تجمع حوامل سوريا-دردشة ورود سوريا-دردشة الغاليات

[سرووءة]

اي يعني بالعيد بتطلعي على حلب ما
يلا الله يسرلك
وصحة وهنا شهيتيني اسويها ماعندك صورة للطبخة عشان اشوفها

[زهرة الحب]

أيه والله
الله يسلمك حبيبتي لا والله بس كتير طيبة صدقني وخصوصا معها كريم التوم مممممممممممم

[سرووءة]

كيفكن بنات اليوم
وينكم

[زهرة الحب]

مسا الخير والحب لكل بنوتات سوريا بلد العزة والكرامة
أنا بعشق سوريا
كيفكن بنوتات وينكم نهولة
كيفك حبيبتي طمينني عنك

[سرووءة]

اهلا زهرة
نيهال وينك مو مبينة
رنومة بيتجي يوم وبتقطع عشرة
شو بكم يابنات
ياسمين كمان بتجي يوم وبتقطع عشرة
عطر الشام وينها مابينت من زمان

[زهرة الحب]

كيفك سروؤة اليوم
شو عملتي اليوم؟

[زهرة الحب]

بنات صلي يومين كتير مخنوقة
بدي أفشلكم قلبي صلي سنتين ونص متزوجة ماحملت ولامرة والله حاسة حالي عم أتعذب كل يوم بشوف بنومي عندي ولد كل يوم بشوف نفس المنام
من يومين شفت انو رحت على دكتور وقلي أنتي حامل صلك شهرين
بتصدقوا لما بكون عم أحلم هيك حلم مابريده يخلص لأنو كتير بكون مبسوطة فيه يمكن تضحكوا علي وبس من حرقة قلبي كل اللي تزوجوا بعدي بكتير حملوا وصار عندهم ولاد الله يهنيهم يارب والحمد الله على كل حال بس بدي أخلص من هل منامات لأنو كل ماعم اشوف هيك منامات عم بفيق مرضانة
أسفة طولت عليكن بس والله حاسة كل الناس قاعدة على رقبتي من قد مالي مخنوقة

[سرووءة]

زهرة حبيبتي طولي بالك واستهدي بالرحمن
طيب بسالك تعالجتي شي شفتي شي دكتورة وشفتي شو سبب التاخير انتي وزوجك
قوليلي لحتا اعطيكي نصيحة مجربة انشالله

[زهرة الحب]

أيه والله حبيبتي ماعفت دكتورة مارحت لعندها عجزت الدكاترة
معي تكيس ودورتي مالها منتظمة أو بتنتظم برجع برتفع هرمون الحليب بخربطلي ياها
أنا حامدة الله وشاكرته مالها مزعوجة بس المنامات هي السبب والله كيف بدي اخلص من المنامات

[زهرة الحب]

دائما بشوف عندي صبي وعم رضعه من صدري وعم اطعميه ومابتتخيلي اديش بكون مبسوطة والله وقت بصحى بقعد ببكي