السلام عليكم ورحمة الله وبركاته
وصباحكم ندي نقي كنقاء ارواحكم
أنا عارفه أن الموضوع حساس شوي
إلا حساس بقووووه ههههههههههههه
وخصوصاً على اللي ماتتقبل موضوع التعدد
لأني اعرف نساء كثير تموووت ولا تقبل فكرة أن زوجها يتزوج عليها ![hwaml15](images/smilies/TR (8).gif)
أنا بقول لكم قصتي مع زواج زوجي وأنتم احكموا
وبحاول اختصر لكم الموضوع قد ما استطيع !
كانت حياتي مع زوجي مستقرة ومازالت ولله الحمد
تمضي سنوات والله مايكون هناك اي مشاكل إلا اشياء بسيطة جداً تنتهي في وقتها !
زوجي يحبني جداً وأنا كذلك !
دائماً يحاول التماس رضاااي
جاتة فترة ( في عمر 40 ) تقريباً
صار يسافر مع اصحابة للنزهة فقط
واحب اوضح نقطة هنا قبل ما اكمل زوجي رجل ملتزم
ومو صاحب سفريات ولا روحات وجيات
اصحابة يعدون على اصابع اليد الواحدة
المهم صار يسافر مع اصحابة لدول عربية
وطبعاً كان يشوووف المناظر .. ورجل مو متعود على هالمناظر يعتبر هذا
بالنسبة له شيء جديد وغريب ويفتح عقله على اشياء واشياء !!
بعد سنتين من هالسفريات لاحظت أن زوجي صار يهتم بهندامة اكثر
ويصبغ الشعر واللحية
ولاحظت أنه حريص على جواله ما يحب احد يفتحة .. وهذا على غير عادتة !!
مع العلم أن معاملتة ماتغيرت بل العكس الأحظ انة يحاول ارضائي باي طريقه
ومايحب يزعلني ولو ايش ما اطلب يلبية لي !!
جلست مع نفسي وفكرت وصليت واستخرت الله سبحانة قبل ما اتكلم معاه باي شيء
وانشرح صدري أني افتح الموضوع معاااه !!
رجع مرة .. وبعد مارجع لاحظت أنة راااااايق قلت خلاااص فرصة اتكلم معاااه
بهدوووء ..
قلت له حبيبي لو مو تعبان فية موضوع ودي اتكلم معاك فيه !!
قال كلي لك أمري يالغاليه !
عملت الشاي وطلعنا وجلسنا بالحوووش وفتحت معه موضوع تغيره وطلعاتة
واكدت له اثناء حديثي أن أنا اتكلم معاك مو من باب محااااسبتك !!!
لا .. ولكن أنت عودتني ان الحياة مشاركة بكل شيء
وأنا في نفسي شيء واحب اقوله لك .. ولك الحرية بالرد على هالموضوع او
تطنيشة ولا كأنك سمعتة !!!
ومهما حصل تبقى أنت زوجي وتاج راسي !!
طبعاً أنا تعاملت مع بهذا الاسلوب عشان اكسب ثقتة
واحسسة بالأمان .. عشان يتكلم !!
قال بصراحة بقول لك شيء وأنا عارف إنك امرأة عاقله ووووو من هذا الكلام ... الخ
فية واحد عرض علي أختة وأنا محتار وخايف اقول لك واجرحك
وأنتي بعمرك ماقصرتي معي بشيء !!!
وأنا بصراحة محتاج وقفتك معي لأني اثق برأيك !!
اما لو قلتي كنسل الموضوع وجلال من خلقك راح اكنسلة
ولا عاد افكر فية .. !! والأمر بيدك الآن !!
قلت له هل لديك رغبة حقيقية بالتعدد ولا زووووه وخلاص !!!
قال الصدق مدري !!!
أنا خايف اقدم على هالأمر وبعدين اندم !!
قلت له اجل اجلس مع نفسك وفكر واستخير
ولو احتجتني أنا معااااك
حتى لو تبغى اروووح واخطبها أنا لك بروووح لعيووونك كل شيء يهووون
قبل راسي وقال سبحان الله ماخاب ظني فيك كل يوم تكبرين بعيني !!!
جلس تقريباً اسبوعين وجاء وفتح معي الموضوع
وعرفت أنة خلاص ناوووي يعدد
وكان رافض في البداية أني اروح يقول ما ابغى مشاعر تتأذي !!
رحت لأهل البنت وشفتها وخطبتها له
وكان جمالها اقل بكثير من الطبيعي !
وأخبرتة عن هذه النقطة وقلت له لازم يشوفها !!
شافها .. وكان متردد بعد الشووووفه بس قلت له الجمال مو كل شيء
ويكفي أن البنت ملتزمة ودينة .. وهذا اهم شيء
اقتنع .. وقلت له بحضر زواجك قال إن شاء الله
كل يوم اسالة متى زواجك يقول لسى
واكتشفت انة تزوج بالسكيت ولا احد عرف بالموضوع نهااااائياً
قلت له ليش ماخبرتني عن ليلة زواجك .. قال ما ابغاك تحزني او تتأذي
وتجلسي تفكري وتضايقي او تنزل من عينك دمعة
وعرفت انة جلس معها يومين بس .. وطبعاً مافية احد من اهلة
يعرف بموضوع الزواج نهائياً .. وكل ما اقول له اعلن
يقول مستحيل اخلي الحريم يتشمتووون فيك
حتى لما جاه الولد بعد البنات كتم فرحتة بنفسة وماخبر به احد
وكل هذا من أجلي !!
المهم وخلاصة الموضوع أنا وهي الآن احلى والله من الأخوات
احبها جداً وهي كذلك .. !!
أصبحت حياتي أسعد واصبح عندي وقت امارس به هواياتي وصلة اقاربي
وكم تمنيت لو انة من زماااااااااااااااااااااان تزوووج !!
يابنت .. لا تحسبون التعدد معضله ولا إنك راح تموتي لو تزوج عليك زوووجك
هي فترة فقط راح تحسي بالغيرة .. وبعدين خلاااص يصبح كل شيء
طبيعي .. وتصبح حياااااتك لها معنى ويصبح عندك
وقت تهتمي ببيتك واطفالك ونفسك وتتفنني بذلك !!
سؤالي من منكم زوجها معدد ؟!
وكيف كانت حياتها قبل وبعد التعدد ؟!
وكيف اخبرها زوجها بموضوع رغبتة بالزواج
وكيف علاقتها بضرتها ؟!