تجمع سيدات ليبيا الغاليات..

[اوشي]

سلمك يالغالية ...

قبل بنطلع بعدها قلت خليني نرد عليها قبل

بوسي جمون الحلوة

[جوهرة ليبيا]

وانتي من اهله وليلتك سعيده

اثوره ياريت اتخشي اطمنينا عليك الاوضاع جيهتكم قالوا متلخبطه والله اعلم مشكله بين عائلتين

ربي يحفظكم ويحفظ كافه ليبيا ويحقن الدمااء

[جوهرة ليبيا]

اذكار النوم حبوبات ونتلاقوا عالخير يااااارب

[dr.loly]

صباحوووووووووو

[dr.loly]

امس كنت لآهيه من الصبح
ف التحضير للعزومه خديت ريست ساعه
2ونصف لي 4 ..

كسدنا ع تيلفزون شوي ومنها نرضع لولي
لان بسلامتها انفلونزا قويه
واخده وباتها عانها واجد امس

تغدينا كبة وعرايس (فطائر بمفرووم لبنانيات) وكول سلو

وانطلقت للمطبخ من جديد

قلي الحوت لي نين دخت اخرتهااا

واخر شئ البيتزا عشان تجيهم طازجه
والحمدلله كل شئ جا تمام..
حتى بالهفواااات البسيطه ل صارن من دوخه

[dr.loly]

سوسو الكبس عشان تطلع متناسقه ومتساويه وماتنكسرش..
هذه مايعرفهوش واااجد الطريقه ..تعتبر من اسرار المطبخ اللبناني

وهي ذاكرها الشيف رمزي ف كتابه..

وامتاع الجبنه هذه مدايرتها منال العااالم ع فكره

لكن ماجربنهاش..

حبيت انفيدك بالطريقه زي مانقولو عندنا
وديتك بها ود..





هدية طريقه الكوشه عارفتهااا هذه المتعارف عليها اصلا
والظاهر انك فنانه فيهاااا حتي هي روعه..

الكنافه هذه هالم بروحه
واكيد كل وحده لها طرقها الخاصه
ماشاء الله خصيصا ان البنات
هنا كلهن ملكات طبخ



نا نحب نديرها

ف رمضان كور
او ف كبابي الشاهي مضغوطه

ولكني احب كنافه امي ف كوشه

لي محشيه مكسرات


خطرن عليا القطايف ههههه

اشتهيتهن

خصيصا بالقشطه
يمي يمي

[dr.loly]

سلم يدياااتك اوشتي ع الاطباااق الشهيه
والكيكه ..

بس ليش الجيلاتين ...؟؟


شفتي طريقتي ف التشيز كيك

من ابسط الطرق ..
حتى لي نعطيها لها تقولي مش صعبه

وبالجيلي روووعه صح

هلي غاليه عليهم

لكن الحق نا مانحبش واجد

[dr.loly]

فيفي ماشاء الله مبارك ماشريتي للاموره
فعلا ملابس المواليد والاطفال لا تقاوم
ههههه

اخر مره شوبنق الجمعه
ماحكيتش عليه
منزلين دبش ربيع نفس صيف
خدينا تشكيله للصيف بعد نروحوا

خصيصا دبش البنااااات اروع الحق
يسهــــــــــــــف


ع قولة سوسو
قلبي الضعيف لا يتحمل هههه


واكيد كل لي عندها بنوتااااات

نفس الشعور





ولاباس عليك ان شاء الله ع الحساسيه

ان شاء الله بعد الولاده تزووول

[dr.loly]

ام وسووونه

الحمدلله ع سلامة سلفك

وربي يهدي العباد ويصلح البلاد

والله قعدنا ف حالة يرثى لها كلا نحن الليبين

نحسابه انصار الشررر متمركزين ف بنغازي
اثاريهم حتى عندكم ..
لاحول ولاقوة الا بالله العلي العظيم

[dr.loly]

جيجي لاباس ع جمووون

ان شاء الله افضل توا

وكيف حال رنووو ..

بالنسبه لطرق التشيز منزلتهم من قبل

عادة اي طريقه نحطها ف التجمع نقصد الرابط

ولي يدخلوو بالعادة اوشي واثري وسوسو

يمكن مانتبهتيلش الرابط بس..



بنسألك ع والدك الله يحفظه
ان شاء الله وضعه الصحي افضل؟؟