اهلا باهل الجود والكرم **اهلا بسيدات ليبيا**

[dr.loly]

جيجي كيف حال اعويناتك توا
ان شاء الله احسن من قبــل\..
وربي يعطيك الصحه ع السهووور

انا اسبوع نرقد فيه ساعه ف اليوم

قعدت حاضنه بنتي ونبكي ف الليل هذكا اليوم لي جيت فسيت خلقي لكن هههههه
الحق بنوتي حتي كان وعت ساعه او 2 بالكثير لكن مشكلتي

ان يطير مني النوم ومعش نرد نرقد بسهوووله

لكن توا الحمدلله درنالهم نظام سهور ارتحنا جدا معااااه

لان نا بروحي بعد نرقد بكري... انوض ع 5 او 4 ويصيرلي ارق
والعيال بسلامتهم ينوضواا خلاص بعد يشبعوا نوووم


......



بالنسبه للسياحــه ف الجبل الاخضر


ماتقوليش مثلا نبي شحات او سوسه او راس الهلال

لان بالنسبه لينا كلهن مكان واااحد يعتبرن مسافه بنهن لا تذكر

ولا شن رايك اوشــي...؟


يعني مثلا احسن مكان للسكن ف الجبل عندك راس الهلال في منجع اسمه الينابيع

روعه منظر البحر والجبل وراااه .. هذا لي مره شموووسه حطتلنا صور منه

خشي ع ملفها الشخصي تلقيهن صور حاطتهن ..

هذا فيه نظام منازل في كبير للعائلات الكبار وفي متوسط زي عائلتكم

كان ايامات نمشولها ليله ب 120 دينار واحلي جو ف عيد الاضحي فيه

وحتي شوايه واقفه فيه ف حديقة لي من خلف


وفيه عندق فندق المنـــــــــــــاره اللي حتي هو ماعنديش معاه روح لاصيف ورشتا

هههه هذا لي مره حطيتلكم منه صور وقتلكم مش عارفه ليش اربع كبابي عصير جايبلنا ف الفطور.. لو تذكري


هذا موعه رهيب ع البحر طول اطلبوا الغرفه مثلا مواجهه للبحر ويجي الجبل من وراك او بلكونه اخري تشوفيه



هذا سعره في شتا وصيف يختلف

ف صيف جناح ب 120 و وشتا ب 100 الليله

والغرفه الزوجيه ب 82 ايام كنا عرسان
وف شتا جيناه ب 70

وبعدهااا جبت خدينا جناح فيه مطبخ ميني بار وصاله وغرفه اضافيه وحمامه كبير بكل


واكلهم سمح خصيصا المشاوي واحسن شئ يجيبولك ف الغرفه حتي الكابتشينووو

بعد تكلمو بتلفون الغرفه..

[dr.loly]

منورات اخواتنا الغائباااات

اموله ماشاء الله ع لمة ونستنوا فيك تنزلي صور نفس ماحكيتي
وربي يحفظلك طمطومه الاموره والاهتمااام المبالغ فيه

دائما يصير مع البكر يابال انتي نغتربه خطرتي عليا جارتي نفس جووو حتي


...


جنوده الحبوبه ربي يوفقك يارب ويسيرلك امورك
مابعد الضيق الا الفرج عزيزتي




...

ام ورد منورتينااااا كيف حال اموراتك؟

[dr.loly]

وين اثري ...؟

رجعت هلال العيد من جديد اثري ..



.........


شمووووسه اختفت..؟؟


...
ام وسونه معش خشت بكل ان شاء الله خير

[dr.loly]

طبعا اليومين هذه كنت لاهيه ف المشي للمركز..

قعدت نفوت ف دروس خشيت مجال اخر امس التعرف ع ثقافات المجتمعات الاخري

وتعلمت الباكورا الباكستانيه وشربه عدس ع طريقتهم
وتعلمت حتي سندويتشات تشبس من الانجليز ههه

جو من الاخير قتلهم تو نعلمكم حاجة ليبيه

وبعد حكيتلهن ع طرق وحاجات انبهرن قال واااو طباخه ماهره
قتلهن كل الليبيات مثثلي ..(نحب نعطي صورة جميله ع المراه الليبيه
في المجتمع وفي بيتهاااا قمة في العطاء وماتقصرش))
نحن هكي نظامنا ووو الخ
شرحتلهن قصتنا ع مطبخ وهكــي...
\
استغربن قالتلي وحده انجليزيه نحن الاحد ومش كل احد اخري ناكلو مع بعض
قتله حتى الابله قالتها ليااا..


ومنهاااا ندير هكي عشان نفس ماحكيتلكم ان الروووضه لازم نقعد
ف نفس المركز بس مش معاهم طبعا

[dr.loly]

سلام توا وان شاء الله نكون مانسيتش حد

[أمل ليبيا]

السلام عليكم
كيف حالكم ياحلا اخوات نفره نفره ع قولت اوشي العيوله


ان شاء الله تكونو بخير


وع فكره ام فروسه اليوم عجنت البيتزا بالنشا زي ماقلتي وبنشوفها واني واااااثقه ح تجي حلووووه لاني بصراحه وااااثقه من ذوووقك ربي يحفظك وسبحان الله كل مانستعمل عطر ايلي نتذكرك طوووول لاني جازفت وشريته وقلت في خاطري حاجه قالت عليها ام فروسي اكيد حلو وحتي 212 طلع يهبل وعجب زوجي هلبا
ربي يحفظك ياذووووق




وبالنسبه ياخوله حاااظر ح نقولك شن درت في لمتي وان شاء الله تستفادي مني في حاجه

طبعا درت بوفيه مفتوح اول حاجه قدمت عصير وشكلانه كواليتي ستريت وبعدين حطيت العشاء ع رخامة المطبخ طبعا مانحبش نقول بار :)
المهم وكان ك التالي طاجين جبن وهذا جهزته من الليل وحطيته في طاجين وحطيته في الثلاجه الصبح حطيت عليه الدحي والجبن وطيبته وفر عليا وقت وجي زي العسل



ودرت شيش طاووق وحتي هو تبلته من الليل والصبح حطيته في الكوشه



ودرت بوريك وحتي هو جهزت حشوته من الليل والصبح حشيته وقليته


ودرت كسكسي طبعا اول مانضت طيبت البصلة وتيتها ولصغر الطنجرة وكبر اللحم درته ع مرتين
ودرت اللحم بروحه والكسكسي بروحه والبصله بروحها ودرت بطاطا وطبعا شريت الفرينش فروزين الجاهزة اقلي بس ودرت معاه سلطة شرموله ومخلل مشكل وزيتون

[أمل ليبيا]

ودرت عجينة الباف بالدجاج والجبن والسبانخ ع شكل مثلتات غير ماصورتهاش وحتي هي تساعدك هلبا لانها جاهزة انتي جهزي الحشوة بس وتجي خفييييفه تهبل








والنخلات يافروسه درتهم في اللمة التانيه لانه في الاولى معاش سدني الوقت وللاسف ماصورتهمش بس دارو جو حلووو تسلمييي


وبالنسبة للحلويات ياخوله ننصحك ماديرهمش من توا لانه لو زينا الشقه سخونه من التدفئه لذلك لو حاجت شكلاته تسيل ولو في الثلاجه نحسها لما اطول تبدا مش حلوة وعموما مش لازم اديري لمتك ع طول بعد الولادة ان شاء الله اني درتها بعد شهرين يعني استريحي قبل وبعدين ساهل وانتي وقناعتك

المهم اني ماكثرتش درت سلة بالكراميل والمكسرات ومعمول بالحلقوم ونوع زي الوردة ملبسه بالشكلاته وكلهم درتهم في نفس اسبوع اللمة وعندي صديقتين بااارك الله فيهم وحدة جابتلي بكلاوة ووحدة جابتلي كب كيك قدمتهم مع الكابتشينو




والفاكهة درتها ع شكل اسياخ



وفي النهاية المكسرات والملبس وطبعا كانو بسيطاااات جدا لاني ماشريتش من النت

[أمل ليبيا]

مش عارفه خير الصور مقلوبات
اقلبو الابتوب وخلاص ههههههه
المهم هذه لمتي المتواضعه جدا ومن قال بيا هههه وللاسف كنت عابيه ع جاراتي والعبا ع الله ربي يسامحهم في الي جت مع الضيوف في الليل وفي الي ماجتش بكل لكن الحمد لله ربي عانني ودرت الي نقدر عليه غير نوضي بكري وابدي اشتغلي
وان شاء الله ياخوخه استفدتي مني في حاجه ولو تبي اي استفسار تفضلي اني جاهزة وان شاء الله تنوضي بالسلامه يااارب

[dr.loly]

المشاركة الأصلية كتبت بواسطة أمل ليبيا

مش عارفه خير الصور مقلوبات
اقلبو الابتوب وخلاص ههههههه
المهم هذه لمتي المتواضعه جدا ومن قال بيا هههه وللاسف كنت عابيه ع جاراتي والعبا ع الله ربي يسامحهم في الي جت مع الضيوف في الليل وفي الي ماجتش بكل لكن الحمد لله ربي عانني ودرت الي نقدر عليه غير نوضي بكري وابدي اشتغلي

ماشاء الله درتي حاجتك بروحك وما استحقيتي لحد
حتي بروحك تحسي بالثقه والفخر..حتي في عيون زوجكـ اهم شئ
والحمدلله جاتك ع قد نيتك الطيبه

[خوله 2014]

المشاركة الأصلية كتبت بواسطة أمل ليبيا

مش عارفه خير الصور مقلوبات
اقلبو الابتوب وخلاص ههههههه
المهم هذه لمتي المتواضعه جدا ومن قال بيا هههه وللاسف كنت عابيه ع جاراتي والعبا ع الله ربي يسامحهم في الي جت مع الضيوف في الليل وفي الي ماجتش بكل لكن الحمد لله ربي عانني ودرت الي نقدر عليه غير نوضي بكري وابدي اشتغلي
وان شاء الله ياخوخه استفدتي مني في حاجه ولو تبي اي استفسار تفضلي اني جاهزة وان شاء الله تنوضي بالسلامه يااارب

الله يا امولة الله قديش اسعدتيني بصراحة وماشاءالله كل شيء حلو ومتناسق نتمني هكي لمتي اتكون بس عندي اشوية اسئلة بالله نبي قديش معازيمك وبالنسبة للحار زي البوريك علي ما اعتقد شني الطريقة