كرهتو بسبب اهانتو ليا

[نهآل]

السلام عليكم

كيف حالكم اخواتي انشاء الله تكونو تمام وبأحسن حآل ..

حابه تساعدوني بمشكلتي

طبعا هيا بديت من يوم الاثنين دا الاسبوع

كان عندي خرجه واحنا في الطريق قلت لزوجي وقف عند محل حلى عشان ماني حابه اروح للحرمه يدي فاضيه قلي طيب وراح للمحل ونزل واخدلي حلى لما جا السياره قلتلو معاك فلوس ولا اعطيك قلي دحين اطلعها من عيونك سكت قلي يالله هاتي الفلوس قلتلو مي معايا في البيت قلي كذابه قلي خلاص نبطل الشغله كلها ونرجع البيت خلاص امس خرجتي مو لازم كل يوم تخرجي قلتلو انتا طيب كل يوم تطلع لما يكونو اصحابك موجودين قلي انتي خليتيني على راحتي قاعدتلي عالسني وعالخرجات وكل شي هوا صح انا كنت زمان اقعدلو زمان بس دحين لا مخليتو على راحتو حتى سرت انا من نفسي اجي اقلو اطلع المهم قلي يالله طلعي الفلوس انا عصبت لما لاحظت انو من جدو قلتلو خد بذلني على 60 خد الله لايذلنا ورميت الفلوس عليه وانا اطلع الفلوس من محفظتي طاحت غطوتي قلي غطي وجهك قلتلو اصبر اطلع الفلوس قلي غطي لا بالمداس يامعفنه المهم نزل جاب الحلى ومشينا يوم وصلنا نزل معايا ينزل الكيس المهم وانا داخله سحبتو من يدو بقوه
خلصت العزيمه وجا اخذني وقلي شوفي لو تعيدي حركتك هذي مره ثانيه احط رجلي في فمك وانا طنشتو مارديت عليه وثاني يوم فرشت في الارض ما ابغا انام جمبو قلي نومي الولد عالسرير مقامو مو تحت ولو صحيت ولقيتو نايم تحت ادعس على فمك كلامو كلو زي كذا اهانات المهم انا عصبت عليه وقتها وقلتلو انا ماني زباله عشان كل شويه تقلي رجولي في فمك وادعس على وجك خلاص انا بروح لاهلي طلقني خلاص معد ابغاك انا اتحملت كثير منك قلي انقلعي لوحدك قصدو لاتاخدي الولد وثاني يوم حسيتو رجع عادي بيهرج معايا ولا كانو سار شي بس انا ماني مديتو وجه انفذلو طلباتو وبس
ماني قادره اقرب منو او اتكلم معاه وكانو ماسار شي لانو من جد احس باهانه من كلامو والي مستغربه منو انو فجأه قلب عليا وجلس يقلي فلوسي فلوسي اول مره تطلع من زوجي وسرت اشك انو يكلملو وحده بس ما لاحظت عليه حركات غريبه يعني شكي مو في محلو والله خلاص راسي بنفجر من كثر مافكر ايش سبب تصرفاتو
الله يخليكم ساعدوني وقولولي كيف اتصرف معاه والله نفسي اشكي لامي بس هيا كمان يكفيها مشاكلها مع ابويا اروح انا ازيدها

[ام وليدان]

الله يكون في العون حبيبتي الشكوى لله سبحانه

قعدي معاه وصارحيه بهدوء شوفي شنو مزعله ويخليه يقول هالكلام وقوليله عيب تتكلم معاي بهالطريقه ولاتقولي طلقني
استهدي بالله وماراح يصير الا الخير ان شاء الله
ادعيله بالهدايه

[نهآل]

والله من القهر قلتها يا اختي خلاص من جد معد اتحمل

ايوه انشاء الله نقعد نتفاهم ونخلص والله يهديه يارب

اشكرك من كل قلبي على ردك حبيبتي

[لازلت اشتاق]

بدي افهم شي منك انتي تصرفي علي نفسك ولاشو لانك تقولي اخذ منك حق الحلا. الشي الثاني الرجاااال ماينعطون وجه لاتكلميه بهداوه ولاشي اذا عادها لاتسكتيله الطاعه بالمعروف والانسان كرامه ماهو شحم ولحم انتبهي اختي لاتسكتي اول ماتحسي بالاهانه لاتسمحيله ابدا مو بالصراخ لاتعلي صوتك مثلا قالك وانتي بكرامه طبعا بحط رجلي بفمك قوليله نعم ايش تقول انت مجنون شكلك ليه تسب عيب عليك ذا الكلام انا ماسمحلك تسبني ولا تغلط علي انت ماجبتني من الشارع علشان كذا اعديلك الموضوع عادي لاتسكتي انصحك

[nourkam]

زوجك لازملو رقية فيه حاجة دايرة بيه استغفري وارقيلو خفية

[العليا]

اختي انا اقول انج تيلسين معاه و اطيبين خاطره ترا الكلمه الطيبه و حنان الزوجه يحسس الزوج بالاهتمام

حتى لو كلامه مثل ما قلتي كله اهانات انتي سوي معاه باصلج صدقيني بيستحي من نفسه

ممممم ادلعي له و هاتي له بين فتره و الثانيه هديه طرشي له مسجات كلام حلو مممم لا تعطينه وقت يفكر بغيرج يعني دايم خليج بحياتج في كل الاوقات و كل شي يحبه سويه و حاولي اذا هو شد انتي ترخين

ترا الريايل نثل الاطفال يبالهم حب و دلع و اهتمام و صبر

[dr.loly]

لاحول ولاقوة الا بالله العلي العظيم
ربي يهديه ا ن شاء الله عن هالكلام
اهم شئ الاحترام بين الزوجين وبعدين مفروض قلتيله فلوسناا واحد

[ام نرجوسه]

يا اختي ربي يعينك انا بجد زعلت عليك بس يا اختي لكل شيء حد والمفروض ما نتخطاه وإذا تخطينى هالحد رح تكون كل اﻷمور ضدنا هذه هي الحياة وهذا قانونها
انا اقصد بكلامي هذا ان حتى لغضب الزوج من زوجته حد يجب ان لا يتعداه. ولو تعداه وانتي سمحتي له وما وقفتيه رح يتمادى وهالتمادي رح يمسح كرامتك ورح يهينك ويخليك ملطشة مو بس لزوجك لزوجك واولادك وكل شخص بيشوفك راضية إهانة نفسك
انا ما أحرضك على شيء غلط بس لازم تاخذي موقف والا اصبحت الحياة بينكم بلا حياء ايش رجلي في فمك وما عرف ايش ايش هالكلام وبعدين كيف تصرفي من عندك حق طلعاتك عليه هوومصاريف بيتك ومصاريفك الشخصية كلها علبه مو مشكلة لو في يوم شاركتي من عندك بس هذا إستثناء لقاعدة وهيه ان مصاريف الزوجة كلها على الزوج
لازم يتعلم ازواجنا احترامنا فننا بشر نحس وخاصة لما تكون الزوجة بتعمل كل ما في وسعها لتقوم بواجبات اسرتها
اختي خليك اقوى ووقفيه عند حده بالحسنى ﻹن من هانت عليه نفسه كانت على الناس اهون وصدقيني دفاعك عن كرامتك رح يخلي زوجك يحبك ويحترمك ويخاف ليفقدك لو استمر على طبعه ورح يتغير بإذن الله
موفقة

[أسيرة زوجي]

حبيبتي الظاهر ما فيه شغلة مرأة ثانية في حياته
زوجك طبعه كذا و لازم تتفاهموا بالهداوة
لا تخليه يعصب عليك عشان ما يهينك

و خليه لا تكلميه لما يعصبك و اكيد راح يرجع ثاني
و لا تفكري مرة ثانية في الطلاق لأنه مانو حل

[تخاريف]

شوفي حبيبتي انا اشوف ان زوجك انعطى وجه ولا مستحيل يتمادى ويتجرا ويقول جزمتي بفمك ، انتي حاولي تضعي حد لهذا الموضوع بأي طريقه وحتى لو توصليها لأهلك اذا شفتيه استمر على الفاظه وتصرفاته
وعوديه هو اللي يصرف مو انتي
الله يغير حالكم للاحسن وادعي واستغفري كثيييييير لا اوصيك والله يهديه ويصلحه لك يارب