الله يسعد ويهني كل الي يردو عليا ويفرج همها

[سكون الليل]

السلام عليكم ورحمة الله وبركاته
كيفكم يا احلى اخوات
حبيت انكم تشاركوني لنجد حل لانسانة عزيزة على قلبي
((القصة ))قبل سنة تقريبا كانت قاعدة ع اللاب وكان زوجها ناسي ايميلو مفتوح وجاها الفضول انها تشوف ايش فيه (علما انها ماكانت تشك بزوجها ولا واحد بالمية )ولقت فيه ايميلات بنات وفي الفلاش تبعو شافت بلاوي مقاطع وصور العياذ بالله منها واجهت زوجها ونكر انو يعرف بنات وما يعرف الايميلات ولا كيف جات عندو اما الفلاش سحبو من يدها بالقوة ودخل الغرفة وقفل الباب على نفسو وبعد شويتين خرج واداها الفلاش وقال وريني ايش فيه مضايقك(طبعا الافندي مسحها) وقال والله انت عندك حالة نفسية ويتهيئلك اشياء مو موجدة وهي انقهرت لانو حلف بالله ايمان انومافي اي شي وانها تتخيل(هي ورتني البلاوي بس ما تبغى تجيب سيرتي عشان لا تعمل ليا مشاكل مع زوجي) والله يابنات الدمعة بعيونها والحرقة بقلبها وما عندها احد تشكيلو غيري هي مشت وعدت عشان اولادها وتعدل معاها الفترة الاخيرة بس خرجاتو زايدة ودايما الحجج جاهزة عشان الرزق وصاحبي مدري ايش فيه المهم قبل يومين البنت فتحت ايميل زوجها (وتقول والله ماجا في بالي افتش ولا ادور بس كانت مقدمة على وظيفة بايميل زوجها)ولقت فيه زي اول ايميلات بنات بس مو نفسها يعني ماتاب فكرت بالطلاق لانها معد طايقة تشوفو ولا تسمع صوتو خاصة انها سألتو وانكر وقال اثبتي انهم بنات
(تقول والله تعبت وقرفت)والي مخليها تتردد بطلب الطلاق مبدأ اهلها الي تتطلق ترجع بطولها وتنسى اولادها وما تشوفهم الا كل فترة والله البنت محتارة ونفسيتها باااااااااد ومحطمة وفقدت ثقتها بنفسها خاصة مالها غير 4 سنين معاه ايش تعمل تتوكل على الله وتتطلق وبعدين لكل حادث حديث ولا تعيش بحرقة القلب وفقدان الثقة والدمار النفسي الي هيا فيه ؟؟؟؟؟؟؟؟؟؟؟؟

اتمنى انكم تساعدوها وماتخيبو املها والي ماعندها نصيحة مفيدة ترد بدعوة
واسفة على التطويل

[الجوووري]

الله يهديلها زوجها ويصلح حاله والله مافي يدي غير ادعيلها لان بصراحه حالي من حالها وصابره عشان بناتي بس خليها تداوم عالاستغفار والدعاء له وتستودع رب العالمين فيه بكل لحظه والله يفرج همها وهم كل مسلمه انه سميع مجيب الدعاءوالله يهديه لانفسه ولااولاده الي هم ضحيه مالها اي ذنب

حسبي الله ونعم الوكيل على بنات الحرام الي يخربون على الناس حياتهم

[أحلم في بنوتة]

حسبى الله على بنات الحرام وانا بقول تصبر وتحتسب الامر عند الله وتتزين لزوجها وتسمعو كلام حلو وتصبر لانى بعرف ناس كتير هيك الله يعينها ويصبرها وينتقم منهم بنات الحرام

[**سماسم**]

الله يكون بعونها غلط يالغاليه تترك بيتها وتشتت أولادها ..
الحل بيدينها بس يبغاله صبر وطولة بال ..
عليها أول شيء تدعي ربها أنه يهدي لها زوجها ويصخره لها ويبعد عنه درب الحرام .. وأنها تنسى إلي شافته وتفتح صفحه جديده وياه..
ثاني شيء لاشافته متواجد على الجهاز تشغله أما تقول أبي أجلس أتفرج أو أقراء معاك ..
تشغله بالعب مع الأولاد إذا كان عندها ..
تحسسه أنو أهو حياتها وماتتحمل تشوفه يتكلم أو يجلس مع إمراءه غيرها تلمح له من بعيد لبعيد ..
والله يخليلها زوجها وكره بدرب الحرام ..

[سموة الشوق]

الله يهديهم هالرجال


أنا رأيي من رأي سماسم

إصبري أختي واحتسبي الأجر وحاولي جاهدة أن تعينيه على نفسه الأمارة بالسوء

ولاتشتتي نفسك وعيالك

وصبريها خيتو

دامها صديقتك

وانصحيها إن تدعي له بقيام الليل إن ربي يصلحه ويسخر لها زوجها ويهديه

وخليها تشبع رغباته من الكلام الحلو واللبس وووووو

عشان مايشوف عيرها


والله يصلحه ويهديه ويسخره لها يارب

[عزيزة النفس]

الله يعينها ويصبرها والله حالتها صعبه كل يوم تشوف العذاب بعيونها
لكن الاصعب انها تبعد عن اطفالها وتنفصل عنهم وتعيش هم التفكير فيهم وهم طيبين او مريضين وتجلس تعد الساعات والايام الين وقت شوفتهم لو قارنا جلستها بطلاقها فجلسنها عنده ومع اطفالها اهون من الطلاق والبهذله اللي رح تعيشها
الطلاق رح يزيد معاناتها اكثر واكثر مالها الا تطنشه وتعتبره مو موجود بالبيت وتصير رسميه معاه علشان يعرف قيمتها وبينها وبين ربها الدعاء والاستغفار

[رهومة]

الله يكفينا ويكفيكم شر اولاد وبنات الحرام

ويبعدهم عن عيون ازواجنا وشباب المسلمين يااارب العالمين

تنصحة مرة واتنين وعشرة مافاد

تشتكي لأهلها مافاد تشتكي لأهل زوجها

بعد كدا في شي اسمة محاكم
الطلاق شي صعب جدا..

لاكن اظن لو قدرت تثبت عليه كل الى يسويه باوراق ومستندات ينحكم لها بحضانه الأطفال غصبن عنه وعن اهلها ويصرف على عيالها كماان لأنو شخص له علاقات بالحرام وغير سوى
وممكن المحكة تلزمة بأن يقيم لها بيت خاص وماله شغل بيها ابدا

ولله يكتب لى و لها الى فيه الخير والصلاح ولجميع المسلمين

[سكون الليل]

تسلمو يا حلى اخوات ما قصرتو الله يعينها ويعين كل وحدة ربي بدا الشي وقلت للبنت نصايحكم وقالت بتحاول بس مو متأكدة حتقدراو لا ووالله جلست تدعي لكل وحدة بان الله يحقق منى كل وحدة ويحميلها زوجها من بنات واولاد الحراااااام ويكون لها الوحدها ولا يحرق قلبها ولا يدوقها الي دتقتو من حرقة والم

[شمعة فؤادهـ]

زي ما قالوا البنات وربي ييسرلها ويسخرلها زوجها ويبعده عن الحرام
الله يكون بعونها ..

[Almasah]

تكلمه بهدوء
انها تبيه لها بروحها حتى لو كانت كرهته تقوله انها تحبه وتغار عليه
ماتقدر تشوفه مع غيرها ولا يكلم غيرها
الرجال اوقات مايسمع لزوجه لمن تصارخ وتقول انت وانت وانت
لكن يسمع لزوجه لمن تجيه بهدوء وتتكلم معاه
حتى لو تحتضنه وتقول اللي تبي بخاطرها
تقوله مابي البيت يتشتت

تذكره برب العباد

تدعي له بصلاة الليل ان ربي يغفر له