بععد الكلوميد + تحاليل زوجي !

[قوتشي]

××



السلام عليكم


صبايا قدر الله وماشاء فعل الشهر الي فات أول شهر أستخدم فيه الكلوميد حبه صباحا وحبه مساء مدة خمس أيام لاحظت ع الدوره وقتها إن كميتها زادت وظلت مستمره 5 ايام بعد ما كانت كم شهر قبلها ماتنزل الا بالقطاره يومين ثلاث وتنقطع وانا بالأساس 8 أيام المهم رحت كشفت باليوم الـ 13 من بداية الدوره طلع فيه كم بويضه باليمين والشمال بس أحجامهم 10 ملم يعني ما تكفي أما هرمون الحليب كان مرتفع شوي استخدمت قبل الكلوميد حبوب الدوستنكس مدة شهر بس ماكشفت اذا رجع طبيعي بس ان شالله انه ماعليا خلاف لأن ارتفاعها كان بسييط ما يأثر ,

طبعا من الأساس دورتي مو منتظمه وهي عارض لضعف التبويض عندي بس الي محبطني
ان زوجي عمل تحاليل حيوانات منويه للمره الثانيه طلع كل شي تمام ما عدا عددها قليل
حوالي 13 مليون حيوان منوي مع ان المره الأولى كانت كويسه مره طبعا أول ما وريتها الدكتوره قالت مستحيل تحملين قليلة جدا أقل شي لازم 20 مليون حيوان منوي زوجي الحين يستخدم خلطة لقاح النخل مع العسل والحبة السودا ملعقه صغيره صباحا وانا استخدمها معاه هالشهر تتوقعون نتائجها سريعه ومفيده لصغر البويضات عندي كمان انا ؟ لأن أعرف انها ممتازه لزوجي ان شاءالله ,

سؤالي :

_ الآن انا في اليوم 25 من بداية الدوره هل أرجع أتابع بالسونار ممكن تكبر البويضه
أكثر من أول مره ويصير تبويض متأخر ؟

_ هل ممكن يصير حمل بإرادة الله وزوجي حيواناته المنويه 13 مليون بس من
قد سمعت أحد صار له كذا ؟

_ هل الكلوميد تأثيرها يستمر ؟

قولوا لي أي شي ممكن يفيدني ويريحني ..
أنا خلاص تعبت من كثر التفكير حتى تأثرت حياتي قاطعت كل الناس من قريب ومن بعيد لأجل ما أسمع كلمة تجرحني رغم ان كل الي حولي يقولون حظك تهني لاحقه بدري يعني مححد قد جرحني بس انا شديدة الحذر ما سرت أكلم أحد عشان ما يسألون فيه شي بالطريق حملتي أو لا ؟! كل الي تزوجوا بعدي بسنه وسنتين صاروا عيالهم يراكضون بسم الله عليهم *

مهما حاولت أسلي نفسي لا بد يعكر صفوي هالتفكير =(
أنا ما عاد أبي شي غير طفل يسليني بعدها تبتسم لي الحياه من جديد
وأرجع اجتماعيه زي قبل أهملت نفسي شوي لأني كل شهر أقول يمكن أكون حامل ما راح أصبغ ما راح أسوي ما راح أمارس الرياضات الي كنت أمارسها بالأخير أطلع مش حامل حتى أهلي صرت أستحي أتواصل معاهم من غير ما أزف لهم بشرى إني حامل لأنهم يستنون إشاره مني !

الحمدلله ع كل حال
صبرا جميل والله المستعان
يارحيم ارحمني =(

[ثقتي بربي تغمرني]

الله يشفيك ويشفي زوجك ويرزقكم الذريه الصالحه

[مشتاقه لأحبابي]

أنا نفس وضعك تحليل زوجي اول كويس والآن نزل الى 5 مليون

ومو عارفه أيش اعمل ربنا كريم

[Orchid109]

حبيبتي ماينفع تحليل الحين خليها على الدورة الجاية ان شاء الله
وان شاء الله ماتحتاجي للمنشطات وتكوني حامل
قادر ياكريم

بالنسبة لزوجك حبيبتي الدكتورة هذي تقولك مستحيل وانا مادري على اي اساس قالت هالكلام !
اللي اعرفه واللي اكده لي طبيب
انو لو نزل عن 5 مليون مستحيل الحمل وحتى اطفال الانابيب ماينفع معاه !

ابد حبيبتي زوجك عنده ضعف بس موووو لدرجة انو مستحيل الحمل !
يمكن الدكتورة تقصد انو مستحيل تحملي طبيعي قصدها انو تلجأو لأطفال الأنابيب
عموماً حبيبتي انتي خليك معانا واخذي البردقوش والميرمية من ثاني يوم للدورة لحد اليوم العاشر وفالك الحمل ان شاء الله وكمان الفوليك اسد واخذي انتي وزوجك فيتامين(e) مرة ممتاز للخصوبة عند الزوج وزوجته

وماتدري حبيبتي هذي كلها اسباب وكل شي بيد الله
بالتوفيق ~

[Orchid109]

نسيت لاقولوك خلطة العسل مرة ممتازة خلي زوجك يستمر عليها وان شاء الله ربي يشفيه

[LOUBI]

اولا اذا دورتك مششششش منتظمة معناه ان التبويض ممكن جدااااااااا يكون متأخر يعني ممكن يكون في نهاية الدورة ..و ماااا عندو وقت محدد و هذه هي الدورة الملخبطة يصعب جداااا تحديد يوم تبويض ثابت .
و ثاني شي بالنسبة لزوجك ربنا كريم و اكيييييييد ممكن جدااا تحملي بهذا العدد خلي ثقتك بربنا وحده هو الوهاب اذا اراد لك ذلك مافي شي راح يمنعو .. و كمان 13 مليون مششش وحش كتييير و ممكن بارادة الله انو حيوان واحد يوصل للبويضة و يلقحها ..
طيب ..المشكلة الحين مش في حيوانات زوجك بس كمان في البويضات ..يعني العائق عندكم الاتنين ..و لذلك توكلي على ربنا و تعالجو الاتنين و ان شاء الله ربنا يكرمكم بالخلف الصالح يا رب .

[راية]

اختي حالتك قريبة من حالتي بس انت احسن قولي الحمدلله ان المشكلة في العدد بس لان اهم شي الحركة وانت قلتي كلو تمام الحمدلله وانا قريت كتير تجارب نسوان يحملو والعدداقل من هيك ربنا رحيم الحمدلله...شوفي حالتي انا اقل منك بس دايما عندي امل حتى والحيوانات المنوية قليلة وحركتها ضعيفة جدا وانا عندي ضعف تبويض انو ربي امتى ما يكتب لنا رح نحمل بإذنالله...الله يرزقك ويرزقنا

[عاشقة الأمل]

مافي شيء مستحيل عند رب العباد
كثري من الدعاء وتبعي الخلطة وبإذن الله تحملين قريبا
لأنه يام حالات قالولهم مافي أمل وحملو في نفس الشهر وكلي أمرك لله وإعملي يلي عليك وبيصير خير