تجمع الحوامل اللاتي سيلدن بشهر رجب 1432

[الريم الشارد]

هلا رونق لسى ننتظر فرج ربي

[رونق الروح]

اكيد فرج ربنا قريب انتو استغلو الوقت في الدعااااء والصلاه واكيد ربنا يفرجها عن قريب
يااااااااااااارب يسهل ولادتكم عن قريب اللهم اميييييييييييييييييييين

[ورد الشمال]

بحاول احكي لكم عن يوم ولادتي قبل لا يجلس ولدي

يوم الجمعة كانت الأمور جدا طبيعية مافي الم ولا شي وليلة السبت كنت اقول لزوجي في احتمال اولد بكرة << كل اسبوع من دخلت التاسع وانا اعيد نفس الجملة لأن نفسي اولد في ويك اند و زوجي يكون جنبي

نمت وعلى الساعة 3 جاني مغص خفيف بدا يروح ويجي كملت نومي قلت اكيد طلوق كاذبة و ما اهتميت لكن بعد نص ساعة بدا الألم يزيد شوي هنا قلت يمكن انها ولادة خل اسوي اللي يزيد الطلق لو كان حقيقي ، قمت واكلت تمر وشربت زنجبيل بالحليب و بعدها اخذت دش دااااافي و طولت شوي بعدها صليت الفجر و كان الألم اخف من قبل

رجعت انام وقلت شكله ما عندي سالفة إلا بذاك المغص اللي مسكني شوي وراح و من وقتها ما تركتني الآلآم تروووح و تجي ولما صارت 5 ونص جلست زوجي وقلت له انا تعبانه ابي اروح المستشفى ، قال يمكن مو ولادة !
قلت معليش بس ابي اتطمن و سبحان الله كان حاسني قلبي اني خلاص اذا رحت المستشفى راح اولد .



المهم قام زوجي تجهز واتصل على المستشفى ، قالت له الطبيبة خلها تنتظر لين تقرب الآلآم و تكون التغلصات طويلة و انتظرت والألم يقوى ويقوى وكل ما جاتني طلقة اوقف ما اقدر اسوي شي وطول الوقت نفسي اروح الحمام وانتم بكرامة لكن ما كان في شي لما صارت الساعة 7 رحت الحمام ثانية و شفت دم في الكلوت هنا خلاص عرفت انها ولادة طلعت لزوجي وقلت يلا على المستشفى ما راح اصبر اكثر وفعلا رحنا على 8 دخلوني غرفة و حطوا علي تخطيط النبض للبيبي لمدة ساعة كاملة وكان في طلق قالوا انه طلق ولادة
وجات الطبيبة تكشف علي من تحت وقالت مفتوح 3 سم انا رغم الألم طرت من الفرح قلت اخيرا بولد مليت

قالوا لي كل ساعة راح يفتح 1 سم زيادة عطاني زوجي قرآن وقرأت سورة مريم وسورة الزلزلة واستغفرت ربي ودعيت لكل اللي خطروا على بالي ودعيت لكل محرومةولا نسيت حبيباتي حوامل رجب بالخصوص

لما صارت الساعة 2 زادت الآلآم بقووووووة لأن الماي انفك وكان ينزل دفعات وكل ما نزل زاد الألم و عطوني جهاز وقالوا لي كل ما زاد الألم اشفطي و يخف كنت اسوي مثل ما يقولون في البداية كان يفيد و يخف الألم و احس بدوخة لما آخذه لكن لما زاد الألم ما عاد يسوي شي اهو وعدمه
وعلى فكرة زوجي دخل معاي غرفة الولادة لكن كان عند راسي امنته ما يشوف شي وكان عند كلمته والله انه شجعني و رفع معنوياتي لأن القابلة كانت قليلة صبر و كانت تعصب لما اصرخ من الألم صراحة صادقين روز و سموة ما قدرت اكون صبورة اذا جات الطلقة ابدأ اصرخ وبس تروح يغمى علي ما احس بشي

الساعة 3 قالوا لي مفتوح 9 سم ما شاء الله ما باقي شي هنا انا كل ما جاتني الطلقة من الألم صرت اهذي و وصيت زوجي على ولدي لأني توقعت اموت وكان متأثر بقوة ظل ماسك يدي ويقول لي انتي اللي بتربينه

الساعة 4 إلا ثلث الرحم فتح 10 سم قالت لي كل ما جاك الم ادفعي تعذبت وانا ادفع وخلاص مافي طاقة كفاية بعد 3 دفعات قالت لي تبين تلمسين راسه قلت لها لاااااااا ابي اولد خلصيني الله يخليك
على فكرة كانت القابلة انغليزية وانا اشوي اقولها بالعربي واشوي بالأنغليز خخخ اقول لها بالعربي ابي اخلص ابي اخلص بليز الله يخليك خخخخ واهي تطالعني مستغربة بعد 3 دفعات ثانية قالت لي خلاص طلع
هنا انا ما استوعبت اني ولدت الا لما شفته قمت ابكي واحمد الله و طالعت زوجي الا الدموع في عيونه <<< سوينا فلم هندي ههههههه والحمد لله لما حضنت ولدي راااااح كل التعب والألم وانولدت من جديد
بعدها جات الطبيبة و عطتني ابرة بنج من تحت وخيطتني وبعدها طلعوني فوق للجناح و معاي ولدي في حضني
ورب البيت احساس مو طبيعي حسيت فيه لما حضنت ولدي ربي يخليه ولا يحرمكم ضمة اولادكم ويرزقكم ولادة سسهلة ولا تشوفون اللي شفته ياااارب


انا عارفه مررررة طولت بس انتوا قلتوا تبونها بالتفصيل
و توتة توتة خلصت الحتوتة وحمودي نايم في سلام بعد ما سويت له مساج لبى قلبه *

[رونق الروح]

اللللللف مبروك ويتبى في عزك اختي

[ورد الشمال]

هلا روز الحمدلله يا قلبي انا وحمادي بخير
انتي كيفك و كيف ظهرك ان شاء الله احسن

هلا الريم الحمدلله انا بخير انتي كيفك.
يلا هااااااانت ما باقي شي

انا امي راح تجيني الأحد ان شاء الله
لكن ربي ما نساني سخر لي جارات سعوديات الله يرزقهم الجنه
قاموا فيني قومة خوااات قالوا لياحنا في الخدمة لين تجي الوالدة بالسلامة
الله يوفقهم في اختباراتهم رغم انشغالهم ما نسوني

اخيرا صرت انام على ظهرررررررري *

[ورد الشمال]

الله يبارك فيك رونق عقبالك بالولادة اليسيرة يارب

[الريم الشارد]

الحمدلله على سلامتك ورد ... ةيتربى بعزكم ان شاء الله

[مراااحب]

الحمد لله ع سلامتك يا ورد الشمال
دمعت عيوني وانا اقرأ الفلم الهندي وربي رحمتك طولتي كثير الله يكتب لك الاجر والعافيه
ربي يخليه لك زوجك و ولدك ويسخر لك انت طيبة تستاهلين كل خير

[ورد الشمال]

الله يسلمك الريم عقباااااالك يارب بولادة ولا اسهل منها وتفرحين بضمة بنوتتك قريبا ان شاء الله

[ورد الشمال]

الله يسلمك مراحب تسلمين يا قلبي الله يخلي لك غاليك
وعقباااالك يارب بالولادة الميسرة القريبة
الله لا يحرمنا الأجر