تجمع قسم النفاس,تجمع خاص لنفوسات

[المخملية]

صباح الخير نفوساات
الحمدلله ولدت صباح الثلاثاء

دحين اعاني وشايله هم ثلاث حاجات
الغرز لانها طولية الين فتحت الشرج واخاف تطول معي
واخاف اعاني وقت التبرز الله يكرمكم
والرضاعه .. بنتي الحمدلله مسكت صدري عكس اختهاعجزت تمسكو لكن للان مافي حليب واحزن عليها لما تجوع
فمتي ينزل الحليب ؟؟ وايش الي ينزلو بسرعه؟؟
ثالث شي المغص.. ساعات لما ماما تقولي حاولي ترضعي اقولها مااقدر معايا مغص فضيع والم بظهري احس للان جالسة اطلق
ولما تمص يزيد المغص ... ايش سويتو مع المغووص؟؟

[أم رزاان]

حمداً لله على سلامتك ياقلبي
وطالما ولدتي كل شي بيهوووون :)

الغرز لانها طولية الين فتحت الشرج واخاف تطول معي
واخاف اعاني وقت التبرز الله يكرمكم

ماتخاااافي ياقلبي .. وماراح تطول اهم شيء لا يجيك إمساك حاولي تكثري من السوائل الدافئة
وخوذي ملعقة صغيرة زيت زيتون على الريق حلووووة واشربي بعدها موية دافئة وكولي بعدها حبة تمرة
وربي فظيعة بتريحك من الإمساك وتلين البطن وتبعد عنك الغازات


والرضاعه .. بنتي الحمدلله مسكت صدري عكس اختهاعجزت تمسكو لكن للان مافي حليب واحزن عليها لما تجوع
فمتي ينزل الحليب ؟؟ وايش الي ينزلو بسرعه؟؟

خليها تمص صدرك المص بيدر الحليب بسرعة وكمان اشربي حلبة وبكرة راح ينزل عندك الحليب

ثالث شي المغص.. ساعات لما ماما تقولي حاولي ترضعي اقولها مااقدر معايا مغص فضيع والم بظهري احس للان جالسة اطلق
ولما تمص يزيد المغص ... ايش سويتو مع المغووص؟؟

المغص طبيعي من الطفل الثاني !!
وبالعكس مفيد جداً لك لأنة بيساعد على عودة الرحم لوضعة الطبيعة !
أنت لما ترضعي بنتك بتحسي يجيك المغص ويشد عليك !
تحملية واصبري ورضعيها حتى لو مافية حليب هذا بيريحك بعدين وبتطهري بسرعة !

وبنتك حرام اعطيها حليب صناعي لحتى يدر صدرك لا تتركيها بدون إرضاع عشان ماينخفض معاها السكر !!!

[همس شعوله]

حمد لله علي سلامتك مخمليه دائما اشوف كشاركاتك وردودك وادعي لك بالولاده السهله
شوفي بالنسبه للخياطه كنت نفسك بس اهم شي تجنبي الامساك ام رازان ماقصرت قالت لك كيف واشربيها كاسه عصير برتقال باليوم انا بصراحه عانيت من الامساك لدرجه استخدمت الملين والحمد لله مره متعب الامساك للنافس عموما طاحت علي اول غرزه علي اسبوع والباقين طول شوي يمكن الين عشرين يوم وانااحس بالخياط بس علي الميبو والفوسيدين وغسول البيتادين والخواجوا كان كل شي تمام الحمد لله
وربي يسير لك والرضاعه طبيعي المغص انا كنت اخذ حبوب سكنه من المستشفيى صرفوها لي
وتقومي بالسلامه يارب *

[أيوش الحلوة]

وين صاحباتي بنات ربيع الثاني ؟؟
شهرزاد حبيبتي التجمع قفل كيف بوصل لتعليقات مواعيد ولادات الصبايا ؟؟

طيب وحشتووووني موت
و خبروني كيف تلتقون عشان وربي لكم وحشة
السلام

[ام سهــــــــاد]

الف مبرووووووووك مخملية تتربى بعزكم ..
ربي يقومك بالسلامة ..

[ام سهــــــــاد]

المشاركة الأصلية كتبت بواسطة أيوش الحلوة

وين صاحباتي بنات ربيع الثاني ؟؟
شهرزاد حبيبتي التجمع قفل كيف بوصل لتعليقات مواعيد ولادات الصبايا ؟؟

طيب وحشتووووني موت
و خبروني كيف تلتقون عشان وربي لكم وحشة
السلام

هلا ايوشة وش اخبارك وكيفها بنوتتك ..
وحشتينا ..

كان النت مفصول وتو اشتغل عندي ..

[ام سهــــــــاد]

[quote=شهرزاااد;2156588]هلا بنات
كيفكم

لموني كيفك وكيف البنات والله وحشتوني
ما رضي ينزل عندي البرنامج ما ادري ليش بس ان شاء الله اصلحه واتواصل معاكم سلميلي على كل البنات

وش اخبارك شهرزاد وكيف النونو والله لك وحشة يالغالية ان شاء الله يصلح معك وتتواصلي معناا يالغلا انتي وايوش ..

[سرووءة]

مخملية
حمدلله عسلامتك
انا حليبي نزل 3 يوم
بس كنت اعطيها صناعي عشان لاتجوع

[moony ~]

مخملية وانا بعد اول يومين ماطلع معاي حليب

وبعدين ماشاء الله طلع ورضعت بنتي الحمدلله

اللحين عطيها صناعي عشان تشبع ولما يطلع رضعيها طبيعي

الله يسهل لك ولكل النفوسات

بنوتات عندي سؤال متى يروح الم الغرز ؟؟؟

ومتى يوقف الدم ؟؟

وشكككرآ مقدما

[المخملية]

ام رزان وهمس .. الله يعطيكم العافية
مرررة ريحتوني

سروءة وموني..
انا ماما رافضة ارضع صناعي لانها تعقدت من بنتي الاولي عشان مارضعتها
امس اعطيتها رضاعه وحدة في الليل بالقوة حتي زعلت علي ماما
بس بصراحة كان في صالحي هالشي
الحمدلله علي الفجر نزلت مادة اللبا وصرت اذا رضعت ورا بعض اقدر اتحمل الالم لكن اذا وقفت كم ساعه ارجع اتعب بالرضاعه

ام سهاد .. الله يسلمك ياعسل