【ツ】أحلى تجمع لأحلى حوامل التوائم 【ツ】 ‏الجزء الثالث

[دلـــوعــه عـــــبوديـ]

قبل شوي نزل نقطه دم والمشكله زوجي دوامه بعيد برامكو بس الحمدلله انا عند امي

[غنو حياتي]

دلوعه كلمي دكتورتك
ولا روحي المستشفى الله يعافيك لاتنتظرين

[أم عائشة]

السلام عليكم جميعا
شخباركم خواتي وحدة وحدة وربي وحشتوني
مشكورين لكل اللي سال عني والله انكم ماقصرتوا
ترى كنت اتابعكم بس من الايفون ومااقدر اكتب منه يعل الجبد لانه اللاب توب ولدي ماقصر كان يشرب شوربة وشربه معاه هههههههههههههه


المهم حبيباتي انا هالايام اللي طافت كان دايما ينزل مني دم وردي وكانت النفسية الله لايراويكم بس الحمدلله على كل حال
رحت البارحة عند الطبيب وسوالي كشف مهبلي وقالي كيس الحمل الحمدلله بمكانه وهالدم لاتخافين منه على قولته يقول من المشيمة وقالي لاتخافين ووقفي الاسبرين والحمدلله من امس الظهر وقف علي الدم
بس شكلي مابكون معاكم بهالتجمع لانه شاف بس كيس واحد
ممكن احمل بتوام وماعندي الا كيس واحد؟؟؟

وايه انا دخلت الثاني ترى رفعوني عاد خخخخخخخخخخ
وشكله ابتدى الوحام هههههه كله نايمة والروايح القوية مااقدر عليها
ادعولي اسمع النبض موعدي معاه عقب عشرة ايام عشان النبض ادعولي الله يخليكم
ومشكورين مرة ثانية على سؤالكم عني الله يتمملكم على خير اجمعين يارب

[أم عائشة]

ايه تذكرت حبيباتي
منو منكم تستخدم تحاميل مهبلية؟؟؟
انا كنت استخدم الجل المهبلي بس كان يسوي لي حرقان فقالي الدكتور غيريه واستخدمي تحاميل
المشكلة ماعرفت احطها
كل مااحطها تطلع شسوي من امس وانا موعارفة احطها روحت اكثر من 5 تحاميل على الفاضي

[أم جبر]

المشاركة الأصلية كتبت بواسطة شنتوره

بنالت ما جاني النوم فيني ارق وفيني بدايه زكمه وارتفاح حراااره شسوي
اخذت كاس عصير برتقال بس لازال العطاس وسيلاااان الانف مستمرااا وش اخذ شي طبيعيي

حبيبتي للزكام .. تبخري باوراق الزعتر .. حطيلج فحمتين في المدخن وعليهم كم ورقه زعتر وشميه اخذي نفس عميييييق !!!!!
...................

المشاركة الأصلية كتبت بواسطة F6Oosh

بناااات باركولي شووفو الشريط دخلت السابع

يممممممممه قربت للتاسع
الله يسهل علي باقي الاياام وباقي الكروشاات ونشووف توينزاااتنا بصحه وسلامه يااارب ..

مبرووووك مبروووووك ... عقبالي يا رب .. اميييين يا رب من بوئك لباب السما على قولتهم

.................................

المشاركة الأصلية كتبت بواسطة غنو حياتي

ام جبر
اخبار الوحام..لسه متعبك
ربي يعينك

هلا عزيزتي .. انتي شخبارج ؟....والله الوحام يلعب معاي تركس هاليومين
ساعات اقول الحمد لله بدى يخف ..بعدها يرجع بقوه

......................

المشاركة الأصلية كتبت بواسطة درة البحر

بنات بقول لكم وش صار ليأ في ول يوم لبنتي لما رحت أوديها الروضة

بعد ماخلصت أوراقها وسلمت الملف رحت أشوفها وهي تلعب مع الأطفال وظليت واقفة لأن ماحصلت كرسي أجلس عليه وكان فيه حرمة جاية مع ولدها والظاهر أنها حاطة عينها علي وعلى كرشتي ماشفتها الا جات يمي وقالت لي حرام عليك روحي البيت أو شوفي لك مكام جلسي فيها باين عليك ثقيلة أكيد هذا شهرك راح تولدين قريب قلت لها اي قريب ومشيت عنها وانا أضحك في داخلي قلت هذي لو قايلة لها توينز وش بتقول ههههههه

قل اعوذ برب الفلق هههه بعد صج الوقفه مع الثقل متعبه لج ويمكن تورم ريلج فحاسبي عزيزتي
..
ومره ثانيه لو جاتج وحده جذيه كبري سبع مرات واقري المعوذات لا تنضلج !!!


..............................
درة البحر

الله يسهل عليج يا رب ويطمن قلبج واحنا وياج يا رب .. انا من الحين عندي هالخوف >_<" بس احاول ااجله خخخخخ
................................

المشاركة الأصلية كتبت بواسطة مشمشه روحي

ام جبر

اخبارك مع الوحم انا فضلت اربع شهور في الوحم بس حاولي تهوني علي نفسك وان شاء الله ايام وهتعدي

ان شاء الله يا رب !!!!

...................................
دلـــوعــه عـــــبوديـ

لا تتوترين علشان نقطه دم !!!
واتصلي بدكتورتج اساليها !!!ان شاء الله ما في الا كل خير ريحي نفسج واخذي نفس عميق وارخي جسمج علشان يترخى البيبي لان توترج في هالمرحله ينتقل له !!!
اذا استمر التعب او شفتي زياده دم روحي المستشفى احسن !!

...............................
أم عائشة

لولولوووووووووووووووووووش مبروك دخول الثاني
عقبال ما تسمعين النبض ويفز قلبج وياه
وبخصوص التحاميل .. انا دزااااستر معاها ما احبها ولو وصفولي اياها اقول شوفولي بديل ان شاء الله 5 ابر في اليوم المهم ما اخذها لان ما اعرف لها ولا لا تعطوني
.....................................
واخباركم حوامل .. كروشه كروشه؟
يقولون دام حمل بتوام ممنوع المشي او الطلعه اكثر من مره او مرتين في الاسبوع .. انتوا شرايكم وشراي دكاترتكم ؟؟؟

[شنتوره]

هلا بناااااااااااات اخباااركم
غنو انا تعبااانه مزكمه واحس برااااسي هواءهههههههههههه بكرا موعدي ايوه ومتحمسه كثيييييييير ومع موعدي بكرا بتعطيني زياده تحويل عالمستشفى الكبير تصوير ثلاثي الابعاااد
عشاان تتاكد بخصووص المشيمه هل هي مشيمتين ولا مشيمه وحده
غنو بكرا اللي بيوديني للمستشفى ابوي الله يخليه ويطول بعمره واخاف تقوله الدكتووووره ههههههههانهم توينز بنصدم شكلي بقوله وبس

[توتا بطوطه]

المشاركة الأصلية كتبت بواسطة مشمشه روحي

كل البنات اخباركم
ان شاء الله طيبن
ام منصور
ازيك يا عسل ان شاء الله طيبه
توتا بطوطا
انا حد من التوينز اكبر من التاني باسبوع عندي والحمد الله مفيش مشاكل

تسلمى مشمشه طمنتينى كتير انا بقالى فتره لا بدخل التجمع ولا بحاول افتكر انا فى اى اسبوع لان الدكتور كان قال ان ممكن واحد يموت فى خلال الاسبوعين الحالين

تسلمى

[ام ساره وسبلاء]

المشاركة الأصلية كتبت بواسطة رضاك ربي

غنو حياتي حمدلله اكيد كبروا ووضحت ملامحهم كان في بينهم فرق بي ملامحهم تتشابه كل يوم اكثر وتصير معي سوالف تضحك احيان اغير الحفوظة لوحدة منهم مرتين بدون ما انتبه وزوجي مستغل هالنقطة ويعمل فيني مقالب يبدل اماكنهم ويوقعني بهفوات ههههههههه بس تصدقون كل التعب وقلة النوم بالحمل تنتسى بشوفتهم الله يكتب لكم السلامة جميعا ولتونزاتكم الحين التعب والسهر له شكل مختلف والمصيبة لو جاعوا الارانب بنفس الوقت وحتى لو جاعوا باوقات مختلفة تحسين بعد تعب لان مافي راحة بين الاهتمام بالارنبتين برغم والدتي تساعدني وزوجي بيسهر معي غالبا وبرغم اني ما ادري عن شغل البيت بشي الشغالة تشيل وتحط ولا ادري عنها والوالدة مهتمة بالطبيخ وكل هالشي اتلهف للحظة نوم او لحظة راحة او حلقة مسلسل بس صدقوني سعادتي اكبر من تعبي وارهاقي

الف الف الف مبرووووك حبيبتي رضاك ربي

حمدا علي سلامتك مبرووك بناتك يتربون في عزكم ودلالكم يااارب

اخبارك مع السهر مع الكتكوتات,

وزيما قلتي بننسي كل تعب الحمل بشوفة عيالنا

في حضننا .

[رضاك ربي]

هلا ام سارة مشكورة يالغلا مشتاقلك حبيبتي طمنيني شلون السهر بعد الشهر ان شاء الله يستقر حالهم ؟ لاني للحين مو منتظمة بوقتي كلشي عشوائي خايفة اكون اتعامل غلط بالعشوائية لاني سمعت على صباح الخير ياعرب لازم نتبع جدول بالرضاعة ممممممممم ما اقول الا الله يهديهم ويعافيهم بناتي وبنات المسلمين جميعا

[رضاك ربي]

نصيحتي لكل الخوات الحوامل لايسيطر عليكم القلق ولا بأي مرحلة من المراحل من توكل على الله فهو حسبه وربي بيسر الامر ماتتوقعون ربي شلون بيسرها انا ولدت بنص الثامن وعملية وكانت عملتي بفضل الله سهلة وميسرة وكل ما اسمع وحدة تولد طبيعي اتحمد ربي على العملية انا كنت اكثر وحدة ااشتكي بالتجمع والحين اتذكر واضحك على نفسي وما انسى خواتي بالتجمع ببارك الله فيهم كانوا يدعموني كانت صحبتنا بلتجمع ومشاركتنا مخاوفنا واحلامنا احلى فترة وتركت اثر طيب فيني اتمنى للجميع بالتجمع الخير لكل من شارك فيه واهتم فيه وتواصل اهنيكم
واخيرا انتظروني بالحمل القادم
...
...
...

لاتصدقون ترى قاعدة على قلوبكم هههههههههه