السلام عليكم ورحمة الله وبركاته
اتأخرت عليكم بقصة ولادتي ولكن هالشي بسبب النت ^_^ أعتذر عالتأخير
وهذي القصة بالتفصيـــــــــــــل الممل
الحمد لله رب العالمين ربي فضل علي بولادة سهلة جدا و ميسرة بشكل مو طبيعي بعد ماكنت شايلة همها و الجميع شايل همي بسبب ظروفنا و الكل كان يدعيلي لدرجة ان بعضهم سجدو شكر لله لما عرفو اني ولدت ^_^
كان محددلي آخر موعد للولادة 15/3/2012 بيوم السبت تاريخ 3/3 كان يوم هادئ جدا جدا جدا جدا بعكس كل أيام الأسبوع ..لدرجة نسينا فيه الظروف
صحيت الساعة 9 صباحا مبسوطة لأن الميه رجعت بعد ماكانت مقطوعة ^_^
حطيت الغسيل بالغسالة و رجعت نمت للساعة 11 وصحيت عمغص خفيييييييف يشبه مغص البرد كثيييير قمت الحمام و انتم بكرامة و حسيت ان المغص راح
رجعت لقيت زوجي صاحي .. قلي انه حلم انه صحي وجدني ولدت بدون طلق أو تعب أو مشفى وان ولادتي كانت ميسرة .. و دعى يااارب يسر لها ولادة ميسرة اليووم ... طبعا هو ذكر اليوم لأني كنت ناوية عالسفر للعاصمة يوم الأحد يعني ثاني يوم عشان أبقى هناك لحتى أولد .. المهم
حصل اللي حصل بيني و بين زوجي ^_* و بقيت منسدحة على ظهري فترة
و عالساعة 1 تقريبا قمت أغتسل .. و حسيت بضغط أسفل بطني يجي و يروح
وصار ضغط عالمثانة وانتم بكرامة بشكل مو طبيعي
أنا ما أخذت و عطيت بالموضوع قلت يمكن بسبب الجماع لأنه بالثامن صار معاي نفس الموضوع لساعة تقريبا و راح
خرجت وكان عنا عزومة غدا أنا وزوجي وانا بجهز نفسي قلت لزوجي الضغط اسفل بطني للحين ماراح خايفة يكون صار شي عالبنوتة
قالي اتصلي اسألي والدتك عن الموضوع
كلمتها .. قالتلي ما أدري ايش أقلك .. و سالتني عندك مغص قلت لا .. قالتلي طيب عندك ألام دورة أو ألم أسفل الظهر قلت لا .. قالت طيب تعالي المشفى القريب نتطمن .. قلتلها لا ما أبي لأنه مو معاي آعراض ولادة
وخرجنا أنا وزوجي للعزومة عند أهل زوجي
و صرت أتطلع عالساعة و احسب كل كم يجيني الضغط اللي يشبه التحجير لكن أسفل البطن بس .. وانا أضحك على نفسي أقول ليش أحسب وانا عارفه انه موطلق
كان بالبداية كل ربع ساعة
و بعدها صار كل عشر دقايق
تقريبا الساعة 3 قلت يابنت روحي المشفى واتطمني عالبنوتة قبل لا يتأخر الوقت و يأذن المغرب لأنه بعدها صعب جدا نروح لمكان
كلمت أمي و وكانت بمكان قريب من المشفى و قلتلها بروح أتطمن
الساعة 3 ونصف تقريبا رحنا و ما خبرت أحد من بيت عمي لاني قلت مافي ولادة ما ابي اعمل ضجة علشان ولا شي
ولما وصلنا امي كلمت الدكتورة اللي هناك و قالتلها حبيبتي بنتي بكرية وما معاها مغص دورة و سمعتها بتقللها بنتي مو عاملة كشف نسائي قبل هالمرة وأنا ما خبرتها أنه الحين لازمها كشف (( يتفقون يبون يضحكون علي )) .. و نسيت أقللكم اني تقريبا الساعة 2 وشوية بدا معاي الم أسفل الظهر لكن محمول ما يوجع كثير
جت الدكتورة عندي قالت تعالي يا قلبي بسألك كم سؤال ^_^ لوحدنا ..(( مفكرتني مو عارفة انها تبي تكشف .. بس وقتها ماكنت خايفة من الكشف لأني ما مجربته ))
لما قالتلي بكشف عليكي و نشوف اذا في ولادة .. بالبداية خجلت و رفضت و بعدين قلت علي و علي .. بالآخر بدها تكشف شكلها مصرة
و ياااااااااااا ويلي من الكشف للأمانة العلمية ما يوجع .... بس يموووووووووت أهئئئئئئئئئئ وجعتني مرررة
وهنا كانت الصدمة
تقولي ماشاء الله الرحم فاتح 3 اصابع (( ما أعرف كم بالسانتي )) تقولي ولادة
أنا انصدمت وما أدري ليه بكيت
خرجت الدكتورة لامي وزوجي وهما متوقعين انه 99 بالميه تقوللهم مافي شي آلام عادية
قالتلهم ولادة الرحم فاتح 3 اصابع ... قالتلها أمي نعم ؟؟؟ حبيبتي اتكلمي شي علمي البنت ما عندها طلق ولا شي كيف يعني ولادة
ضحكت الدكتورة و قالتلها احمدو ربكم و يلا نجهزها دوبنا نلحق شوية وتولد ..
قالتلها امي طولي بالك البنت مو مقررة تولد هنا ..
قررنا نروح لمشفى خاص علشان فيه تخدير عام بعد الولادة
ورحنا البيت جبنا شنطة المشفى و شوية لوازم و كلمنا ام زوجي تجهز نفسها وأخذناها هي وامي معانا ورحنا ..
وصلنا للمشفى وقالتلي القابلة بكشف عليكي .. قلتلها كشفو بالمشفى الثاني .. قالت ما دخلني فيهم بكشف عليكي و بقرر اذا ولادة بكلم الدكتورة .. (( كنت ابي ابكي ساعتها لأني كرهت الكشف )) المهم كشفت ولا تقول فعلا 3 اصابع ضيقة .. مافهمت قصدها ... وقالتلي فعلا ولادة شوفي الراس بلمسه .. قلتلها نعــــــــم الرأس باين
قالت شبك مرعوبة
و قامت كلمت دكتورتي و رفضت الدكتورة تيجي المشفى لان بيتها بعيد عن المشفى
و قامت القابلة طلبتلي الدكتورة البديلة .. وقالتلها بكرية بس شكلها مو مطولة عالولادة
وجت لعندي تسمع دقات قلب البنوتة .. شوية و رجعت قالتلي بكشف عليكي قلتلها نعم ؟؟؟؟؟ هي سيرة ؟؟ قالتلي يلا أشوف كم صرتي .. قلتلها بس لسا ما حسيت باي طلق .. قالت بكشف
كشفت و قالت ماشاء الله صارو 3 أصابع حرات ... كمان ما فهمت قصدها
و الله يا بنات كل هذا و انا لسا ما تألمت و لا حسيت بمغص ولا أي شي و كل اللي كان موجعني هو الكشف مو أكثر .. الف حمد وشكر الك ياربي
المهم .. رجعت القابلة كلمت الدكتورة قالتلها يا دكتورة ليش مبردة على قلبك ترا الصبية بتولد ..و الدكتورة متهاونة لاني بكرية و متوقعة اني بطول كثير كعادة البكريات
جت الدكتورة و قالت يلا أكشف عليكي ... أففففففف صرت فرجة للرايح و الجاي ^_*
وياويلي من كشف الدكتوووووووووورة ياويلي ... و ربي نزلتلي الدم وبكيت منها لدرجة اني قلبت عجنبي ابي اقوم من السرير و هي بتكشف ... وقالتلي طولي بالك قلبتيني معاكي ... كنت ابي اضربها *_*
وقالت للقابلة ماشاء الله فعلا ولادة .. و طلبت منها تعطيني سيروم حطت فيه ابرة
ما كنت عارفة شو هذي الابرة بس لما بدا الالم عرفت انه طلق صنااااعي اهئئئئ
سالتهم امي ليه ؟؟ قالولها طلقها يفتح الرحم بس ما يولد ...
وقتها بدا الم دورة لكن محمووووول جدا .. وانا بالعادة الم الدورة يموتني
تقريبا عشر دقايق اذا ربي ما كذبني و أعطتني روب الولادة البسه و قالتلي يلا اوقفي جنب السرير وامسكي فيه ولو جاكي الطلق ادفعي لجهة المقعدة كأنك بتتبرزي وانتم بكرامة
دفعتين ثلاثة ومندخلك غرفة الولادة ..
راح زوجي يصلي المغرب بالمسجد و امي و ام زوجي صلو بالمشفى بسرعة وبالتناوب علشان خايفين لا يوقع الولد وانا واقفة ههههههه ... وانا كنت اذا جتني المغصة احاول أدفع مثل ما قالتلي لكن بعد شوية اكتشفت اني موعارفة ادفع
جت الساعة 6 مساء و قالتلي يلا عغرفة الولادة .. كان زوجي لسا بالمسجد ما خلص الصلاة
دخلت جوا و بدا الألم .. ما ادري ليه جوا زاااد ... لكن ياربي لك الحمد الحين مو متذكرة شي منه لكن اللي أذكره اني كنت بقوللهم منشان الله اسحبوها انتم ما اعرف ادفع
طبعا الدكتورة اللي خبرتني اي مو عارفة ادفع واني بدفع غلط
شوية ولا أقوللهم أبي اروح الحمام
تقولي القابلة لا هذا الجنين ادفعي وانا اقوللها لاحمااااام و لما عصب قالتلي خلصيني سوي الحمام هنا عالسرير .. اهئئئئئئ زعلت على نفسي ^_^
طبعا أنا كنت خجلانة من وضيعة الولادة و كل شوية احط يدي تحت ابي اغطي المنطقة و الدكتورة تتفاجأ تقول يه يه شيلي يدك ما يسوى منشان التعقيم .. وارجع احطها .. وتقولي شيليها طيب منشان الطهاااارة ههههه
الدكتورة خزعتني من دووون تخدير اهئئئئ و حسيت لما فقعتلي مية الجنين و الله تعذبت جوا كان الم فظيع أحس رجولي تبي تنشل منه ..
وكنت بقول شكلي بموت قبل لا أطلع من الغرفة ... يمكن هالشي بسبب السيروم اللي لسا معلق بيدي و كانو مسرعين النقطة فيه ... طبعا كادر طبي مافي بالمشفى بسبب الظروف .. لا دكتور تخدير و لا أي شي بس القابلة و الدكتورة ..
و لما حمي الطلق علي القابلة خرجت و طلبت من أمي تروح تصحي القابلة الثانية ...
جت القابلة الثانية اللي شكلها من البداية عنيفة
يمكن لأنهم صحوها من النوم عشاني
هي شافتني بغطي بيدي و بدت تصرخ علي
وانا حالتي بالويل عصبت و أقللهامو ناقصتك لا تصرخي علي
بس الحمد لله ما صرخت كثير لأن الطلق القوي ما طول .. أصرخ بداية الطلقة بس بعدها اكتمها و ادفع بقوة و أرفع ظهري و الدكتورة تشجعني و تقوللي كمليها للآخر .. كم طلقة يمكن 7 أو أكثر شوية بس هم اللي موتوني و يادوب 6 وربع أو و 6 وثلث تقول الدكتورة خالصة تراها خالصة وتقول للقابلة الطلقة الجاية اضغطي معاها عالرحم و القابلة قالتلي الابرة جاهزي يلا مرة كمان و اعطيكي التخدير
و فعلا الطلقة اللي بعدها وخرجت رووووحي مايا ... بس ما أدري ايش حصل .. شفت القابلة فورا حطت ابرة ... بس ما اذكر انهم خرجو البنت
اللي اذكرو اني سمعت بكائها و خيطتني الدكتورة وانا صاحية بتخدير موضعي اهئئئئئ لانه مافي طبيب تخدير و سمعت أصواتهم بالغرفة الخارجية لغرفة الولادة و هم بيقولو ما شاء الله
و قلت للقابلة ما أغلظهم بيشوفو البنت من دوووني
القابلة كانت تكبس عالرحم و توجعني و أصرخ و تاريهم بينظفو الرحم
6 ونص خرجت من غرفة الولادة و زوجي جبلي مايا عالغرفة بعد ما خرجوني
ويااااروحي حضنتها و بكيت
ماشاء الله عليها ههه خارجة مفتحة عيونها و جوعانة و بتدور بلسانها ... مسكينة خرجت وزنها 2 كيلو و 700 غرام
يااااروحي للحين اتطلع فيها ومو مصدقة اني ولدت
بالنسبة للتخدير مانمت لأن الابرة اللي اعطوني ياها تخليني أغيب عن الوعي دقيقة و ارجع لهيك ما شفتهم لما خرجو مايا .. و هالشي لانه مافي كادر ... حتى ان القابلات كانو مداومين من شهر كامل ماراحو بيتهم
الخياطة كانت تجميلية آلمتني و ضايقتني لحد الاسبوع خفت الآلام الحمد لله ..
وبس ^_^ ربي فضل علي بولادة سهلة من الساعة 3 لل 6 و نص كنت والدة ولله الحمد
بروح أرضع مايا لأنها صحيت ^_^
السلام عليكم و رحمة الله و بركاااته
03-27-2012, 05:55 AM
قصة ولادتي بروووحي مايا ... يارب ترزق الجميع مثل ولادتي
أيوش الحلوة 
.gif "84")
جديد منتدى إستفسارات مرحلة الولادة
العرض العادي
