【ツ】أحلى تجمع لأحلى حوامل التوائم 【ツ】 ‏الجزء الثالث

[ام عمر ..]

ام رفا حبيبتي انتي والله انا مشتاقه لكم ودائما انتو في بالي بس تعرفين الاجازه الكل في البيت الله يحفظهم وطلعات عائليه وبعدين المدارس ومشاغلها بس والله كلكم على بالي

[عروسة مشتاقة للجنة]

السلام عليكم ..شخباااركم؟؟

اتمنى اتضيفوني معاااكم .. ماشاءالله تجمعكم حلووو ويفتح النفس:)

هذا ثاني حمل لي والله كتب لي التوأم ولله الحمد ... مستاااانسة وااايد بس احاتي التعب بعدين ..لأن حملت وولدي له 4 شهور طبعا ماكنت مخططة للحمل استخدمت العزل الطبيعي والله اراد لي الحمل وتفاجأت انه توأم ...

والحين انا في الخاامس وولدي عمره 9 شهور

عرفت لما رحت الخاص في الشهر الرااابع كنت ابي اعرف جنس البيبي واهنااااك كااانت المفاجأة انه توأم ..غريبة الحكوومي ماعرفوو..

وقالت لي الدكتورة انهم توأم اولاد انشاءالله ..يعني بيصير عندي 3 اولاااد .. وزوجي يموت على البنااات مسكين عكسي احب الاولاد هههههه


اسبوع الجاااي موعدي حق الالتراساوند ..

بس عندي سؤال اذا مشيمة وحدة وكيسين بيطلعون متشااابهين ولا لاء؟؟؟

بسأل الدكتورة بس ما اقدر اصبر لين الاسبوع الياي عشااان اعرف

[REEMAS]

مشكورين كل اللي دعولي ام رفا وعزتي بإيماني وام عمر وام عائشه واللي نسيتهم سوري تعرفون زهايمر الحمل
طبعا موعدي اليوم قمت الصبح صليت ركعتين ودعيت فيها بالتيسير ودعيت لكم كلكم
رحت الموعد اول ما وصلت خذت لي الوزن وقالت انه زاد شوي الله يخلي حبوب اللوعه والله يخلي الوالدة وقاست ضغطي قالت شوي مرتفع 135/85وبعدين دخلت عالدكتورة قالت يالله تلفزيون من فوق نهارا اللي يعجبني فيها انها اول ثلاث شهور ما تسوي تلفزيون من تحت المهم شفت الكيس الاول والحمد لله سمعت النبض يالبببي يجنن وقالت انه عمرة تسع اسابيع ويومين وبعدين رحنا للثاني والحمدلله سمعت النبض بس حسيته مو نفس سرعه الاول بشي بسيط قالت لا هاذا طبيعي في التوام لازم يكون في اختلاف في العمر والحجم وسرعة ضربات القلي معلومه جديدة اول مرة أسمعها وقالت انه عمرة تسع اسابيع وخمس ايام ورحنا للكيس الثالث الحمدلله صغر حجمه شوي هاذا من بركة المسح بماي زمزم والدعاء ومشتني على ابر تثبيت مرة في الاسبوع علشان الكيس الثالث ولغت لي الفولك بحبوب فيتامينات واستمر عالتحاميل والبيبي أسبرين ومنعتني من الطلعات واستمر عالراحه مع أني والله مليت من قعدت البيت بس كله يهون علشانهم واول ما طلعت أتصدقت واول ما رجعت البيت صليت ركعتين شكر والحمدلله هاذا كان يومي
وصج بغيت اسأل كم نسبه الضغط الطبيعي للحامل هل تعتبر نسبتي مرتفعه *

[رضاك ربي]

المشاركة الأصلية كتبت بواسطة ام عمر ..

اسال الله العظيم رب العرش الكريم ان يحفظ البحرين وشعبها وجميع الشعوب الاسلاميه من كيد الكايدين وحقد الحاقدين اللهم لاتملكهم امرنا اللهم اجعل تدبيرهم تدميرهم ورد كيدهم في نحورهم يا من لا تاخذك سنة ولا نوم

ريماس اسال الله عظيم العطاء كبير الرجاء ان يجبر بخاطرك ويتمم عليك بخير علقي ثقتك برب العالمين وبقدرته على حفظهم لك وان شاء الله مثل ما كانو يتضايقون ويبون يشوفون عيال ولدهم ان شاء الله يتضايقون اذا رحتو لهم من كثرهم

بس لاوصيك كل مره بتروحين لهم وديهم معاك كلهم خليهم ينفخون راسهم ههههههههههههه

خطيرة يا ام عمر بسويها ببيت حماي ان شاء الله انا واخليهم يتضاربون

[ام رفا]

غنو ياغنو فين الغيبه تتدلعي وتبغي تشوفي معزتك

شنتورة لو سمحتي شوفيها ع الوتس اب وطمنينا عليها

رضاك من جد نصيحه كل مارحتي تطعمي البنوتات خذي الجل معاك انا في السياره أحطه لعيالي واهتم فيه اكثر من خافض الحرارة كنت اول في السياره اشربهم الخافض والكريم اخليه في البيت بس والله بعد تجربه ممتاز

[ام رفا]

رضاك ربي انت وهتون والأخوات اللي في الشهر الثامن او التاسع مين مستمر ع الدفستون او الإبر المثبته ومتى وقفتوها في الثامن ولا قبل ابغى بصراحة اعرف بالتفصيل

انا في السابع ومستمره ع المثبت بالرغم مافي دم الله يعزكم بس كان مغص
ودحين راح ادخل الثامن والدكتورة تقولي تستمري عليها طبعا دكتورة الميدكل اما دكتورتي اللي ع الخاص تقول وقفيها او خفيفي من 3 ل 2 وبعدين وحده

[عزتي بايماني]

ريماس الحمدلله انك تطمنتي والله يتمم لك على خير
عروسة مشتاقة للجنة الله يتمم لك على خير
واذا كانت المشيمشة وحدة وكيسين قالت لي الدكتورة انهم
يكونوا متشابهين بكل شي الجنس والشكل
وغنو طمنينا عليك

[أماني آل ظاهر]

السلام عليكم

يشرفني الانضمام لكم ، بس آنا حيل تعبانة ابيكم تدعولي الله يخليكم ، الوحام مو راضي يهدني ، من غير الآم المغص اليومية ......... فعلا الحمل بالتوأم صعب والله يعيني ويعين الجميع .

[REEMAS]

عزتي بإيماني مشكورة حبيبتي والله لا يحرمني منكم يارب ومن دعواتكم
أماني أنا نفسك هلكت من لوحام لين كتبت لي الدكتورة حبوب للوعه للحمل أخذ حبه قبل النوم بساعه ووايد خفت عليها اللوعه اسمهاnavidoxine العلبه ب8 ريال وبالنسبه لالم المغص الدكتورة قالت لي التزم ألراحه مع رفع الرجل وهذا عادي انتي كم لك الحين وياريت تسوين لك توقيع علشان ما نسالك كل فترة ههههه
بنات اريج وينها صار لها فترة ما دخلت وغنو

[أم عائشة]

السلام عليكم شخباركم

ام رفا الله يبارك بعمرج بس صج دخلت الرابع؟؟؟؟؟؟؟؟بالشريط للحين بالثالث
اللااااااااااااااي وناسة هههههههه

ريماس الف الحمدلله انج تطمنتي على تونزج ربي يتمملج على خير يارب

غنو وينها؟؟؟؟؟؟؟؟