كيس دهني بالابط محيرني تكفون عطوني رايكم !!؟

[الريم الشارد]

السلام عليكم بنات عندي مشكله موجديده بس محيرتني

امممم بحملي الي قبل هذا بالشهر الخامس وقت مايتكون الحليب طلعلي مثل الكيس الدهني بابطي اليمين احس بالم فيه واذا لمسته احسه مثل العقده ويالمني المهم ماعطيته اهتمام بعد ماولدت كبر مع الرضاعه رحت لدكتورتي الي ولدتني وقلت لها عنه وسوت لي فحوصات وحولتني على الجراح وقالي كيس دهني عادي اذا تبين تشيلينه ولا خليه..

المهم انا خليته ومع الوقت اختفى تقريبا راح ماصرت احس فيه الا باوقات الدوره يجيني الم بسيط فيه

ونفس الشي رحت لدكتور جراح ثاني وسوالي سونار وقار مافيه شي

والحين يوم حملت وصلت لشهر الخامس طلع فجأه وصرت احس فيه ويالمني

تتوقعون طبيعي عشان الحليب مع الهرمونات ولا شي خطير؟؟؟

ابي رايكم قبل ما اروح لدكتورتي هالشهر

[نسيم الطفوله]

لا تخافين يا خيتي انا كان عندي مثلك من يوم كنت بنت صايره الي خرزه صغيره تحت الابط ويموم حملت كبرت سئلت بنت عمي وعمتي لان كانا حمل في وقتها قالو نفس الشي طلع لهم في الحمل تقول بنت عمي عادي تطلع في الحمل بعدين تروح
انا مارحت المستشفى بما ان قالو الي شي طبيعي وهم طلع ليهم في حملهم
لا تخافين يا اخت الريم

[الريم الشارد]

مشكووووره نسيم الطفوووله المشكله فيه ناس خوفوني قالو ممكن يكون شي خبيث لا سمح الله
بس هي ما تضل تروح بس وقت الحمل والرضاعه

[همسة دلع]

اذا فترة حمل وتروح الحمد لله
ودآآم الدكآآتره كشفو وقالو طبيعي لا تخافين
لاكن ااذا سويتي العمليه كماان ما تخوف لانه انا اختي يطلع لها زي كذا وسوت عمليه يعني حتى العمليه ما منها ضرر

[نسيم الطفوله]

ايوه لا تخافي لو كنتي بتسوي العمليه مامنها ضرر وهي كشفت عليك الدكتوره وكمان بنت عمي لمن سئلت الدكتوره قالت لها عادي فتره الحمل وبتروح بس يعني لو بتسويها لا تخافي

[دلوعة وطيوبة]

لاتخافي ياقلبي عادي كمان اختي يوم كانت حامل صار فيها هيك ودكتور قال لها عااادي وبعدين راح منها بعد ما خلصت الاربعين الف سلامه

[غلاي امي]

الريم لاتخافين ابد

انا نفسك وتركته لأنك حتى لوشلتيه ورجعتي حملتي مره ثانيه راح يتكون مره ثانيه لأن الأبط يحتوي على ذيل الثدي سبحان الله

[الريم الشارد]

مشكوووورين حبيباتي والله طمنتوني انا قلت كذا مراح اشيله لاني كنت متوقعه انه بيطلع مره ثانيه ربي يعطيكم الف عافيه