【ツ】أحلى تجمع لأحلى حوامل التوائم 【ツ】 ‏الجزء الثالث

[ام رفا]

غنو رحتي اليوم لدكتورة ثانية مو صح طيب ايش قالتلك طمنيني والله إني قلقانة عليك الله يخليك ردي او بلغي شنتورة وتس اب وهيا تطمنا

[أم عائشة]

صباحكم رضى من الرحمن
شخباركم

غنوووووووووووو وينج طمنينا الله يطمن بالج

ام رفا فديت قلبج انتي الحلا كله
شخبارج اختي وشخبار الحمل وياج

رجواي بالله
ذي بيفيدج ان شاءالله

¨°o.O (حساب شهور الحمل) O.o°

الشهر الأول من أول يوم في الدورة
الشهر الثاني 4 أسابيع و4أيام تدخلين الثاني
الشهر الثالث 9 أسابيع تمام تدخلين الثالث
الشهر الرابع 13 أسبوع و3 أيام تدخلين الرابع
الشهر الخامس 17 أسبوع و6 أيام تدخلين الخامس
الشهر السادس 22 أسبوع و2 يوم تدخلين السادس
الشهر السابع 26 أسبوع و5 أيام تدخلين السابع
الشهر الثامن 31 أسبوع و1 يوم تدخلين الثامن
الشهر التاسع 35 أسبوع و4 أيام تدخلين التاسع


شخباركم خواتي كلكم

[غنو حياتي]

صباح الخير عليكم جميعا

تسلمون لقلبي لكل من سال عني وربي مايوريكم شر

يمكن اكون مو بعقلي
بس ما ابي اروح لدكتوره ثانيه
ما نمت من يومين من التفكير
اقول خلاص بروح بعدين اتراجع مو عارفه ليه

بنجن انا حاااسه بالحركه يمين تحت ومن فوق
معقوله تكون حركه جنين احد بس

اخاف اروح اسمع كلام يضايقني
اساسا مو مقتنعه بكلام الدكتوره

اظل على احساسي ..واظل اتعشم بربنا ان مافيه شي ان شاء الله
ولا اروح

كلها صعبه علي
بس يمكن روحتي وسماعي لكلام ما ابغى اصدقه اصعب

ايش رايكم؟؟

لو لاقدر الله كلامها صح وسار بالولد شي ,,بيرفضه الرحم وبيسير طلق بينزل يعني بتسير ولاده؟؟ طيب والبنت
ادتني الدكتوره حبوب هايبوبان تقل تنفع لتقلصات الرحم بس ما استخدمتها
استخدمها

ولا اتوكل على ربنا وحده قادر يحفظهم بقدرته وبلاش اروح لمستشفى
واللي كاتبه ربنا يسير

[أم عائشة]

لاحول ولاقوة الا بالله
والله احس انج في مووووووووووقف كلش صعب

بس انا لومكانج اروح لدكتورة ثانية
وبالحالتين حبيبتي ان رحتي اولا اللي كاتبه ربنا بيصير
فروحي وتوكلي على الله
وعندي احساس كلش قوي انه دكتورتج غلطانه\وبعدين غنو انتي وصلتي السادس يعني حتى لوكلامها صحيح لاسمح الله ففي امل كبيييييييييير انه يحطونه بالحضانة لانه خلاص اعضائه اكتملت ويقدر يعيش بعد اذن الله

روحي الله يخليج وتطمني وطمنينا معاج
اسال الله العظيم رب العرش العظيم انه يطمن قلبج بكل ماهوخير لج ولتونزج

[دودي.]

غنو حياتي
لازم تروحين وتطمنين كل شي بيد الله
بس انتي سوي اللي تقدري عليه
لاتجلسي كذا

[أم عائشة]

كروشات سؤال الله يخليكم
انا الحين بالاسبوع 11 ومااحس بحركة البيبيبات عادي صح؟؟ام زوجي خرعتني الصراحة تقولي لازم تحسين بحركة البيبي
وانا للحين ماحسيت بشي
ل

[REEMAS]

غنو حياتي أنا مع كلام ام عائشه روحي لدكتورة ثانيه واهي ما بتقول لج الا اللي الله كاتبه ولا تقولين لها عن الموضوع شوفيها اول شتقول وبالنسبة للحبوب أنا أشوف انج تاخذينها لانها بتاخر تقلصات الولاده وحاولي تروجي مراجعات اسبوعيه علشان تطمني وان شالله ما فيه الا الخير يارب
*مارقدت امس من اللوعه مع أني والله امس بس كلت وجبه وحده اللي أهي توست وجبن حتى الماي ما قدرت أشربه ما دري شسالفه اللوعه تروح وترجع ويوم تزيد ويوم تكون عاديه مع أني والله في حملي اللي اجهضته ما توحمت بالمرة بس كنت اكرة بعض الأكلات بس هالمرة تعذيب
موعدي اليوم بنات طلبتكم ادعولي في صلاتكم اليوم ان كل شي يكون أوكي طلبتكم بنات لا تنسوني خائفه وايد موعدي ان شالله الساعه 7 عند دكتورة خاصه *

[ام عمر ..]

سلامتكم جميعا ما تشوفون شر
ام منصور فيه دواء للكحه بالاعشاب ما يضر ابدا اسمه ايفي بتنسين معاه الكحه

[ام منصور]

مرحبا حبيباتي الغاليات
اول شي خلوني اشوف اختي غنو حياتي
شوفي الغاليه انا مع اختي ام عاشه ودودي وريماس لااااااازم تروحين تطمنين الدكتوره هذي مهستره كيف تقولج هالكلام وتخليج تروحين البيت استغفر الله
اتكلي على الله وروحي شوفي استشاريه بس للاطمئنان


ثانيا
ام عاشه شحالج ياقلبي
بالنسبه للحركه انا ما حسيت لين الاسبوع ال13 بنبض بسيط بس
وكل حمل وكل بطن يختلف عن الثاني

ريماس
حياتي ربي يوفقج وايسر امورج وحملج على خير ان شاء الله
وباذن الله اتيبين لنا الاخبار الحلوه اللهم امييييييييييين

[ام منصور]

رجواي بالله
اللهم لك الحمد انج سمعتي نبضهم ربي يتمم لج على خير
بالنسيه للمراجعات من الضروري تكون عن استشاري مش دكتور عاي ولا اخصائي بعد
وهي احيبت لج نص الخامس لانها تحسب الدوره بعد
وفي الاخير هم حسابهم غير عن حسابج
وهذا جدول واضح بين لج الحساب بالاسابيع
الأسابيع: 1_4 الشهر: الأول
الأسابيع:5_8 الشهر: الثاني
الأسابيع: 9_13 الشهر: الثالث
الأسابيع: 14_17 الشهر: الرابع
الأسابيع: 18_21 الشهر: الخامس
الأسابيع: 22_26 الشهر: السادس
الأسابيع:27_30 الشهر: السابع
الأسابيع:31_35 الشهر: الثامن
الأسابيع: 35_40 السهر: التاسع