دردشة حوامل مصر - دردشة بنات مصر - تجمع حوامل مصر

dr.princess · 10-13-2010, 05:52 PM

نولارا
ايوه احنا ولدين و بنتين
ماما كانت منظمة ماشاء الله بنت ثم ولد ثم بنت ثم ولد وانا رقم 3

*رحمه* · 10-13-2010, 06:33 PM

اومال انتوا يا حلوين هتطبخوا امتى :) :)

دودى اشرف · 10-13-2010, 08:08 PM

السلام عليكم ... انا جيت تانى ... حد هنا؟؟ ولا كله قفل

دودى اشرف · 10-13-2010, 08:13 PM

اقتباس:

المشاركة الأصلية كتبت بواسطة MALAK2010

انتى فى اى بلد؟؟؟؟؟؟؟

والهى انا مابحبش السفر بكل انواعة ولا تفاريح ولا من غير تفاريح

بس الحمد لله على كل حال
دايما اقعد اقول مفيش احلى من قعدتنا فى البلد فى وسط اهلنا بس زيك بحاول اتاقلم

انا فى الكويت بعيد عنك .... اه والله انا مفتقده جدا قعدة العيلة ... لان عيلتى كلها تقريبا ماشاء الله بنات ... فا كنا احيانا نتجمع كلنا وانتى عارفة البنات بقى ... وكمان بيتنا كان بيت عيلة ... فا كان على طول زحمة وحتة شعبية وعلى طول فى ناس ... فا فاقده ده كله وبرضه كنت بشتغل وبنزل وبطلع وعلى طول كنت فى وسط البلد انا وصاحبتى الانتيم ... يلا ... ايام بقى ويا عالم هترجع ولا كل واحد انشغل فى حياتى ... الواحدة قبل الجواز تقول الجواز الجواز ... وبعد الجواز تقول يا ريت يوم من ايام ما كانت بنت ... مع انى بقالى 6 شهور بس متجوزة ... ههههههههههههههههههه ... يلا بقى هنعمل ايه .. ربنا يعينا جميعا .

دودى اشرف · 10-13-2010, 08:15 PM

اقتباس:

المشاركة الأصلية كتبت بواسطة دينا عرفه

اومال انتوا يا حلوين هتطبخوا امتى :) :)

انا الحمدلله قومت وخلصت ... اصل انا انهارده كنت بعمل حاجة سيطة يعنى مش بتاخد وقت ... بس جوزى بييجى متأخر اوى.. بيجى 10 فا ببقى براحتى شوية

دودى اشرف · 10-13-2010, 08:26 PM

اقتباس:

المشاركة الأصلية كتبت بواسطة dr.princess

دودى
انا كمان والله مخنووقة اوى ومكنتش اعرف انى هحس بالوحدة اوى كده هنا والله انا بهدلت جوزى اول شوية كل يوم اتخنقت زهقت احنا هننزل اجازة امتى
ومهما كانت فى حاجات فى مصر وحشة وبتخنق ففى حاجات كده متعودة عليها على طول حتى الشوارع بس عمرى ماتخيلت تفرق معايا كده
ومفيش زى اننا نتجمع كلنا انا واخواتى الاتنين الاولاد وماما واختى وجوزها والولدين والله مافى زى القعدة دى
بس نعمل ايه سنة الحياة وربنا يجمعنا بيهم على خير

فعلا والله .... انا ساعات بحن للبهدلة بتاعت المواصلات ... ههههههههههههههه غاوية فقر ... بس بجد الواحد محسش الا لما بعد ... ولسه كنت بقول لملاك على لمة العيلة بذات البنات لو فى بنات من سن بعض ... يلا ربنا يقرب البعيد ان شاءالله ويجمعنا باهلنا ... برضه مفتقدة ماما جدااااا واكلها

.. اصل انا اتعلمت الطبيخ هنا بعد الجواز ... واتبهدلت فى الاول بس بصراحة جوزى بيعرف يطبخ شوية فا ساعدنى وكمان هو مريح فى اكله ومالوش اكلة خالص اللى موجودة بياكله ويحمد ربنا الحمدلله ... لكن اكلات معينة بقى ماما كانت متعودة تعملهالى اصلها كانت مدلعانى شوية علشان يعنى كنت بشتغل فا مستنية انزل مصر بقى وقلتلها كل اللى بحبه تجهزيه يوم ما انزل ان شاء الله .....هههههههههههههههههههههه
حرمان وطفاسة

دودى اشرف · 10-13-2010, 08:57 PM

واضح ان الكل قام ...اشوفكم بكرة ان شاء الله او لو دخلت تانى انهارده .... سلااااام يا قمرات

رنا خالد · 10-14-2010, 01:26 AM

هاي ياجماعه ازيكم كلكم انا حابه اوي ادردش معاكم لحسن انا طهقت من الزهق والملل طول اليوم ربنا يعين كل المستجدين في الجواز ويسهل علينا شهور حملنا ويقومنا بالسلامه كلنا وياريت تسمحولي نكون اصحاب

somia · 10-14-2010, 06:20 AM

ازيك يا رنا عاملة ايه؟؟
كده يا جماعة افطسلي ساعتين ارجع الاقيكوا رغيتوا من غيري..اهئ اهئ اهئ
يا رب يكون فيه حد صاحي عشان اقدر أفضل صاحية ومنامش

somia · 10-14-2010, 06:27 AM

اقتباس:

المشاركة الأصلية كتبت بواسطة دودى اشرف

حبيبتى سمية....ياريت بلاش اصلا رنجة... لانى اعرف انها غلط على الحمل ... تجنبيها وخلاص ... انا كمان هموت واكلها من ساعة ماحملت لكن مجبتهاش خالص
بلاش دلوقتى ... والله يصبرك على فراقها ... ههههههههههههههه

دودي انا استأذنت من الدكتورة وقالتلي مفيش مشكلة بس حته صغيرة من نفسي يعني مش كثير عشان ميجينيش ضغط الحمل وانتي كمان كلي حتة صغيرة لحسن النونو يطلع فيه رنجاية وبتبقى مشكلة..هههههههههههه
انا عندي اخت زوجي اتوحمت على ام الخلول ومكلتهاش الا في الثامن تقريبا فالواد طلعتله وحمة على شكلها فخلي بالك