انا بكريه وش اسوي ساعدوني قبل الولاده

[Reemi]

سلام عليكم

بنات ما اعرف كيف ابدا

بس ما اخفي عليكم كابوس الولاده

صرت ما انام افكر فيه

احيان احط حرتي ب النوم غصب

عشان ما افكر فيه
والحين ابي اقول لكم وساعدوني

الولاده والخياطة بعد الولاده كيف تكون
وهل لازم افك الغرز والا تطيح من نفسها

وكم يوم وتنفك ؟ وش استخدم عشان اتجنب الشمم لان بنت خالي شمت عليها وتعبت

وهل الولادة اذا دخلت التاسع مباشره والا لازم اخلصه

بنات انا للحين ما جهزت للبيبي
ولا حتى مشيت فالممشى ماباقي الايومين وادخل الثامن

كل ما جيت امشي والا اروح للسوق اخذ الاغراض احس بخوف اني اولد
واتراجع

وش اللي مهم اخذه للبيبي
وش الاشياء اللي اخذها لي انا من لبس وكل شي
وش اللي اجهزه ب شنطه اللي اروح بها للمستشفى
اللي عندها خبره وسبق وجهزت تساعدني

بنات انا بكريه وما عندي خلفيه
ساعدوني تكفون

الله يسخر لكم ملائكة الارض والسماء
تكفون ساعدوني وردوا علي
وقولوا لي وش اسوي وريحوا بالي
الله يسعد قلب كل من ترد علي

وربي ما انساها من دعائي اذا صليت الوتر

[توته الجهني]

اول حاجه السلام عليكم ورحمة الله وبركاته
حبيبتي لا تخافي ولا حاجه كلنا نخاف من الولاده انا زيك بكريه وولدت والحمدلله ولدي عمره سنه وشهرين الان
اول حاجه لا تفكري في الولاده ولا تسمعي تجارب احد كل وحده تفرق عن الثانيه
لان كل ما سمعتي من احد او فكرتي راح تخافي اكثر وتصعبي الامور عليكي
ان شاء الله بيسهل عليكي في ولادتك وتكون طبيعيه
طبعن الخياطه المفروض تطيح لوحدها انتي ما تفكيهااا انا طحت من لوحدهاا وحتي ما شفتهاا
على كلام دكتورتي الخياطه تجلس من 3الى6 اسابيع ويمكن تطيح قبل
اللي دايم نسمعه انو البكريه دايم تولد نهاية التاسع بس انا ولدت بدايته وبرضو يختلف من وحده للثانيه
اممم اغراض البيبي ربي يجيبه لك بسلامه لازم تنزلي تخديهااا وخدي المهم منهااا عشان ما تتعبي
زي الملابس اللي بتلبسيه له في المستشفي ولا تقل عن 3 غيرات او اكثر
اللي هيا بربتوز داخليه وخارجيه كوافيل الصدريات ،الشراريب <<وانتي بتشتري ملابس البيبي انتبهي للجو كيف هيكون في موعد ولادته بارد او حار >>
الرضاعات ويفضل زجاج ،اللهايه او المصاصه
مناديل الاطفال المبلله والحفايض
انصحك انك ما تكثري من ملابس البيبي لانو طول فترت الاربعين راح يكون في اللفة محد راح يشوفه ويكبر بسرعه غير الهدايه اللي راح تجيكي
بنسبه ليكي راح تحتاجي <<فوض .ملابس داخليه مناسبه لك من قماش ،ارواب الرضاعة اللي تجي بفتحه من عند الصدر او العديه ما انصحك تاخدي قماش حرير عشان الحرير حار جدا وانتي راح تكوني اغلب وقتك جالسه على السرير ،مزيل عرق ،مشط للشعر،
ان شاآ الله اكون افدتك بشيء وباقي البنات ان شاء الله ما راح يقصرووو
ربي يقومك بالف سلامه وتشوفي البيبي بصحه وعافيه يارب

[ام مريم ورحمة]

احب اكملك شوية نواقص شوفي خدي معك شاور جل عشان تتحممي بعد الولادة وفوطة كبيرة لكي وسحابة تلبسيها في رجليك في المستشفى وربطات شعر وشيلتين او تلاتة قطن عشان تبدلي فيهم في المستشفى وتدفي راسك كويس وبنطلونات قطن تلبسيهم تحت الملابس انتي راح تكوني نفساء لازم تتدفي كويس وخدي معك مهاد للبيبي وطاقية للراس والكفوف لو بتولدي في الشتاء وخلي اهلك يجيبو لك مطارة فيها يانسون محلى بالعسل تشربي منها بعد الولادة طول اليوم بتريح بطنك وتقلل المغص وتخلي طعم حليب الصدر افضل للبيبي ويفتح نفسه للرضاعة عن تجربة وان شاء الله امورك ميسرة بفضل الله لا تخافي كل الحريم تولد وتحمل تاني هذي سنة الله في الحريم الولادة تساهيل من الله واللي ربي كاتبه بنشوفه وهو اللطيف يلطف بيكي وبينا ولا تقري او تسمعي اي قصص ولادة اياكي ثم اياكي ماراح تستفيدي الا الرعب وبس اللي تعمليه انك تمشي وتعملي رياضة الحوامل في البيت موجودة على الانترنت واليوتيوب عشان عضلاتك تقوى وتقدري على مجهود الولادة واخراج البيبي وكمان عشان البيبي ينزل الحوض بسرعة وما تتعبي في الولادة وكل مخلوق بييجي الدنيا في وقت الله محدده سواء كنتي جالسة او بتمشي فوضي امرك لله

[وردة ابريل]

الله يسهل عليك وعلي وعلى كل وحده حامل

شعور الامومه حلو واول مره اجربه بين فرحه وخوف من المسؤليه

انا بالخامس الحين

رتبت بورقه ايش احتاج من اعشاب ( قرفه _ قرنفل _يانسون _ حلبه _حبه سوداء + رشاد + مره + زنجبيل )

نفاس عشان اذا دخلت 8 اجيبها واخلطهم برطمان زجاجي ماعدا الزنجبيل والمره

الزنجبيل بستخدمه مع الحليب لانه يدفي الجسم وقت الولاده

المره تستخدم اذا خايفه من الشمم بعلبة ماء تحطي قطعه وتشربيها على فترات

*************

بستخدم غسول لتضيق بس بعد 20 يوم من النفاس

( مره +ملح خشن + قرض + قشر الرمان & تغلى ثم تستخدم كوب واحد للجلوس فيها تعمل ع شد المنطقه )

*************

جهزت رطب وحطيته بالفريزر اول مادخل الشهر التاسع اطلعه واكل منه لتسهيل الولاده

************

بالشهر 8 بشتري معجون تمر وبخلطه مع الحبه السوداء ورشاد وزيت زيتون ( يدر الحليب وحلو للامساك )


***********

بالشهر 8 بجهز ملابس ولادتي بشتري ارواب استقبال + روب وبجامه قطني وقت الولاده مع الشراريب والملابس الداخليه + الفوطه لو تروشت بالمستشفى

وبجهز شنطتي ( فوط صحيه + مشط + مزيل عرق + شامبو وبلسم شعر )

بجهز شنطة البيبي *_*

**********

حالياً هاذا الافكار اللي برأسي

لاني بكريه واحاول ارتب اموري قبل الزحمه واللخبطه

[زهرة البنفسج ّ]

البنات الله يجزاهم خير كفؤ ووفو

[ام وليد2005]

ما شاء الله البنات كفوا ووفوا
اتمنى للجميع ولادة سهلة
آميييييييييييين

[اخت عبدالرحمن]

الله يسهل لك انا شاء الله وتقومين بالسلامه

لا تخافين وتربطين نفسك بتجارب الغير عليك بالدعاء

والولاده باجيك فجاه اهم شي انتي جهزي نفسك وجهزي اغراض البيبي

والمشي عادي م يجيب الولاده دام امورك تمام

[يآ أرحم الرآحمين]

سامحيني حبيبتي ما عرفت شنو هو الشمم؟؟

وش اللي مهم اخذه للبيبي
خذيله 3 غيارات و ملابس داخلية -- طاقية - الحفاظات على حسب وين حتولدي على حساب المستشفى ولا على حسابك -- بطانية أو معطف خاص بالرضع تلفي ابنك فيه وقت الخروج من المستفى
وش الاشياء اللي اخذها لي انا من لبس وكل شي
خدي بيجامات للنوم عدد 3 و ملابس داخلية و فوط صحية و بانتووف تلبسيها برجلك -
اللي عندها خبره وسبق وجهزت تساعدني

اذا اتذكرت شي ثاني ارجع اكتبولك

[light...]

الله يسهلك وللجميع أختي ويجعلها لك ميسرة ويقويك
دايم لما تخطر ببالي فكرة الخوف من الولادة أتذكر إنها سنة حياة وإن في أمهات من أعمار صغيرة واللي قدّرهن يتحملوا ويرجعوا مبتسمين بالدنيا ناسين الهموم وينجبوا عدد من الأبناء
بيرجعنا مثلهم ويسهل علينا كمان ^^ هذه إحدى التكوينات والمهام التي خلقها الله للأنثى
توكلي على الله وأكثري الدعاء وبالتاسع خذيلك تمر يوميا ولاتنسي العسل هذي عن تجربة لأختي لأن أنا بكرية مثلك ^^

وأشكرك على طرح الموضوع اللي رح يفيدنا وأشكر اخواتي على سطر خبراتهن جزاهن الله خير