فزعتكم يابنات ،، محتاجة حل ضروري

[شموخ امرأة]

السلام عليكم ورحمة الله وبركاته
اما بعد ؛
انا بدي حط مشكلتي بس ياريت الاقي عندكم الحل الشافي وهعمل باذن الله على تحقيقة
انا هلا ام لطفلين طفل عمره سنة ونص وطفله عمرها شهر
مشكلتي هلا مع طفلي الكبير
طفلي الكبير عنيد لدرجة لاتوصف
وللاسف بتبع معو اسلوب الضرب مع انو غلط بس مابجيب نتيجة
مش اني بضربو ضرب مبرح او شي بس بضربو على ايدو لما يخرب او يعمل شي ممنوع
عارفة هالشي غلط من قراتي للمواضيع العناد
بس تعبت كتير منو
وكتبت مشكلتي مشان تحاولو تلاقولي حل ومين كانت ابنها هيك ولقت حل لمشكلتها
1/ هلا هو بحب يلعب بكل شي ممنوع
عندو مثلا كابل الكهرباء بحب يشيل ويحط سلك الاب توب واحيانا الكهربا تلطشو من اعمدة الكيبل بس مابتعلم وبضربو ع ايديو وكمان مابتعلم
2/ عندو بحب بمسك الفاين يمصو والمناديل المعطرة لما تغفل عيني عليه
3/ عندو اللعاب متل مكعبات وسيارات كبيرة وبرموت بصوت وعندو سيارات بركب عليها بس شغلتو ساعة زمن يلعب عليها وبعدين بدور على شي يلعب فيه
4/ بفتح الجوارير التسريحة وبطلع كل شي فيها وبخرب فيها ،، حتى بعض الجوارير شلت ايديها مشان مايعرف يفتحها ومش خالصة معو
5/ عندو اسلوب العض كتير بيجي يعضنا انا وابوه بسبب او غير سبب وبصراحة خايفة ع اختو من هالقصة
6/ لما اقعد ارضع اختو بصير يضربها ع راسها وبقعد انا احميها بيدي
7/ بفتح خزن المطبخ عندي وانا للاسف شقتي بعاني منها (جديد) من الصراصير وحاطه بودرة تبيد الصراصير وخايفة عليه من هالشي
8/ لما مايلاقي شي يلعب فيه بصير يضرب بشاشة الاب توب او يمسكو ويزتو وياما الاب وقع واكل وقعات والله يستر مايوم من الايام يخربو
9/ لما ابوه يقوم من مكان اللي هو جالس فيه وبكون قدامو الارجيلة والاب توب بجري بسرعة مشان يمسك الارجيلة مشان يارجل وكمان بفتح خزانة المطبخ لاجل هالشي
10 / بنام بالنص بيني وبين ابوه وكل ما نحطو بفراشو بقوم بعد فترة وبيجي عندي على السرير وينام بس مابقدر وقتها ارجعو تاني (عاملة عملية قيصرية) ومش ممكن اصحي ابوه كل شوي والثاني مشان يوديه فراشه
11/ لما بدو شي ونوخدو منو او مانعطيه ياه بصير يصرخ ويرمي حالو ع الارض
12/ مابحكي شي غير ماما وبابا في اطفال بسنهم بحكي مبو (ماء) ، ليب (حليب) وكلمات بسيطة وابني مابحكيها
حاولت معو اسلوب الحكي ماجاب نتيجة وبحسو مابفهمني او مابدو يفهمني وبكون كمان بعمل الشي اللي بدي فهمو اياه انو غلط وانا بحكي معو
حاولت معو اسلوب الصراخ كمان بقعد يضحك وكاني بلاعب فيه
قالولي ما الك غير تطنشيه وهو بمل وبترك الشي لحالو
بس قولولي كيف بدي طنش في اشياء خطيرة مثل الكهرباء اللي بلعب فيها ومثل الارجيلة والجزاز ومثل الخزن اللي في المطبخ وبودرة الصراصير ومثل العض والاب توب
بصراحة تعبت ومش ملاقية اسلوب اتعامل فيه معاه
ياريت حدا يفيدني بكون ممنونة الها كتير
اح ـترامي

/