دينا عرفة
الله يسهل امور حجك يارب ويتقبل الله طاعتكم يارب
الله على الحج
روحانية
أنا حجيت تقريبا قبل 3 4 سنين
وقبل الحج رحت لدكتورة وصفت لي حبوب اشربها عشان تمنع نزول الدورة وقتها
لأن دورتي كانت على أيامها
وشربتها بانتظام كما وصفت لي
وبالنسبة لأغراضك
طبعا لبس اروووواب قطنية مريحه
خذي لك عن كل يوم واحد
تقريبا الحج كلها من سبع ثمانية أيام بالكثير
ولبس الداخلي خذيها كمان عن كل يوم واحد وزيدي عليها حبتين
وضروري تاخذين بناطيل قطنية تحت الملابس
لأن المشي الكثير ممكن يسوي لك تسلخات
فانتبهي
دايم البسي بدال الشلحة بنطلون قطني شانيل تحت الارواب
وخذي لك لبس تنورة وبلوزة للعيد يمكن الحملة تحتفل بعيد الحج معاكم
أنا حملتي مااحتفلت بصراحه بس سمعت حملات ثانية بيفرحوا بالعيد ويلبسوا لبس العيد ويتكشخوا ليومتها
وطبعا خذي صابون وشامبو خاص بيك وفرشة أسنان ومعجون ومسواك ومشط وكريم واقي الشمس وكريم تدهني جسمك ومزيل رائحة العرق ومقص صغير بودرة جسم خفيفة جونسون بدون ريحه عشان تنتعشي ومنشفة للإستحمام وخذي فازلين إحتياط لو صار عندك تسلخ بين رجلينك تحطيها وتريحك وزوجك كمان ضرووووري ياخذ فازلين لأنهم مايلبسوا تحت إحرامهم بنطلون وكثير يتعرضوا للتسلخات بين الارجل
ولاتنسين غيارات الفوط إحتياط
وكماااان
خذي عباية إحتياط معاك وشراريب وغطوة وجه تانيه غير اللي معاك
وصندل خفيف للإستخدام الخاص فيك بالخيمة
وجزمة رياضية أفضل لك عشان ماتتعبي بالحج يوم ترمين الجمرات وتأدين المناسك
ومرايا وبودرة ماتنسيش وروج خفيف
وخذي كمان فوار برتقال أو ليمون وبنادوووول مسكن ضروري
كنت قبل مانام لازم خالتي تعطيني فوار نشربه وبنادول قبل مانام عشان نتقوى لليوم الثاني
ولاتشيلي هم
والله تتسهل
وتتمني تعيديها دايم
آآآآآه
ودي اروح الحج
ذكرتيني يالغالية
والله يسهل حجك ياااارب
لاتكوني طفشتي مني لأني كتبت التفاصيل المملة
بس والله حاجات ضرورية