحمدلله على كل حال

ومن شهرين قررت احمل ظني بالله كبير اني احمل بولد سليم ويفرحني فيه رحت للمستشفى قلت اعالج الألتهابات والقرحه وبرضو طلع عندي كيس بالرحم وارتفاع في هرمون الحليب الحمد لله تعالجت منها كلها
واليوم رحت اشوف النتائج قالتلي كل شئ تمام صار بس عندي ضعف في التبويض وباقي عندي القرحه ما راحت

اعطتني ادوية ... دواء زيترون + دواء دياميل +دوفاستون + تحاميل ألبوتيل

وقالت اجيها ثاني يوم الدورة تسوي لي كي للقرحة


الحين ابغى نصايحكم حبايبي..اسألتي::
_هل ممكن احمل وعندي قرحه كبيرة ؟
-وكيف احاول احمل بطفل سليم بعد ارادة الله كيف اقاوم الوحام المتعب وكيف اخلي نفسيتي تمام واحافظ على جنيني ؟
-ممكن تحسبولي يوم التبويض لان دورة مو منتظمه وملخلبطه انا دورتي يوم 3 /4 /1435في هالهشر وخلصت يوم 4/7/ 1435 متى يكون التبويض عندي ؟
- هل الكي ما منه اثار ؟
-وش تنصحوني ؟


واخيراً طولت عليكم ادري بس والله محتاجه كلامكم ونصائحكم وتجاربكم
يارب من ترد علي وتطمن قلبي ربي يسعدة دنيا واخر

[bassouma]

حبيبتي بناتك مو معوقين أنا أعرف وحدة إبنها ما نطق حتى صار يدرس بالمدرسة صرلو 7 سنين و الأن صار عندو 13 سنة ماشاء الله عليه صار رجال ماعندي فكرة عن أدوية و تبويض بس أدعيلك الله يرزقك الجنين السليم المعافا لا زيادة فيه و لا نقصان

[سما الدنيا]

ان شاء الله يا اختي الله يكتبلك الحمل السليم المعافى يا رب ..ويعوضك ربنا كل خير ويصبرك اختي ويكونو بناتك مصددر سعاده الك بالدنيا والاخره والله يشفيهنويعافيهن يا رب..
والله ما اعرف بالنسبه للقرحه وحدوث الحمل ان شاء الله الخوات يفيدوكي..

واذا نويتي الحمل اعلمي اختي انه الله سبحانه الي كتبلك اياه امانه ولازم انحافظ عليها وما نهمل موضوع الحمل والجنين ونوك اي شي او نشرب ادويه وعلاجات بدون استشارة طبيب وحاولي اتكون نفسيتك منيحه وتناولي الغذاء السليم
ولا تهملي الفوليك اسيد بالشهور الحمل الاولى وانصحك بتناولها قبل الحمل والاستمرار عليه وما تهملي افيتامينات والله يهدي بالك ويكتبلك احم السليم يا ربي....

[الجنه املي]

الله يشفي بناتگ حبيبتي وتشوفيهم عروستين زي القمر .....ان شاء الله تحملي وتجيبي اخ لهم سليم معافى بلا زياده او نقصان....حبيبتي مااعرف شي عن القرحه بس حبيت ادعليلك...وحبيت اقولگ اشربي حمض الفوليگ من الحين قبل لاتحملي كثيييير سمعت كذا....وبالنسبه لبناتگ اعرف مداويه شعبيه ماشاء الله عليها تعالج الحريم ومشاكلهم وكمان الاطفال وان شاء الله بعد الله تفيد بناتگ اهي في الرياض انتي وين ساكنه؟ ؟؟
وان شاء الله اني قدرت افيدگ الله يشفيگ ويشفي بنوتاتگ الحلوات ويجعلهم من الحافظات لگتاب الله

[يآ أرحم الرآحمين]

بإذن الله ممكن تنجبي طفل سليم فقط عليكي المتابعة قبل و بعد الحمل

نصيحة اشربي الفوليك اسيد من الحيين قبل حدوث الحمل. ربي يسعدك و يرزقك باللي يفرحك و يفرح زوجك اكثري من الاستغفار

[jojo 123456]

حبيبتي زوجك يقربك شي ؟
قبل تقدمي على الحمل اعملي تحاليل مشان الحمل الجاي انشاء الله يكون سليم

[العليا]

يا اختي احمدي الله دايما و ابدن ... لا يغرونج المظاهر يمكن باجر لا كبرو الصغاريه تتغير امور كثيره يعني اللي اشوفينهم برع و يا عيالهم و يكونون اصحاء ما تعرفين لي اكبرو يمكن يكونون عاقين منحرفين لا قدر الله ...

الله يحفظ لج بناتج و يشافيهن و يعافيهن .. ترا البنات رحمه من رب العالمين لن البنات قلبهن رحيم اكثر عن الاولاد ...

ابني هو ابني حتى يتزوج و بنتي هي بنتي حتى لو تزوجت ...


اختي اذا الله راد ترا بتحملين لو فيج عوق كبير ... لو حتى دكاترة العالم كلها قالت ما راح تحملين بتحملين باذن الله سبحانه و تعالى كن فيكون ...

خالتي تحب الاولاد و اخر مره حملت في ولد وايد استانست و انتظرت لكن للاسف يوم يا ع الدنيا عمي ما يشوف ولا في علاج له و الحمد لله صابره و حاطه بالها عليه و تحاتيه وايد


الله يرزقنا الحمل السليم المعافى يارب

[anarana]

حبيبتي عيناء صحيح كلام الخوات جزاهم الله خير حتى انا والله استفدت منهم بس بالنسبه لبناتك ادعيلهم واستغفري بنية شفاهم انا عندي بنت عمي عندها توحد وكانت ماتحكي بس الحين الحمدلله كبيره وسليمه وبالجامعه بعد هذا كله اختبار من الله فله الحمدوالشكر على الضراء قبل السراء وامسكي حبيبتي بصلاة الليل والله ثم والله ثم والله انهافرج وراحة وطمئنينه ورضا وراح تشوفين كيف تتغير حياتك وحياة بناتك للاحسن يارب يعطيك الين يرضيك وكلنا معك امييين يارب العالمين

[Ayat121]

بالنسبه للقرحه علاجها الحمدلله بسيط وتحملين بعدها باذن الله وقت مايشاء الله رب العالمين
انا كانت عندي قرحه ومرره كبيره وعالجتها
والكي يكون بعد الدوره كيف تقولك الدكتوره ثاني يوم الدوره اول مره اسمع

الكي سهل ومايخوف
وربي يسهل لك ان شالله
واي سؤال بخصوص القرحه انا مستعده اجاوبك

[منوووشة]

اختي احمدي ربك هذي ماهي اعاقه
وشوي اهون من شيء , وغيرك يتمنى طفل لو هو معاق
احمدي الله على كل شيء وكوني راضيه بما رزقك
واكثري من الدعاء و الاستغفار و قبل ان تخططي للحمل
بثلاث اشهر تناولي حمض الفوليك

والله يرزقك بالطفل السليم المعافى التام
وايانا و كل من تتمنى الحمل