【ツ】أحلى تجمع لأحلى حوامل التوائم 【ツ】 ‏الجزء الثالث

[أم جبر]

المشاركة الأصلية كتبت بواسطة شنتوره

بنااات الدكتوره حولتني على قسم الاشعه الثلاثيه بس يوم الاثنين بس مدري بتقولي لا سالتها عن جنس توينزاااتي ولا بتقول لي روحي شوفيها عند دكتووورك ما فيني اصبر

نظرا لكونج مب حاطه توقيع ههه
اي شهر انتي فديتج ؟؟
.................................................. .........

المشاركة الأصلية كتبت بواسطة عوسه

سلام انا داخله غلط

حبيباتي ماشاء الله عليكم والف مبروك وربي يتمملكم على خير ان شاء الله

بليز بغيتكم تجاوبوني

مين منكم حملت طبيعي يعني بدون منشطات

ومين اللي استخدمت منشطات ياليت تفيدني اش استخدمت
وكيف ؟

بليز جاوبو لا تردوني

حبيبتي اغلبهم حمل طبيعي بدون منشاطت او عندهم مشاكل ما يحملون وحملوا مع العلاج ومن قوه العلاج ولزياده نسبه الحملقابليه التوام تكون اكثر عندهم
..
ونصيحه لوجهه اللـــــــــــــــــــــــــــــــــــــــــــــــ ـــــه
بكره بتقولين ياليت حد قالي
.. المنشطات بدون وصفه طبيه عند دكتور مب مادي =عمليه انتحاريه
لان الي الكل يتجاهله عيوب المنشطات
تسبب زياده في الاباضه ومن كثر النشاط بيصير تعدد وما راح يطلعون وبالتالي يموتون في مكانهم ويسببون تكيس لو تخسين 20 كيلو ما يروحون .. وبتدعين تبين ظفر ياهل ويمكن بسم الله عليج ما يحصل لج وبعدها تقولين ياليت وياليت !!
هالشئ حذروني منه 3 دكاتره كنت اتابع عندهم !! يوم كنت اسالهم عن العلاجات وانواعها وكذا
..
اول شئ افحصي انتي وزوجج عن قابليه الحمل الطبيعي
انتي=فحص دم +تلفزيون+فحص عن التهابات عنق الرحم+انتظام الدوره
زوجج= فحص دم+ فحص للسائل ولازم مافي جماع قبلها افضل باسبوع من ناحيه الحركه والقوه والسرعه وغيره+فحص شكلي .. وهاي كله يتم عند دكتور للذكوره
...
اذا عرفتوا المشكله .. اسعوا ورى علاج لحمل طبيعي باستشاره دكتور شاطر معروف عندكم ..
ومره سمعت في الاذاعه ان حرام على وحده تحمل طبيعي ان تلجا لعلاجات مثل المنشطات او التلقيح او الانابيب لانجاب توام او لتحديد النسل !!

اعرف وحده من اهلي سمعت كلام صديقاتها بانها تاخذ منشطات معروفه وياببلفيت الكل يستخدمها .. علشان تحمل بتوام"اهي عندها اطفال من قبل" وحملت وجابت ما شاء الله 3 توائم .. لكن مب سليمين .. فيهم اعاقه ومشاكل في الاعصاب والذهن !!
هاي وحده من قصص وايد لحريم تعقموا او بسبب المنشطات وادويه من دكتور تجاري يحط لهم القمر بيد والشمس بيد لاي شئ يطلبونه ..صارت بطانه الرهم مهاجره <مرض متعب الله يكافينا شره ابحثي عنه اذا حابه

...
اسفه على الاطااله
لكن اذا تبين توام
اصدقي النيه وكثري من اعمال الخير وحسني علاقاتج بالناس خاصه اذا لا سمح الله ظلمتي حد ويمكن دعى عليج لا سمح الله !!
والاهم تلزمين الاستغفار بنيه الحمل بتوام .. وبتحملين ان شاء الله بصحه وسلامه <صارت وايد واظن في وحده بينا اهني حملت بالاستغفار ما شاء الله
وتصدقي علشان الله يرفع دعائج !!

واسفه .. ادري الكلام ما يعجب لكنه الواقع .. وصحتج بعد اولى
ما اظن تبين سن الياس يجيج بدري او تعتفس هرموناتج بالسنين بسبب رغبه ربي مب راضي عن طريق تنفيذج لها

[روح المحبه*]

مساالخيرات ..
كيفكم
بنات تعبانه يارب تعدي هالشهور قلبي بيطق

[أم عائشة]

ام جبر مساءج عسل شلونج حبيبتي
ايه والله في محلات حلوة عندنا بس الصراحة اسعارهم غالية شوي
ويبيلج تروحين لبنان تراها رؤعة
وانا نفسج ماانزل لها بالصيف انزل بشهر 1 او2 حق البراد والثلج ههههههههه

روح المحبة سلامات اختي شفيج عسى ماشر

عوسة
ترى ام جبر كلامها ذهب وماقصرت
انا عن نفسي سويت انابيب لانه عندي مشاكل بالتبويض وزوجي عنده ضعف بالحركة رغم انه اولادي الثنين يبتهم طبيعي الحمدلله
والله يعطيج اللي تتمنينه يارب

[غنو حياتي]

مساء الخير

روح
سلامه قلبك من التعب
بتعدي ان شاء الله بس اصبري شوي
ربي بيهونها علينا كلنا ان شاء الله

ام عايشه
الف مبروووووك وربي يتمم لك على خير

شنتوره
انت لا تسالينها عن الجنس
سي نفسك عارفه انهم بنتين مثلا
اتكلمي معاها انك مستعده لهم بديتي تجهزين من هذا الكلام راح تقولك ,,,انا متاكده

[غنو حياتي]

ام عايشه
حابه اسالك بترحي لبنان 1 هجري ولا ميلادي
سامعه عن زين الاتات؟؟انا جربت منه كريم قبل الزواج ومره نفعني
حابه اخذ مجمعه كريمات منه لكن عندنا بالسعوديه اسعاااارهم نار رفعوها لما شاف الاقبال
اذا مااااافيها كلافه راح اوصيك بطلبيه ابغى احد مضمون
لقيت بنات بالنت بس ماااا اضمنهم

[F6Oosh]

المشاركة الأصلية كتبت بواسطة غنو حياتي

فطوووش

الله يتقبلهم بجناته ويغفر لهم يارب
التوزيعات حلوة..وتدي جو حلو ذكرى احلى
التجهيزات افضل عالسابع تكوني اتاكدت من جنسهم,,
وانت ماشاااء اله وصلت السابع يعني شدي همتك وعالسوووق جهزي لنفسك وللبيبي
وابداي بتحديد التوزيعات والكميه والترتيبات من الان
وربي يقومك بالف صحه وسلامه انت وتونزاتك
حابه اسالك ياعسل..انت من السعوديه؟؟

امييييين يارب
مشكوره ياقلبي على الرد ومن اليوم ببداء بالترتيباات
يب انا من السعوديه ومن الرياض بالتحديد..

[F6Oosh]

المشاركة الأصلية كتبت بواسطة صغيره بالعمر

حوامل اللي معي اصمدواا

وربي خفت اول شي احب توينز وبعدين عواشة

من جد احس كاني انااا قلبي معورني عليكم

وخوفتوني كثيررررررررررررررررررررر وربي جلست ابكي مو بس خوف و عليكم انتو بعد الله يحفظ بنات عوااشة يارب وتقر عينها بشوفتهم يااارب


هتون وفطوش انتو قراب معي انتبهوا ع نفسكم

عواشه وش سبب الولاده

انتي انتبهي ع نفسك وداايم استودعيهم الله
انا بطني مرااا نازله من المشي بالجاامعه بس الله يستر

[أم عائشة]

غنو حياتي انا ان شاءالله شهر 1 ميلادي ترى مااعرف بالهجري ههههههههه

وايه اكيد اعرفه رغم انه والله عندنا بالبحرين منعوا منتجاته يقولون مضرة
مااعرف بس اهو مشهور جدا بلبنان بس انا ماجربته الصراحة
وافا عليج حاضرة لج ان شاءالله اذا تيسرت اموري وبروح لازم اخبرج وامري اي شي قلبؤ حاضرة لج

[أم جبر]

المشاركة الأصلية كتبت بواسطة روح المحبه*

مساالخيرات ..
كيفكم
بنات تعبانه يارب تعدي هالشهور قلبي بيطق

الله يكون في عونج يا رب
حاسه فيج
لان توها اليوم بدت تخف علي >_<" بس بعدها ما راحت
فعلا معاناه
خاصا اذا جاج االله يكرمج امساك

......................................

المشاركة الأصلية كتبت بواسطة أم عائشة

ام جبر مساءج عسل شلونج حبيبتي
ايه والله في محلات حلوة عندنا بس الصراحة اسعارهم غالية شوي
ويبيلج تروحين لبنان تراها رؤعة
وانا نفسج ماانزل لها بالصيف انزل بشهر 1 او2 حق البراد والثلج ههههههههه

هلا والله
تدرين في حياتي ما رحت دوله حزه ثلج .. يمكن وانا صغيره ما اذكر
بس حزاتي كلها صيفيه او الجو يكون معتدل فيها طول السنه..
طبعا عكس زوجي الي ما شاء الله عليه حتى مشى فوق بحيره مثلجه في بلد اوروبيه نسيت اي وحده<مجازفه بشعه ..
احس ما راح استحمل في المناطق الثلجيه اكثر من يومين هههههه
لاني ما احب المكيف والبرد ودوم بردانه هههه

بس نا انكر دخلت مناطق ثلجيه في دبي
الكافيه الثلجي في تايم سكوير وبعد المدينه الثلجيه في مدينه مدهش
وبعد السكي دبي في امارتس مول

لكن ثلج طبيعي ما شفت واخاف اجازف ههه
...................

وعلى طاري زين الاتات .. ترى اظن عندنا وكيله
شوفي دعاياته بتلقين المورد عنكم
لكن سمعت اشاعه ان منوعوه لان في خلطات مب زينه

[أم عائشة]

فتوش شخبارج قلبؤ وشخبار التوينز
الله يعطيج العافية يارب ويتتملج على خير
شنو جنس بيبياتج؟؟