السلام عليكم ورحمة الله وبركاته
كيفكم يا احلى اخوات
حبيت انكم تشاركوني لنجد حل لانسانة عزيزة على قلبي
((القصة ))قبل سنة تقريبا كانت قاعدة ع اللاب وكان زوجها ناسي ايميلو مفتوح وجاها الفضول انها تشوف ايش فيه (علما انها ماكانت تشك بزوجها ولا واحد بالمية )ولقت فيه ايميلات بنات وفي الفلاش تبعو شافت بلاوي مقاطع وصور العياذ بالله منها واجهت زوجها ونكر انو يعرف بنات وما يعرف الايميلات ولا كيف جات عندو اما الفلاش سحبو من يدها بالقوة ودخل الغرفة وقفل الباب على نفسو وبعد شويتين خرج واداها الفلاش وقال وريني ايش فيه مضايقك(طبعا الافندي مسحها) وقال والله انت عندك حالة نفسية ويتهيئلك اشياء مو موجدة وهي انقهرت لانو حلف بالله ايمان انومافي اي شي وانها تتخيل(هي ورتني البلاوي بس ما تبغى تجيب سيرتي عشان لا تعمل ليا مشاكل مع زوجي) والله يابنات الدمعة بعيونها والحرقة بقلبها وما عندها احد تشكيلو غيري هي مشت وعدت عشان اولادها وتعدل معاها الفترة الاخيرة بس خرجاتو زايدة ودايما الحجج جاهزة عشان الرزق وصاحبي مدري ايش فيه المهم قبل يومين البنت فتحت ايميل زوجها (وتقول والله ماجا في بالي افتش ولا ادور بس كانت مقدمة على وظيفة بايميل زوجها)ولقت فيه زي اول ايميلات بنات بس مو نفسها يعني ماتاب فكرت بالطلاق لانها معد طايقة تشوفو ولا تسمع صوتو خاصة انها سألتو وانكر وقال اثبتي انهم بنات
(تقول والله تعبت وقرفت)والي مخليها تتردد بطلب الطلاق مبدأ اهلها الي تتطلق ترجع بطولها وتنسى اولادها وما تشوفهم الا كل فترة والله البنت محتارة ونفسيتها باااااااااد ومحطمة وفقدت ثقتها بنفسها خاصة مالها غير 4 سنين معاه ايش تعمل تتوكل على الله وتتطلق وبعدين لكل حادث حديث ولا تعيش بحرقة القلب وفقدان الثقة والدمار النفسي الي هيا فيه ؟؟؟؟؟؟؟؟؟؟؟؟
اتمنى انكم تساعدوها وماتخيبو املها والي ماعندها نصيحة مفيدة ترد بدعوة
واسفة على التطويل