ساعدونييييييييييييي بليز -راح انهار-

[nourkam]

انا بنتي عندها سنة ونصف والله كرهني نومها في اليل متقطع كثير ومن لما تصحى تصحى باكية ولما تجي بيني وبين ابوها تنام وبعد مدة من نومها تنزعج اخذها لفراشها كمان تنام وهكذا لين يطلع الصبح وعندها مشكلة التقلب الكثير في فراشها وترمي نفسها فاي اتجاه ومع الشتاء والبرد وغطاءها مايبقى فوقها لازم كل دقيقة اغطيها ومرات انسى وانام يعني وكانها نايمة على الجمر معركة كل يوم وترى هذا طبعها مانها مريضة من الغازات ولا حتى شيئ مع العلم اني حامل في اواخر التاسع والله تعبت وابوها مو مقصر معي بيساعدني بس هو كمان بيتعب ويعمل في الصباح الباكر بس اكبر هاجس عندي هو بعد الولادة والم القطب و و و... والله بقى لي شوي وانهار كليا اريد نصايحكم والله خايفة من الي جاي

[شوق وحنين]

مرحبا اختي..

الله يكون في عونج حبيبتي.
أكيد كل أم منا بتكون مرت بتجربة مشابهة نوعا ما..

بالنسبة لولدي عمره سنة و4 أشهر ويتقلب في النوم ويشيل اللحاف من عليه دايما،ً فعشان ما يبرد ألبسه 3 طبقات من الثياب وجورب دافي عشان أتطمن إنه دفيان ما أضطر أقوم ألحفه.

فيه فكرة ثانية في نوع من البطانيات الي تقدرين تلبسين الطفل وتسكرينه بجرار دوري وين يبيعونه.. بيفيدج.

الشي الثاني المهم ان بنتك لازم تبتدي تتعود النوم بشكل مستقل، تحتاج سريرها الخاص بها الي ما تقدر تطلع منه وتجيكم (سرير الأطفال الخشب أو البلاستك) .. وتوقعي يكون صعب في البداية لأنها بتستغرب من التغيير وتبكي وتحاول تتسلق بس خليكي أقوى منها، حطي معاها ألعاب وكتب أطفال تلتهي بها، أو خليها قدام التلفزيون تطالع كرتون ليما تتعب وتنام.

بصراحة كان المفروض تتداركين الموضوع من فترة أطول وتتدرجين معاها في هذي الأشياء لأن ولادتك قريبة وبتضطرين تفصلين البنت بشكل مفاجئ، وقد يأثر فيها هالشي نفسياً.

والله يتمم حملك على خير

[يارحيم]

اتفق مع اختي شوق وحنين ابدي عوديها من الان وتبدأين متأخر افضل من انك ما تبدأين ابدا.. انا ولدي توه كمل سنة و ماعمره نام نومه متواصله لازم يقوم يبكي اكثر من مرة بالليله واذكر كم مرة سويتها اجيبه للسرير جنبي عشان اول ما يبكي يكون جنبي اريح لي.. لكن كنت ما انام زين لاني اخاف انقلب عليه وبالاخير اشيله وارجعه سريره واكتشفت بعدين انه كذا احسن لانه لو تعود نص الليل يجي سريري مارح يتعود ينام لحاله ابدا.. اذكر بنت صديقتي لين صارت مراهقه وهي تبي تنام جنب امها وتعبت تعبت تعبت لين عودتها تنام لحالها.. قلت خلاص ما بدهاش الولد ما يطلع من سريره.. مهما بكا اجي وهو بسريره وامسح على راسه واهديه واعطيه اللهايه ومرات اسويله حليب بس ما احرص على الحليب بالليل لاني قاطعته اعطيه رضعه لو بكا وقت الفجر او الصبح بدري والحين لانه يسنن احط له مسكن بالرضعه عشان يهدا وينام.. والله يعين الامهات ما اذكر متى اخر نمت نومة متواصله وشبعت نوم.. الحمدلله على كل حال..

[دلـــوعــه عـــــبوديـ]

انا عندي توام ونفس حالتك كل شوي اقوم اغطيهم وغير كذا كلهم يبغون ينامون جنبي بس قلت خلاص بعودهم ينامون لحالهم
اغلب الامهات يعانون من المشكله هذي

[nourkam]

شكرا على الردود حبيباتي راح اعمل بنصايحكم

[أسيرة زوجي]

كأنك تتكلمي على بنتي

و الله نفس المشكلة

لكن عندي تقربا شهر أحطها في سريرها و تقوم تبكي و تنام

الله يعينا يا رب

[nourkam]

المشاركة الأصلية كتبت بواسطة أسيرة زوجي

كأنك تتكلمي على بنتي

و الله نفس المشكلة

لكن عندي تقربا شهر أحطها في سريرها و تقوم تبكي و تنام

الله يعينا يا رب

امين اختي انشاء الله يخلينا اولادنا برغم التعب حبنا ليهم يهون شوي

[-قطر الندى-]

بظن عادي
طولي بالك عليها
الله يعطيكي العافية

[عيش الحياة]

هذه المشكلة اكثر شي في الطفل الاول تصير يكون مرتبط بالام خاصة وقت النوم
انا كدا طفلي مرة متعبني وماني عارفه متى راح يستقل وينام لوحدو
بالنسبة للغطاء لبسي طفلك بجامة ثقيلة او وطي التكييف
وبعد الولادة ربك يعين لا تفكري ولاتشيلي هم

[chems doha]

والله كانك تحكي عن بنتي عمرها عام و شهر و 15 يوم من يوم ولدتها الى يومنا هدا لم انم ليلة كاملة والله تعبت تعبت متلك هههههههه بتفيق في الليل شي اربع مرات وافضل اقوم من فراشي الى فراشها زي الهبله واهزها وانيمها وارجع حطها لحين يطلع النهار والمشكلة هي اني اشتغل عندي دوام. ولكن هده الايام اكشفت حيلة فادتني قليلا وهي اني صرت افرش في الارض انا وبنتي زين ولما ييجي وقت النوم تشرب الحليب وهي لسا صحيا يعني مش تنام وهي بتشربو. المهم بعد ما اتخلص اعمل حالي راح انام خلاص فتيجي لجانبي تحاول تلعب بس بتلاقيني ولا حاسة بيها غرقانة نوم بتستسلم و تنزل راسها على المخدة اللي اصلا هي مخدتي لانها شامة ريحتي فيها تفضل كدة لحد ما لاقيها نامت المسكينة .فاقوم انام لفراشي كان شيئا لم يكن .بس صارت تفيق مرة وحدة بالليل تتاكد اني بجانبها في مرة اديها رضعة و في مرة لا على حسب . المهم انها صارت تنام لوحدها مانومها انا وصارت تفيق مرة وحدة بدون بكاء بطبطب عليها ترجع وتنام. انشاء الله عقبال ما تنام الليل كله. بس ما تقلقي وما تفكري كتير ربنا يحلها