** ليبيا زين علي زين ليبيا ورد وياسمين ** تجمع الليبيات

[جوهرة ليبيا]

مايورك باس اثوره

تقريبا اختي تاخد فيهم اليبر هادم حتي اني اخديت ممكن بي6

ههههههههههههههه ضحكتيني عالريجيم اني الحمد لله جسمي متناسق لحد توا مع اني ناكل والرضاعه الصناعي اكثر

لان ماتسكتش لين نعطيعا وتاخد حتي في صدري وطول ماهي راقده تبيه في فمها

[أثري في مدادي]

[جوهرة ليبيا]

اليوم حسيت ان جمونتي ربي يحفظها كبرت ماشاء الله تضحك وتناغي وتلعب بيدياتها

وكان شافتني ومشيت عليها تبكي وآآآآآآآآآآآء ربي يحفظها ابتسامتها ترد فيا الروح هي ووخيتها

اكثر شئ مانتعبش منه لما نغير ونلعب بنوتاتي ونهدرز مع راجلي خصوصا لوجاني مضايق من شغل اواي شئ انحس اني

مسؤوله ولاازم انحافظ علي كل اسرتي وحتي نتعب مجرد انشوف السعادة في عيونهم ننسي كل تعبي

اكيد حتي انتم زيني ربي يحفظكم

[جوهرة ليبيا]

اثوره سهرانه

الحلوين وبوهم رقدوا؟؟؟

[جوهرة ليبيا]

تصبحوا علي الف خير

[ام نرجوسه]

لا والله اختي اثري في مدادي. بعتوهم العويلة مع راجلي سلامته من أسبوعين فاتوا وين بنلقاه الوشق والزميطة هنا فرقة الحال هوه دقيق الشعير وقلبت عايه الدنيا وما حصلته
وبالنسبة لحموزي مازال صغير عالزميطة عمره 6شهور

[جوهرة ليبيا]

السلام عليكم ورحمه الله وبركاته

صباح الخيرات عالحلوات

[ام نرجوسه]

سلمك اختي لوشي
صباح الخير عليك اختي جوهرة ليبيا وصباح الخير على الجميع
جمعة مباركة

[جوهرة ليبيا]

وصباحك احلي ام نوسه

كيف حالك اليوم وحال حموزه ربي يحفظكم

[dr.loly]

المشاركة الأصلية كتبت بواسطة أثري في مدادي

أم فروسي
دكتورتنا التي لا نستغنى عن إضااااااااااءاتها
المشرقـــــــــــــــــــــــــة

شكرا على السؤال الدائم ،،، أنت وكل الحبيبات

كيف حال السموح والسموحة ؟؟
وصايمـــــــــــــــــــــــة شنو دينك ولا أجر ؟؟؟ قصقصة

وشفتي الأتوكتين ولا لا ؟؟
أهو طلعت حتى أم أبوني مدايراته
روعة بصراحــــــــــــــــــــــــــة
الله يتمم علينا نعمائه
ما أروع الشعور أنك
رشيقــــــــــــــــــــــــــــــة أو كدت !!!!

إحساس منعش = كوب ليموناضة بارد

طيب ،،،،،،،،،،،، المناخ عنكم معتدل
بالله كيف حال بنغازي ؟؟ طمنينا على العائلة وخوك خصيصا ؟؟

وربي يعاونكم على ميزانية الهدايا
وأنويها من باب """ تهادوا تحابوا """
ومن باب الإحسان
والبر بالوالدين
وما أشبه لتأجري عليها

ولو تمكنت من إرفاق كل هدية بمطوية دعوية أو دسكا أو أي نفع متعد للغــــــــــــــــــــــــد
يكون أفضل

سلمك الله ورعاك

يا ألف مرحبـا بفراشتنا المضيـئة حتي برقة كلامتها التـي تفوح منها اروع الاضاءات والنصائح الرائحه ..
نظام اتيكوتين بصراحه رائع ولا غبار عليه .. خصيصآ انه مش قاسـي واحلي شئ فيه ايامات دلع نفسك بعد اسبوعين او 4 اسابيع
ع فكرة صديقة ايام الكليه ليست من المقربات ولكن معرفه صدقي او لاتصدقي نزلت 25 كيلو ...

لدرجة بعد شفتها من بعيد قعدت نشبه عليها هي و لا لا؟
كانت تتبع هالنظــام مع شراب الزنجبيل ورياضه مكثفه يوميا ساعه..

وقالت لي الجمعه ناكل ف سناكز زي طرفين سينكر ونوع اخر من الشوكلاته لانها ماتتحملهش وغاليه عليهااا..

ربي يوفقك ان شاء الله ف النظااام ..
وبالفعل اهم شئ التناسق يصبح الريجيم متوازن ايضآ اي لاتنقصي من مناطق
دون اخرى...
يكون النقصان متوازي...

انا حاليآ الحمدلله يارب بديت نلبس 42 .. انجاز كبير بعد 44 اول ماوصلت بريطانيا
وحتي 40 يجي الحمدلله بس الحق مانحبش الحاجة ترسم ملامح جسمي واجد
نحب وسع شويه..

وع فكرة اخر اسبوع كلمت هلي ع سكايب اصابتهم الدهشه والذهول

كلهم قالوا ماشاء الله ناقصـــــــه واجد

وحتي ابوفروسي لاحظ

لكن انا نقول لا ..لاني واخده نظام قوي اني نوزن كل شهــر..

نظامي هو متابعة السعرات الحراريه الداخله لجسمي ( الكالوري)

وشكر خفيف ف قهوة .. او شبه معدوم

وزبادي قبل النوم بساعه .. والباقي واخده راحتي ع اخر هههه

لان خلاص الحق معش فيه مانقص

بس مشكلة الريجيم اهم شئ بي ام أي نسبة الوزن للجسم وتعرفي كم سعرة حراريه محتاجها جسمك ع حسب وزنك ونسبته بطول.. أهم شــئ..

لان طوال نقصهم اقل شئ من اقصر ..
وحتي دكتورة زائره لي تجينا ف حوش قالتلي انتي طويله نقصي بشوي وثبتي اهم شئ
لان اللي ينقص بسرعه يرد بسرعه
وهالكلام من 5 شهور .. والحمدلله ع كل حال

بالنسبه لفروسي والولي الحمدلله
حالهم باهي.. مع الحضانه وفروسي كل مانجيه ف ترويحه او وقت البريك نرضع الاء
اي طفل يلمسيني يبعده عني ويعاركه ههه شعور غريب حسيته ماتوقعتش يغار عليا هكــي..

وعجبتني فكـرة المطوية او الديسكا ..

في هنا مركز اسلامي ..فيه حاجات حلوة ..
وربي يعطي زوجي ع قد نيته بالنسبه للهدايا
وصحيح نويت الاحسان خصيصا لبنات صبيتي ال6 عارفه ان ظروفها اخر فترة صعبه
لذلك وديتهن بجاكات طوال كشمير وكل واحد اجمل م الاخر مع ساعات واطقم بناتيه
قلت اكيد ح يفرحن بهن..

الحمدلله ع كل حال بعد شفت حرص الناس الشديد ع التوفير والحرمان من بعض اساسيات

مافهمتش تفكيرنا يفرق شوي يعني هي مرة بالعمـر هالاقامه ف بريطانيا ..
والشركة موفره منحه كويسه تسد متطلبات حياه كريمة له ولاسرته .. فليش هكي
خصيصا بعض من جماعة الغرب اكثر مع احترامي ليكن ..حريصين بكل مع عائلة من شرق
حارمين روحهم عشان دس هالفلوووس وكأنهن هنا
لي بيغننهم خلاص ..
رغم ان ظروفهم تعتبر جيده ف ليبيا
خصيصا بعد نروحوا ماشاء الله ف زياده وتحسن الشغل متاعم
لكن للاسف يمكن مرض نفسي قعد الحرص الشديد ع دس الفلوس
بدون سبب الا ان يحسبوا ان الباوند او الاسترليني ب 2 وربع ليبي
ولاحول ولاقوة الا بالله
بالنسبة للعائله وبنغازي بخير لولا هالتفجيرات اللي مرة مرة او يوم بعد يوم اللي اصلآ اهل بنغازي مش عارفين من أصلآ يفجر او يقتل .. والحكومه لا حققت ولا عدلت وكأن ارواح ودماء الليبين اصبحت رخيصه..والله المستعان