【ツ】أحلى تجمع لأحلى حوامل التوائم 【ツ】 ‏الجزء الثالث

[شنتوره]

ام عايشه سلامتك يعني انتي كنتي سكر وصرتي سكر زياااااااااااااااده
الف سلااااامه عليك ما تشوفي شر انا ما قد عرفت احد اخذ ابر بس يقولون بسكر الحمل احتمي ولا تاكلللي سكرياات ونشوياااااااااااااااااااات
الحمدلله انا وتونزي بخييييييييييييييييير يارب لك الحمد وانتي كيفك
وانتبهي ترا السكر الحمل شين عالحامل احتمي قد ما تقدري عشانك وعشان البيبيهاااات

[leka]

صياح الخير كروشات
ام عائشه ربنا يشفيك ويعافيك
غنو ربي طمنك عليهم وما تشوفي فيهم شر ابدا يا رب
شنتورة ام منصور خجل صباح الخير
ام رفا كيفك معلش حبيبتي انا شفت من توقيعك انك سبقاني بيوم ودي تجاوبيني حركة البيبي اللي في الشمال قلت هل دا عادي وهل الافرازات البيضاء زادت وجزاكي الله خيرا

[رجواي بالله]

سلااام عليكم
كيفكم خواتي اشتقت لكم
غنوووو يارب يطمنك على البيبيات وتشوفيهم بخير وصحه وسلامه،، ادفعي صدقه بنية دفع البلاء تراها زينه
رضاااااك،، ماتشوف شر ندوووو وان شالله يروح الفتق بسرعه
بنات انا موعدي اليوم الظهرررر الساعه 1 ونص ادعووووا لي ربي يطمني عليهم
باقي البنات كيفكم ان شالله بخير جميعا

[غنو حياتي]

صباح الخير

اتمنى تكونو كلكهم بصحه وسلامه يارب
ويارب تطمني يا رجواي على تونزاتك وتجي تطمنيننا ان شاء الله

كروشات

بقولكم ايش صار معي بالموعد امس
رحت الموعد وانا قلقانه بزياده وخايفه وكنت من اليوم اللي قبله بحاله نفسيه سيئه جدا
دخلت عالدكتوره واول سؤال كان منها كيف البيبهات قلت الحمدالله حاسه بحركتهم بس بيبي انشط من بيبي

طبعا قبل شهرين تقريبا كنت بزياره لها وقالت لي ان نبض البنوته ضعيف وعمات تحاليل واليوم اللي بعده رجعت لها وقالت اتحسن
انبسطت الحمدالله بهذاك الوقت وسرت افكر على طول ان البنت هي اللي تعبانه وبكل موعد كنت اروح كنت اطلب منها تشوف لي البنت وتطمني

الولد طول حملي وهي تقول لي انه بالجهة اليمين لاسفل وكنت احس بحركته اقوى من بدايه الحمل والبنت الجهة اللي فوق يسار والحركه عندها ضعيفه

امس اول ما بدت السونار كالعاده بدت تحت واخذت القياسات وشفت القلب ينبض وانبسطت بس كنت ابغاها تخلص بسرعه وتبدا بالبنت
اخذت القياسات وقالت البيبي الحمدالله بخير

طلبتها عالثاني واول ما بدت قالت بصي انا حقولك حاجه انا جمدت لاني اخاف دائما لما تبدا فوق قالت البيبي دا ضعيف ويكاد مافيه نبض ومش حيكمل
انصدمت بس ما بكيت
مع انه بكل موعد من بعد ماتعبت البنت كانت مجرد انها تبدا فيها وتقول لي تمام ابكي من الفرحه
هذه المره ما بكيت لما قالت مش حتكمل

قمت وجلست معاها وقالت انصحك تفتحي بمستشفى حكومي لان الحضانات كويسه
ولان الرحم ممكن يبدأ يرفض الجنين اللي راح يبدا بالتلاشي
وهذا راح يسبب لك طلق وولاده مبكره


صدمتني مره وانهرت


قمت بروح وما ادري ليه سالتها دكتوره اللي ماراح يكمل البنت

قالت لا الولد

بكييييت اكثر

مو لانه ولد ,,ما ادري ليه اتعلقت بالبنت من لما تعبت
وما كنت اهتم بالولد او اتكلم عنه

بس ما قدرت بوضعي اسالها:

انت من اكثر من شهر وانت قلتي لي ان البنت هي التعبانه وانها هي اللي فوق
كيف تقولين لي الولد هو التعبان؟؟


اللي مصبرني انه حاسه بالحركه اليمين قويه واللي فوق خفيفه بس حاسه

معقوله احس حركه البنت فوق وتحت ويمين
والولد صح ما يتحرك

بنجن من التفكير

بس موكله امري لربنا
وان شاااء الله قادر ربي وكريم يخيب كلامها ويكذبه
ويسلم لي الاثنين ويكونو بصحه وبعافيه

ان شاء الله بروح اليوم لدكتوره ثانيه وبشوف ايش راح تقول لي

وانا رااااضيه ومقتنعه بلي راح يكتبه ربنا
وكلي امل بالله ما يخيب لي رجاء ولا يضيع لي تعب

[ام منصور]

مرحبا يا حلوات
الغاليه رضاك ماعليج من الدكتور فيه رباط وايام قبل ماكان فيه رباط وكنا نستخدم الطريقه التقليديه اللي خبرتج عنها لكن الحين اطوروا انتي خليها تتقبل المصاصه احسن عشان ماتصيح
وماتشوفون شر ان شاء الله

غنو حياتي
اتكلي على الله يا بنت الحلال واتصدقي عن البيبي وربي يقويه ويتمم لج ان شاء الله على خير
انتي ريحي نفسج وتمي اقري واستغفري واتصدقي وبتشوفين الفضل منهم
اسال الله العظيم ان يشفي اجنة الغاليه غنوا
اللهم امين
شنتوره والله طيحتي قلوبنا هههههههههههه

ليكا ياصباح الورد ياقلبي

رجواي بالله
صباح الخيرااات الله يوفقج ان شاء الله ويطمن قليبج عليهم وربي يحرسهم بعينه اللي ماتنام
ويحفظهم لج ويتمم عليج وعلى ريماس وام وعد ان شاء الله

[REEMAS]

غنو حياتي الله يطمن قلبك ان شالله واشربي ماي زمزم بنيه الشفاء واقري الرقية وتصدقي بنيه دفع البلاء والله يكتب اللي فيه الخير ان شالله
اللهم ارهم عجائب قدرتك *

[ام منصور]

غنو لما تروحي لدكتوره ثانيه لا تقولين لها انه فيه واحد من الاجنه تعبان انتي شوفيها اهي شو تقول
وبعدين خبريها
وان شاء الله تكون مخطئه لازم يخوفون الام ويقلقونها بس رب العالمين ابصر بعباده

[أم عائشة]

غنو حياتي الف لاباس على البيبي وتوكلي على الله واستودعيه الرحمن الذي لاتضيع ودائعه
اسال الله العظيم رب العرش العظيم ان يطمن قلبج على تونزج وتشوفينهم بين يدينج واهو بالف صحة وعافية يارب
اليوم روحي لدكتورة ثانية وان شاءالله تتطمني وتطمنينا يارب

شنتورة فديت قلبج والله محد السكر الا انتي وكلامج
والله يااختي انا مااكل كلش حلويات ولااحبها اصلا
بس السكر عندنا وراثة والحمدلله على كل حال

ليكا الله يعافيج اختي وربي يتمملج على خير يارب

رجواي ان شاءالله ماتسمعين الا الاخبار الطيبة اليوم ربي يتمملج على خير انتي وريماس وكل الحوامل يارب

[أم عائشة]

انا مع ام منصور برايها لاتقولين لها
وصدقتي ياام منصور هالدكاترة اختصاصهم التخرع
بس شنقول مالنا غنى عنهم والحافظ هو رب العالمين

[أحلى أيام العمر]

حبيبتي غنو الف سلامه عليك وع البيبيهات ماتشوفون شر يارب والله حاسه فيك وانا مع ريماس كثري من زمزم وتوكلي على الله يارب يتمم لك ولنا بخير امين