تجمع سيدات ليبيا الغاليات..

[dr.loly]

المشاركة الأصلية كتبت بواسطة sosolibya

فروسة لو سمحتي ممكن مساعدة بسيطة ولا أظن أنها تحل إلا من ألإدارة

شفتي اللخبطة يللي صايرة في قسم السياحة والسفر..

حاولت نغير ألأسماء بس تغيرت المشاركة ألأولى فقط وبقى ألإسم ألأصلي
للموضوع.
لو سمحتى ديري دورة وتوا تفهمي.....

اهلا سوسو بم اني كنت غايبه شوي .. ومشغوله هالايام ب لولي والقرايه
معش برمت واجد ع الاقسام وشيكت عليهن..



قوليلي شن تبي نديرلك بالضبط وتوا نعدلهولك ان شاء الله


وح نخش توا ونشوف حاضر

[dr.loly]

المشاركة الأصلية كتبت بواسطة شموسه 88

ان شالله حنجربه اويارب ايكون في نتيجه لاني عمري ماعانيت من اسناني اوعمرها ماجتني حتى سوسه انا كان اتشوفيني حاطه وشاح عل فمي مش قادره لا ندوي ولا ناكل وانحس في راسي كله ينبض من الالم

اي والله حاسه بيك نفس الجو لي جاني ف فراااس

بس كنت اول التاسع...


والله قعدت نحس بألم الناس صح بعد يجوني ف العياده هههههههه


حتى نا وقتها لاقدرت نشرب لادافي لا ساخن لامسقع لاشئ ... شادتها بكاء وخلاص



وصحه غداكم



وحاولي تاكلي ع الجهة العكسيه بشوي اشوي عشان بيبي اقل شئ..




بالنسبه لفطوري شربه ومكرونه امبوخه وسلاطه..



دايره اميركان بان كيكـ لابوفروسي جاي في خاطره ... من اول امس


بم ان اليوم ماطلعتش كسدته ودرته له


كلا ان ملتزمه بنظام غدائي يعني حناخد طرف واحد فقط

[dr.loly]

المشاركة الأصلية كتبت بواسطة ام وسونة

ام فروسة شكرا على تعليقك وكل اللي قلتيه عندي عليه خلفية لاني مهندسة معمارية وليست ديكور

يعني دارستها من جميع الجهات لما فكرت في الصالون مالقيتش حل غيره وخاصة ان باب الحوش مقابل البار فلازم

يكون صالون مش طاولة الطعام باش مايصيرش ضيق عالعين فهمتيني ياغالية اني من نوع اللي نحب نشغل

كل مكان في الحوش لامتاع النظر الا في حالتي صعب انك تكوني داخله للبيت وتلقي على طول سفرة الاكل

ورغم كبر وسط الحوش حيبان صغيررر واني ماحبيتش الفكرة هادي

اي صح فاهمه عليـــك..

نا الاستقبال عندي مقابل حائط .. وع يسار الباب حائط المطبخ ..


الحق كنت نتمناه اوبــن ..


لكن حرنا واجد اخرتها زوجي جاب البناي وسكره


بعد قتله بلاش منه ... وحسيته هو نفسه مش مقتنع




خصيصا لما يكون المطبخ شغل سيراميكته حلوة .. ودولاب وجو هذا حرام مايبانش الحق



وهذا لي صايرلي توا متحسفه هههههه



خصيصا ان مطبخنا كبير وفيه جهة خاصه جلسة فيها جو ف رمضان
وطاوله اكل ..


لكن ان شاء الله ف بنية الاحلام الواحد ينسق ع راحه..

[dr.loly]

عدلتهم ياسوسو المواضيع

وعندك مواضيع مش مكانهن السياحه والسفر نقلتهم للاقسام المناسبه


قبل بننقل حتي اللعبه لقسم الفرفشه لان هنا مش حتاخد حقها قلت نقولك ب الاول عليها

[sosolibya]

مشكورة عزيزتي فروسة وربي مايحرمن منك ..

بس أنا ماقصدتش النقل شفتي ألأسماء كيف صاير فيهم حالة الواحد مرات مايخشش أصلا لأن الأسماء غير المحتوى
فهمتيني نبي ألأسماء تغير زي مانبيهم أنا..
وبالنسبة للعبة ديري رأيك يللي تشوفيه أنسب ,, واثقة فيك ..

وبارك الله فيك..

[كبريآء أنثى ـآ]

مسسآآآآآآآآآآء الخير
حبيت أمسي عليكن صبآآآيآآ بمآ إنه تجمع بنآآت بلدي بحآآالة يرثى لهآ للأسف ..
كيفكن ؟؟
قلت بآجي هوون بتسلى مع جآرآتنآ

[ام وسونة]

مبروك علينا الفوز والله محتاجين لفرحة زي هادي ربي يحفظكم ياولاد بلادي

ياروووووووووري

[ام وسونة]

ام فروسة ربي يعطيك مافي خاطرك وتفصلي بيت الاحلام كيف ماتحبي

[ام وسونة]

اهلين بأختنا كبرياء انثى عرفينا على نفسك

[ام وسونة]

ام رنودة اليوم جربت ماكينة البورديم اول مرة نديرها طلعلي روعة اليوم راجلي جي جايب معاه فخدة وطني

مقطعة كبير ماشاءالله هذا اللي خلاني نديره ودرته في كيس الفرن وحطيتله فحمه في الاخر

ودرت معاه رز ابيض وشربة عدس وسليطة وخلاص هههههههه

طبعا هذا كله بعد ماروحت من المدرسة