【ツ】أحلى تجمع لأحلى حوامل التوائم 【ツ】 ‏الجزء الثالث

[رضاك ربي]

جمعة مباركة كروشات وسلامي للجميع
ان شاء الله براسلكم يومي على حسب ظروفي

[غنو حياتي]

صباحكم عسل
مافي ولا كرووووشه صاحيه

[غنو حياتي]

ام رفا صباحك رواااقه
شنتوره بعداسبوع بتنط للسادس
وانا بعدها باسبو
وانت بتنطي قبلنا للسابع
وخجل بتنتقل للمرحله الرابعه

انت بتمشي على حسابك
ولا حساب السونار؟؟

[مايهم]

مساء الخير ياروع حوامل
طبعا لي شهر من ولدت وختفيت عن التجمع تعرفون التوينزات يبي لهم

اكششن ولادتي..
طبعا جلست لين اخر التاسع قبلها بكم يوم ولدت..وتعرفون احسابات الدكاتره المهم\

انو حسيت بتقلصات طول ذيك الفتره ويوم الاثنين زاد شوي فرحت مشيت ورجعت البيت
تبخرت بعود وشربت حليب زنجبيل طبعا الزنجبيل نكهته تكون اقوى..
لما جاء الصباح حسيت بمغص يعووور وشد في ظهري
وصار يجي من فتره لفتره..
قلت بروح للمستشفى ورحت وجلست كدا صار يتقارب الالم كل خمس دقايق تقريبا
وهاتلك من الاهااات مثل منتو خابرين ههه

مير الله يسلمكم يوم انه جاء الظهر خلاص صار يزيد طيب يبون يكشفون لجل يعرفون كم مفتوح
وانا جبانه مو قادره اخليهم يكشفون طبعا بالغصب كشفت الدكتوره وشوتها مسكينه بس تستاهل ههههه لانو اخلاقها تجاريه وقالت مفتوح ثنين
وجلست ابكي ليش تكشف ههه
ونزل معي مويه ودم
وطلعوني فوق لين يزيد الطلق يدخلوني الغرفه
وهي مره وحده كشفو علي وبعدها مارضيت من يجوني صرت ارفسهم واقول مابي خلاااص
جاتني الدكتوره والاستشاري وقررو لي عمليه قالو لحالتك لازم عمليه
لانو بكريه واحد راسه تحت وواحد على جنب ومايدرون لو نزل الاول ذاك بينزل وراه او بيعترض

جات الساعه خمس العصر ودخلوني غرفة العمليات وطبعا هناك سويت اكشن ههههه
قالو لازم قسطره وقعت على مسؤليتي مابيها الا اذا عطوني البنج هههههههه
حسيتني خكريه قوووه
مارضو وغصب عني ركبوها وانا ابكي وحالتي حاله
يعني مو هامني الطلق والعمليه اهم شيء لايكشفون ويركبون قسطره
ههههههههههههه
المهم مالكم بالطويله
دخلت غرفة العمليات وكنت ارتجف بقوووه حسيت عالم ثاني كاني بودع خلاص
استودعت نفسي وبناتي ربي ونمت مع البنج
ومافتحت عيوني الا الساعه تسع كنت بغرفة الملاحظه
اشوف الممرضات يروحون ويجون مو مستوعبه
لين قدرت انطق بيبي انا تمااام

قالو اييه توينز انتي كويس وحلوو
يوووه ارتحت وغمضت عيوني وبعدها نقلوني للغرفه العاديه

طبعا ثلاثه ايام ضليت بالمستشفى ورابع يوم الصبح قالو توكلي بيتكم
وبببس

وهذا بناتي جنبي كملو شهر والحمدلله يارب بصحه وعافيه
سميتهم ليان ولارا

يووه من جد معاناة التربيه وربي مانام عدل..

والحمدلله على سلامت كل وحده ولدت وربي يسهل على الباقي يااارب

[أم جبر]

المشاركة الأصلية كتبت بواسطة رضاك ربي

انا قيصري وكانت عمليتي مقررة اول يوم بالتاسع لكن تعبت بنص الثامن وعملت العملية وصراحة طلعت اسهل بكثير من توقعاتي يعني من تاني يوم كنت ابي امشي واتحرك لدرجة ان الطبيب قال لا تتحركي ويشوفونك الناس بتنحسدي من اول يوم عملية صحصحت بس كنت عطشانة اللي تعبني البلغم بعد العملية كل ما اسعل تألمني عمليتي
البنوتات بخير يعني بد؟أت تنتظم امورهم حمدلله ولاني وحدي اعتني فيهم صحتي تراجعت يمر اليوم وانسى الاكل والشرب ربي يسلمهم اما يبكون سوا او حتى بالتناوب وبالحالتين تعب مافي راحة لي حمدلله الله يقدرني بالعناية فيهم

ما شاء الله
اي الكحه والعطاس يتعبون اذا عندج جراحه !!

ان شاء الله كل عملياتنا سهله نفسج ...لان وايد احاتي هالموضوع !
...
وعندي سؤال لج فديتج ولا عليج امر انا بعد.. شلون كانت عنايتج ببطنج والترهل بعد الولاده مع القيصري؟
..........................................

ما يهم

هلا وغلا .. الحمد لله على السلامه ... يتربون في عز اهلهم ويحفظهم لكم يا رب !!
ويسهل عليج وعلينا تربيه عيالنا يا رب وما تصير حالتنا جذيه >> خخخ

اخبارج بعد العمليه؟ ان شاء الله كانت سهله وما تعبتج؟؟؟
وشلون عنايتج بالقيصري بعد الولاده ؟
....
عندي بعد سوال ولا عليج امر ههههههههههههههه
لو عندج واحد من التونز خلال شهور الحمل كان حركي وايد لما تعملين فحص تلفزيون
ويمكن على كبر اكثر ههههه بس ما جربت
هل يعني انه بيكون حركي بعد الولاده ويمكن مزعج في التربيه اكثر من الثاني؟

[رجواي بالله]

الف الحمد لله ع السلامه مايهم،، ويتربوا في عزكم ان شالله
بس بالله مايستاهلوا كل التعب في الحمل والولاده،، فدييييتهم

[ام عمر ..]

الف مبروك لاختي ما يهم ويتربون في عزكم
ام رفا هذي الساعه المباركه اللي تتقهوين معاي
بنات الصراحه ان حواملنا بين عليها التعب من جد الله يحفظهم بدو يثقلون انا ادخل الاربعاء الضحى وبعدها خميس وجمعه ما اقدر ادخل ودخلت الحين مافي الا3 صفحات صرتو كسلانين خخخخخخخخخ
ام منصور لك وحشه يالغاليه الله يصبرنا باقي هالاسبوعين

[أم عائشة]

السلام عليكم شخباركم

غنو حياتي الف الحمدلله انج تطمنتي على التوينز فديتهم والله
ربي يخليهم لج ويخليلج غنو

ام رفا شخبارج قلبؤؤ
ويلا مابيقالج شي وتوصلين السابع ماشاءالله
ربي يتمملج على خير ياااااااااااااارب


رضاك ربي مشكورة اختي على ردج وربي يخليلج اميراتج ياااااااااارب


مايهم مبرؤؤؤؤؤؤؤؤؤؤؤؤؤك اختي الف الحمدلله علىسلامتج واساميهم رؤعة ماشاءالله
وشخبارج الحين ان شاءالله الم العملية راح

شخباركم كروشات
روح المحبة وووووووووووووووووووووووينج؟؟؟؟؟؟؟؟؟

[REEMAS]

غنو حياتي مشكورة عالدعوه والله يتمم لج يارب
اليوم مارحت بيت هلي زوجي مارضى اروح لان المسافه ساعه بالسيارة لين بيتهم بس فديتها أمي اعذرتني حتى طرشتلي غدا مع السايق اللي من شفته ارجعت لي اللوعه مرة ثانيه مع أني احب برياني الربيان والحين قاعده اشرب شاي علشان تخف اللوعه واقدر اكل ما كلت شي من امس بس اشرب
بنات أخباركم يألله كل وحده تقول لنا متى موعدها الجاى للسونار
سؤال إحنا حوامل بتؤام ليش ما يعطونا موعد كل اسبوع . أسبوعين وايد يذبحنا
الوسواس والمحاتاه *

[رضاك ربي]

وين الحماس بنات كنا انشط منكم بالحمل كنا نستانس نتشارك الاحلام والالام والهواجس وندعم بعض
بالمناسبة وين ام منصور الغالية ؟ الله يسمعنا الاخبار الطيبة عنها
ام عائشة تسلمين حبيبتي
ام جبر حبيبتي حمدلله التشققات عالجتها بكريم نصحتني فيه صديقة جزاها الله خير اسمه ميبو من شركة جلفار متوفر بكل الخليج والترهل حمدلله لايصدق شي بسيط لايذكر ما خلص الشهر الا الترهل متلاشي والعملية بدون مبالغة كانها مو صايرة الطبيب بارك الله فيه مو تاركلها اي اثر