【ツ】أحلى تجمع لأحلى حوامل التوائم 【ツ】 ‏الجزء الثالث

[ام رفا]

مرحباً ام عايشة
ماشاء الله و الحمدلله ربي ريحك وأنشاءالله ع طول تكوني مبسوطا
والابرة حقت التثبيت تنفع انشاءالله ماضر وكلي أمرك ربنا وخذيها
عشان تحافظي ع حملك بإذن الله

[أم عائشة]

المشاركة الأصلية كتبت بواسطة الوردة النرجسية

.

أم عائشة أني من البحرين إلا عمل لك العملية د. أحمد بركات وكم كلفتك العملية لأن أختي عملتها قبل اسبوعين وفشلت وناوية تعملها مرة ثانية راح تروح لمركز البركة.


.

هلا فيج اختي الله يخليلج عيالج يارب وتفرحين فيهم
اختي انا اتعالج بمركز البركة بس عند الدكتور حاتم مو احمد\اهم نفس الشي ترى
يعني انا اللي سوالي السحب حاتم وعقب سافر واللي رجعلي اياهم احمد والحين اتابع عند احمد لانه حاتم مسافر لمدة شهر
بس ماشاءالله اثنينهم احسن من بعض
اختي السحب والترجيع ب800دينار
بس الابر يختلف سعرها من وحدة للثانية على حسب الحالة
يعني انا سويتها اول مرة من سنة تقريبا بعد بنفس المركز كنت اخذ ابر الوحدة كانت ب65 دينار يمكن خذيت 13 ابرة وحملت ولله الحمد بس الله ماكتب للحمل يستمر
وهالمرة زود لي الابر صرت اخذ الابرة مقدارها 450 الاولى كانت 300
فكانت الابرة ب93 دينار
فعلى حسب حالة اختج شنو تحتاج ابر
الله يرزقها يارب

[رجواي بالله]

مرحبااااااا
شكرا لكل اللي سألوا عني وللي ماسألوا بعد :)
انا الحمد لله بخير ومتابعه بصمت لاني في بيت اهلي ومشغوله شوي
بكره موعدي اشوف بيبياتي ان شالله اتطمن عليهم وحشوووووووني وياااارب يبان جنسهم مع اني مااتوقع
بنات،، ماادري ليش صايره آفه في الاكل،، اكل وجبتي عددل ومااقعد ساعتين الا اهلك من الجوع وتجيني رجفه من الجوع،، لدرجة احيانا اني اصحى من النوم عشان اكل،، والله لايوريكم اذا جعت شيصير فيني،، لوووعه وادووخ ومايصير فيني توازن،، هل هذا شي طبيعي؟؟
انا من بداية حملي نقصت اربعه كيلو وجسمي زين مو دبه ومو نحيفه مره بس اخاف على هالحال مااقدر امر من الباب بعدين،، شو الحل؟؟

[أم عائشة]

ايه عليج ام رفا والله ماقصرتي اختي ع ردج طمنتيني والله
الله يتمملج على خير يارب وتقومين بالسلامة

[أم عائشة]

رجواي بالله شلونج اختي
عليج بالعافية يارب والله يطمنج على بيباتج يارب

اختي يمكن عندج فقر دم؟؟بسم الله عليج يارب
اكلي يختي ماتاكل الا العافية
انا هاللون وايد اكل بشكل غير طبيعي

[مشمشه روحي]

ام سلمي
روحي لاي دكتور تاني ومتتاخريش علي نفسك لاني سالت في موضوع الربط ده لازم يتفك في وقت معين وطالما عندك طلق يبقي وجوده غلط
ربنا يكتبلك الخير يا رب ويكملك حملك
طمنينا عنك
ام عائشه
ازيك يا حبيبتي مبروك زياده النسبه ربنا يكمل ليكي حملك علي خير ويثبته يارب
بالنسبه لابر التثبيت من رايي تتوكلي علي الله وتسمعي كلام الدكتور لان عندك حاله اجهاض قبل كده هو اكيد ادري بحالتك
رجواي بالله
لازم تعملي تحليل لان ممكن يكون نقص حديد اولاقدر الله نقص سكر وانا جربت الاتنين ودي تقريبا اعراضهم
ربنا يكمل ليكي حملك علي خير يارب

[مشمشه روحي]

ام جبر
الف سلامه عليكي من الزكام ماتشوفين شر
انا كمان تقريبا مزكمه
كلي برتقال وليمون كتير
ام مروان حمدالله علي سلامتك انتي وبناتك ربنا يبارك ليكي فيهم

[أم عائشة]

مشمشة روحي الله يبارك بعمرج يارب
وايه صج يمكن عشان هالسبب
راح اتوكل على الله واخذها
مشكورة اختي

اخليكم حبايبي النومة ضاربة الف عندي ههههههههههه
اجوفكم عقب ان شاءالله
ا

[أم جبر]

المشاركة الأصلية كتبت بواسطة أم عائشة

ام جبر بسم الله عليج عاد زكام وحر الله يعينج والله
عليج بالبرتقال والله مايروح الزكام عندي الا البرتقال اكليه وايد زين

زين والله .. هذاني ادقدق الله يعطيني العافيه في عصير برتقال كل يوم
...
ومبروووووووك ان النسبه تضاعفت
بس كم قالولج ؟؟

.................

المشاركة الأصلية كتبت بواسطة رجواي بالله

بنات،، ماادري ليش صايره آفه في الاكل،، اكل وجبتي عددل ومااقعد ساعتين الا اهلك من الجوع وتجيني رجفه من الجوع،، لدرجة احيانا اني اصحى من النوم عشان اكل،، والله لايوريكم اذا جعت شيصير فيني،، لوووعه وادووخ ومايصير فيني توازن،، هل هذا شي طبيعي؟؟
انا من بداية حملي نقصت اربعه كيلو وجسمي زين مو دبه ومو نحيفه مره بس اخاف على هالحال مااقدر امر من الباب بعدين،، شو الحل؟؟

هاي الشئ عادي وايد يصيد الحوامل بس مب كلهم .. لكن اني وي افحصي دمج من ناحيه الانيما بالذات احسن !!
ودام فيج فجاعه تجنبي السكريات والمعجنات لا يجيج بسم الله عليج سكر حمل

حطيلج الروب بالفواكه ووست اسمر وفواكه وخضار وشوربات احسن !!

ان شاء الله على هالاكل ما يزيد وزنج زياده عن الوزن الحمل !!

الله يسهل عليج يا رب !!
.............

مشمشه روحي

شكرا على النصيحه
الشر ما يجيج ^_^
................

[أم جبر]

من شوي قاعده افكر بطريقه ادبر بها مكان للبيبيات الله يتمم علي حملي يا رب ويسهل على الجميع حملهم وولادتهم ويبلغنا فرحتنا بهم سالمين غانمين يا رب !!!

لان زوجي حاكرني باغراضه .. منتشره مثل بعيد الشر السرطان في كل الغرف
وممنوع احد يزخها او يحركها الا هو بس .. وفكرت بكم طريقه لترتيبهم من اول رمضان ... واهو كل ماله ياجل ياجل .. وكل يوم احذره ان اذا ما جاشلهم اخرتها انا بشيلهم واوسع علي
لان طقت جبدي مكاني بروحه ضيق .. واهو عنده اوفس من كثر الكتب والاغراض واصله للباب .. من مده راح دبي وقلت له ما تشتري كتب وقالي وعد .. النحاسه هههههه راح جاب كتب بس سمعيه .. سي ديات وخاشهم من ذكائه في شنطه ساده على كبت ملابسي وانا احركها ابي اشوف اذا فيها غسيل .. الا اكتشف الصدمه .. اففففففففففففف
فكرت ابني طابق فوق استور له لكن بعد رافض ...

..................

على العموم لقيت صور لغرف بيبيات تونز حلوين
قلت المحظوظه فيكم عندها مكان ممكن تسويه







وهاي غرفه توام مرايا كيري .. جاي على ذوقي بالضبط .. خاصه الزرافه












اتمنى اعجبتكم الصور البسيطه

^_^"