بنات كلنا نعيش مشاكل بالحياه ادخلي وفضفضي وقولي لنا مشكلتك

[حنونه]

اولا" بل مااكتب موضوعي عفوا على الموضوع المحزن
بس ابي نكون مع بعض بالسر والضر

من منطلق قوله تعالى <خلق الانسان في كبد>
من منا لايعيش في كبدوضيق وحزن
الكل الكل الكل
يعيش مشاكل وضروف ووووو
والذي يقول انني سعيد فاوالله انه يكذب فمن اصدق قولا من الله
خلق الانسان في كبد
من هالباب كل وحده تدخل تقول 000
1-شنو المشكله اللي تعيشها الحين ؟
2-هل مريتي بمشكله لما كانتي صغيره واثرت على حياتك لم كبرتي؟
3-مشكله عشتيها وكانت قاسيه ونهايتها سعيد؟
4-مشكله مازلت وحلها صعب؟
5-اصعب مشكله مرت عليك؟
يعني مشاكل ضروف نكد حزن تعب مرض
اي شي من نكد هالحياه حتى نفضفض لبعض ونعيش نطمئن بعض ونوسي بعض
انتظركم0000

[sweet moon]

موضوع مرره حلو

وماشالله عليك ياحنونه كل مواضيعك حلوه وهادفه

بالنسبه لي

نفسي ارضي امي ومازعلها

بس مشكلتها الله يهديها عصبيه من الدرجه الاولى

ودايم تنتقدني على الصغيره والكبيره

ورغم كل اللي اسويه تظل مو راضيه او تصرخ

واللي قهرني وحز بخاطري وخلاني ابكي من قلب

ان مره سمعتها تقول لصديقتها

اني اخر وحده من عيالها وبناتها بالمحبه

الله يسامحها ,, ويعيني على برها

[حبيبت حمود]

انا بدت مشاكلي من بعد ماسكنت ام زوجي معايه وانا توني خارجه من النفاس قعدت معايه بس سته شهور وحياتي الحين لها سنه ونص ماني قادره انظمها ورجعها زي اول سنه تزوجت فيها لانه في ترسبات فى قلبي وفى قلب زوجي على انه الحب موجود بس اتوقع الحب لوحده مايكفي.

[حنونه]

مشكوره ومانور مواضيعي الا انتي وشموسه وكل اللي يدخل---
لا حرام ياسويت
لايمكن ماسمعتي زين
لالالالا اكيد هي بتحبك بس بالفتره الي قالت لصدقتها يمكن هي زعله عليك وزلت لسان اعذريها
امك وتسعى لمصلحتك
انا احب امي قوه بس احيانا تجرحني جرح كبير ياثر فيني لحد ماكبرت

[sweet moon]

انا احبها واسعى لرضاها فوق ماتتصوري

بس لاتفهميني غلط

من صغري مجروحه منها ,,, بس احاول انسى لانها أم ولازم ابر فيها

ورضا الله من رضا الوالدين

وللحين وانا كبيره يظل في شي حاز بخاطري منها

لكن رغم هاذا كل احبها وابكي اذا مرضت او صار لها شي

الله لايحرمني منها ,,,

[حنونه]

ماشك بحبك لاامك
شوفي حبيبتي انا مشكلتي مع ابوي
من دخل رمضان وانا اتصل ابي ابارك له بالشهر وابي اخذ منه موعد حتى ازوره
مايرد لادرجه انه يرد على زوجي ولا يرد علي
ابد مازعل من شي وانا متاكده
بس طبعه غريب جدا ماتتصورين لو قلت لك

[sweet moon]

عندنا وعندك خير

[حنونه]

حتى ابـــــــــــوك

[sweet moon]

لا ابوي الله يحفظه ولا يحرمني منه

مو مقصر معانا بشي

فيه حنان وطيبه الدنيا ,, حبوب وطيوب

ومسالم وهادي ومستحيل يجرح او يزعل احد

قلبه ابيض الله يخليه لنا

بس امي هي اللي شويه عصبيه

ودايم صراخ وتنتقد الصغيره والكبيره

الله يهديها ,,, ولايحرمنا منها :)

[rose]

اييييييييييه ياحنونة الشكوى لغير الله مذذذذذذذذذذذلة
كل اللي اقدر اقوله
ما اروع مناجاة سيدنا يعقوب لربه وهذا اللي بقوله خصوصا بهالفترة

شوفوا عظمة هالاية بسورة يووووووسف


قال بل سولت لكم انفسكم امرا فصبر جميل عسى الله ان ياتيني بهم جميعا انه هو العليم الحكيم

وتولى عنهم وقال يأسفي على يوسف وابيضت عيناه من الحزن فهو كظيم
قالوا تالله تفتؤا تذكر يوسف حتى تكون حرضا او تكون من الهلكين
قال انما اشكو بثي وحزني الى الله واعلم من الله مالاتعلمون