دردشة بنات العراق, دردشة حوامل العراق , تجمع بنات العراق

[روح ملائكيه]

هلوووووووووووز

رويده بلا زحمه دزيلي رابط الفيلم ..

هلو زوزو شنو السالفه روحي لقسم الاطباق الرئيسيه وشوفي مواضيعنا مثبته
الي بالرابط هذي المسابقه مو المواضيع..

فله شلونج قلب اليوم خربت ضحك على نورهانه من وره المعكرونه حتى هسه سويت معكرونه وخفت اخلي معجون خخخخخخخخخخخخخخخخخخخخخخخخخخخخخخخخخخخخخخخخخخخخخخخ

[رويدة_ أم ألق]

هلااو مها هسة أرسله الج برسالة خاصة.

[أم أيهومي]

السلام عليكم ورحمة الله وبركاته
شلونكم بنات والله مشتاقتلكم كومات...
ايمان والله كنت كلما اقرا عن حياتك انقهر لتصرفات زوجك وعمايله هو وامه
بس اليوم من قريت انه انتي تتذكرين حسناته علمود متكرهيه ازداديت احتراما وحبا بيج وبأخلاقج العاليه
ولابد مايجي يوم وهو بنفسه يعترفلج بخطأ ويعتذر
زنوبه حبي مبروك الفالنتاين ومبروك الليله السعيده ويارب ايامك وايام البنات كولهة افراح واعياد ومسرات

واني وياج ويه كوكي فيما يخص مي من انه العمه تحب ابن اخوهة ويجوز ممتقصده هي تبوسه وهي مريضه لانه ماعتقد اكو قلب بالكون كوله ممكن يأذي طفل مثل الملاك بريء ولو كان قلب من حجر

تدرون بنات اني مااحجيلكم ابد على حالتي ومكتفيه بالتعليق على حالاتكم ومافد يوم كتلكم ابد مو لانه اانتو متواسوني لانه انتو اقرب من الاخوات بس لاني على قناعه بانه اني على صواب واكو ناس تغلط بحقي ولابد ماتندم بفد يوم
واتعودت اصبر نفسي واواسيها والحمد لله على كل حال
اكول كلامي هذا وموجه لمي ولنورس تحديدا والله كنت اتمنى لوانه زوجه عنده اخوات ويعيشون ويانه ابنفس البيت او عندي عمه او خاله بالبيت لانه صدكوني اعيش اشبه مايكون بسجن..
اني وزوجي وعمي ومرات المرأه تحتاج لمرأه اخرى وياهة بالبيت يطلعون سوه ويكعدون يباعون تلفزيون سوه وبالمطبخ سوه ووحدة تاخذ رأي الثانيه بلبس او شي اخر
اني هيج كنت مع زوجات اخوتي ولذلك لازالو يحبوني ويفدوني بعيونهم
اني ولدت عمليه وكلكم تدرون والعالم كولهة اجتني اقرباء زوجي والجيران والصديقات بالكليه واصدقاء زوجي واهلي وزوجات اخوتي حتى بنات بيني وبينهم خلاف بالكليه وهم اذوني اجوني من ولدت
الا حماتي الكبيره ماجتي هي عدهة بنت وحده بثالث كليه وزوجي اخوهة الوحيد واصغر من زوجي بعد بنت مهندسه متزوجه وعايشه بعمان
لا الي بعمان خابرت تهنيني وتطمن على صحتي ولا الي هنا اجت اتشوف ابن اخوهة الوحيد
بالبدايه انقهرت كلش بس زوجي حبيبي واساني ومخلاني انقهر لحظه
وسبب زعلهم انه مره صارت مشكله بيني وبين زوجي من وراهم وادخلو كلش بحياتي واختي الكبيره خابرتهم كالتلهم ابتعدو عن حياتهة وصار غلط ابينهم
اما عني فابدا مافد يوم غلطت على وحده او سمعتهة كلمه على العكس حماتي كانت تجي يمنه تبقى اسبوع واكثر هي وبنتهة والله كلاص المي ميشيلنه واني ليل نهار اركض بس اكول هم ضيوف ابيتي ولازم مااقصر وبالعكس افرح ابوجودهم ولمتنه سوه والكعده ونطلع للسوك ومرات اشتاق لطلعاتنه وعشانه بالمطعم
المهم هم حمواتي انفه وكبرياء وكبيرات بالعمر بس اني احترمهم حتى لو ماجوني
وقبل ايام حماتي الكبيره سوت عمليه وزوجي راد يروح يشوفهة تعرفووووووووووووون اشسويت
خليت ايهومي بكرسي مالته خاص بالسياره وربطتله حزام الامان واخذه وياه لبيت عمته اتشوفه وطبعا هي مشايفته قبل هاي اول مره والله زوجي اتفاجأمن كتله اخذ ايهومي وياك ومااعترض بالعكس فرح بمبادرتي
واني بالعيد اجت حماتي الكبيره اباب بيتنه وكنت حامل وطلعت عليهة ومقبلت تدخل للبيت وبدت تغلط على اختي ومااعرف شنو واخوهة واكف وابوهة وسكتوهة اني كتلهة شكرا وطبيت
ورابع يوم عمليتي كان زوجي مخلي الفيس بوك مفتوح وقريت رسائل حماتي بعمان كلهة غلط على اهلي وعلي وواجهته وكمت ابجي وهو سكتني واحترم كلامي لانه يعرفني مااعرف اغلط ومؤدبه وحنينه المهم كتله مالهم شغل لابيه ولابأبني بس وراهة كتلكم سوت حماتي عمليه ومكدرت دزيتلهة ايهومي والي بعمان هماتين احترمهة لانه ماعرف بس الاحترام

لذلك ياعزيزاتي صدكوني الوحده والابتعاد عن الاقرباء احيانا وحشه والله مرات احس باني مخنوكه واسمع الجيران يضحكون ويطلعون واني عايشه وحدي قبل كنت اطلع بس هسه مااكدر واحسد كل شخص عايش وي عائله
والله زوجي معيشني اميره والحمد لله عايشه بخير وممقصر وياي بذره ويحبني موت ويحترمني والنهار كوله مثل الطفله يعاملني وملاحكني بالمطبخ وبكل مكان ويساعدني اذا تعبانه ونتناقش ونضحك بس هذا مايكفي اني تربيت ابيت عائله كبيره واحن للمه والهوسه والشقه والضحك

عموما اني حجيتلكم عن حياتي وطبعا كل شخص حر بتصرفه وبنظرته للمقربين
اتمنى اكون مادوختكم
وشكرا ياحمامه على التهنئه واشكر الكل للتهنئه بس ياحمامتنه وين المووووووووجز
بوساتي للكل ولاولادكم خصوصا انوشه سباكتي ههههههههههههه تخبل فديتهة


بنات راح اشارك بالمسابقه بتواضع هههههههههه لحد يقلد على طبخي اموووتكم تره

[/B][/B][/B]

[/CENTER][/CENTER][/I][/B][/CENTER][/I][/B]

[kokee]

صحيح زنوبه يبوس ومدري شنو تره هاي وبدون زعل انتو خواتي اسباب تافهه
خل تبوسه هوه الفايروس يفتر بلبيت هههههههههههه
لاتزعلون بس لا تسوون من العدم مشاكل
تتحسسون لان عيالكم
بس لو اهاليكم عاديه تصير

[روح ملائكيه]

رويده تسلمين عمري وصل الرابط ماننحرم منج

نجوله الله يعينج مو اكلج احنا متشابهات يجوز انتي توأمي واني ماادري هههههههههههههههههه
وضعيتج نفس وضعيتي وحده وسجن وفوكاهه غربه ..
اني حتى بزواجي اهل زوجي مااجوني زعلوا ليش ماعزمهم بليلة الدخله عالبيت وسوينه زواجنا بالبيت وهمه حاضرين خخخخخخخخخخخخخخ الظاهر حمواتي يردن يختلن وره الباب ويسمعن هههههههههههههههههههه

ياعمري عبري وداعتج هذي الدنيا مدرسه وكلشي تعلم ...ولج مو تنزلين اطباق حلوه وتكتسحيني اني وامونه هههههههههههههههههههههههههههههههههه لا اتشاقه عمري ياريت العراقيات كلهن يشاركن ويفوزن ويرفعن راسنا عالي..

[روح ملائكيه]

هلو كوكي غلاتي منوره

[kokee]

مها ام حمودي عمي انتي مبدعه هيه كوه
بس اريدج تعميني ع البيتزا
شما اسويهه ماجيبهه عدل ههههههههه

[kokee]

هلا بيج مهاوي المبدعه
شوكت اصير طباخه مثلج اهئ

[kokee]

زنوبه ولج شو صايره حبابه وماتدخلين هنا تدوخينه بالكَركَه مالتج هههههههههههههههههههههه

[روح ملائكيه]

ههههههههههههههههههه
عمي تدللين راح اسوي باجر بيتزا وانزلها لعيونج حتى تصير صوره وشرح ماكو صوت للاسف ههههههههههه