مشكلة القلب بعد الولادة .. لكل من عانت ارجو المشاركه

[أشـواق]

السلام عليكم
حبيباتي انا حاليا في فترة النفاس ولدت قبل 10 ايام تقريبا و لادة طبيعيه و لله الحمد .. بعد خروجي من المستشفى حسيت بتورم في رجولي و اهلي قالوا لي طبيعي و كنت ارفعها طول ما انا جالسه ... المشكله من كم يوم حسيت بضيق بالنفس وخاصه لما اصعد الدرج و صرت اصحى من النوم مخنوقه بعض الاحيان .. كنت فاهمه انها ربو مع اني عمري ما عانيت من مشاكل بالتنفس من قبل ..
المهم رحت المستشفى عملوا لي تخطيط للقلب و اشعه وتحاليل .. للاسف صدمني الدكتور لما قال المشكله ((( تضخم في القلب ))) والله انهرت و اسودت الدنيا بعيني .. عمري ما عانيت من اي مشكله في القلب الحمدلله و طول فترة حملي كانت الامور جيده ..
والله ذبحني الوسواس و الدكتور كان يبي ينومني بالمستشفى بس رفضت لاني نفسياا اكره جو المستشفيات وعندي ولدي يرضع ماقدر اخليه ... امي تقول الضيقه و تورم الرجل شي طبيعي في النفاس و اني محتاجه راحه و فعلا انا اليوم كنت مريحه وما حسيت باي مجهود الحمدلله..

بليز الي مرت بتجربه مشابهه او عندها علم بالموضوع لا تبخل .. الله يكتب السلامه للجميع

[توت ياعسل]

الله يعطيك الصحه والعافيه حياتي
الله يحميك من كل مكروه ويحفظك لولدك بأذن الله
كل شيء بأمر الله حياتي توكلي على الله فهو خير الحافظين
اتوقع المشكله عندك من زمان بس للتو ظهرت بعد تعب الحمل وأرهاق الولاده
فا أنصحك تتابعين في المستشفى ولاتهملين نفسك أبداً
والله العايله عندنا لديها تاريخ في أمراض القلب
نصيحتي لاتهملين أي مراجعه لك والله يشفيك ياقلبي

[أشـواق]

بارك الله فيك اختي و جزاك كل خير على دعواتك الطيبه
الغريب اني عرضت اشعتي وفحوصاتي اليوم على دكتور ثاني و قال ان الفحوصات سليمه و لله الحمد و انزيمات القلب كلها سليمه
وان مو مبين معاه ان في تضخم بالاشعه .. و التورم الي يصير طبيعي بعد الولاده و قال ان 30% من النساء ممكن تتجمع السوائل في القلب مثل الرجل واليد واي عضو ثاني و انها مساله وقت و تروح من نفسها .. و نصحني اسوي سونار للقلب لزيادة الاطمئنان بس
عموما انا عندي موعد مع دكتورتي الي ولدتني بكره و راح اسالها و اخذ رايها بعد بالموضوع

شكرا لاهتمامك و ارجو منكم الدعاء

[ام اسكندر]

ماعمري سمعت بكذا
بس راجعي اكثر من دكتور والتزمي بتعاليمهم وادويتهمم

وربي يشفيكي يارب

[انت لي وبس]

ربي يكون بعونك وان شاء الله تكوني طيبه بس دام الدكتور الثاني قال مافي شي تطمني وروحي لغيره وان شاء الله خير

[smsma333]

حبيبتي سوي ايكو للقلب هو اللي يبين اذا فيه تضخم ولا لا وروحي لطبيب شاطر حسب المنطقه اللي انتي فيها اسالي
وتضخم القلب مش مرض بحد ذاته هو عرض معناه انه في شي متعب قلبك ومخليه يبذل مجهود اكبر مما يتحمله عشان كذا يتضخم
فاذا فيه تضخم لازم تعرفين السبب وتعالجينه
وان شاء الله مافيك الا العافيه والله يشفيك ويعافيك

[أشـواق]

ابشركم اخذت موعد مع افضل طبيب قلب متخصص مدحولي اياه .. صحيح الموعد بعد اسبوع تقريبا بسبب الضغط على العياده .. بس انا متفائله و ان شاءالله اقولكم الي يصير

[متى اكون ام]

الله يشفيك حبيبتي شوفي الغده انا كان يمكن عندط فرررط نشااط لانها بتاثر ع دقات القلب

[جرح البعاد]

الله يطمن قلبك ويسلمك ويبعد عنك كل شر ويحفظك لاهلك وزوجك واولادك وكل من يحبوك

طمنينا عليك يالغاليه وماتشوفين شر